Яна ўқишни кўчириш бўйича: нафақат тиббиёт, бошқа йўналишлар учун ҳам янгилик бор

Бугун соғлиқни сақлаш тизимида белгиланган минимал 100 баллни тўплай олмаган талабаларга ҳам ўқишини кўчиришга рухсат берилганини айтгандик. Батафсил мана бу ерда.

Шунингдек, Давлат қабул комиссияси қарори билан бошқа йўналишлар учун ҳам янгилик белгиланди.

Унга кўра, ўқишни кўчириш учун ўтказилган онлайн тест синовлари натижаларига кўра, тизимида ОТМлари бўлган вазирлик ва идоралар томонидан белгиланган қуйи баллни тўплай олмаган, лекин 56,7 балл ва ундан юқори балл тўплаган талабаларнинг ўқишини уларнинг аризаларига мувофиқ – Олий ва ўрта махсус таълим вазирлиги тизимидаги ОТМларнинг тест топширилган фанлар мажмуаси ва ундаги фанлар кетма-кетлиги бир хил бўлган (2020/2021 ўқув йили қабулига мувофиқ) бакалавриат таълим йўналишларига кўчиришга рухсат берилди.

Бу нима дегани?

Мисол учун, Адлия вазирлиги тизимига кирадиган Тошкент давлат юридик университетга ўқишни кўчиришда минимал балл 100 балл қилиб белгиланган. 100 баллдан кам тўплаганларга ўқишни кўчиришга рухсат берилмади. Энди янги қарор билан 56,7 баллдан кўп, аммо 100 баллдан кам тўплаганларга ҳам имконият берилмоқда.

Энди ўша талабалар Олий ва ўрта махсус тизимига кирадиган бошқа ОТМларга ўқишини кўчиришлари мумкин. Бунда фанлар кетма-кетлиги бир хил бўлган йўналишларга рухсат берилади. Ҳозирги мисолимизда, айтайлик Қорақалпоқ давлат университетининг Юриспруденция йўналишига кўчиришлари мумкин.

Қаерга ариза топшириш керак?

Бунда, талабгорларнинг дастлабки танлаган ОТМ бўйсунадиган вазирлик ва идораларга ариза топширилади, улар умумлаштириб Олий ва ўрта махсус таълим вазирлигига тақдим этади. Яъни ТДЮУга ўқишни кўчириш учун ариза топширганлар Адлия вазирлигига ариза топширади, Дипломатия университетига ариза топширганлар Ташқи ишлар вазирлигига ва ҳ.к.

Қайси ОТМ қайси вазирлик тасарруфида эканлигини мана бу ердан кўриб олишингиз мумкин:
https://t.me/xushnudbek/6168

ЭСЛАТМА:

➖ бу янгилик фақат ўқишини кўчириш учун 5 августга қадар transfer.edu.uz сайти орқали ариза юборган ва онлайн тест синовларига кириб чиққан талабаларга тааллуқли;

❗️ жорий йилда абитуриент сифатида ўқишга ҳужжат топширган ва тестдан йиқилганларга бунинг алоқаси йўқ!

➖ ҳозир қайсидир ОТМда талаба сифатида ўқиётган ва бугунги хабардан кейин бирдан ўқишини кўчиришни хоҳлаб қолган талабаларга ҳам бунинг алоқаси йўқ.


👉 @xushnudbek 👈