⚡️ Пропискасиз фуқаролар янги уй олганда тўлайдиган 5% лик давлат божи бекор бўлди

Шавкат Мирзиёв томонидан кеча имзоланган қонунга биноан, доимий пропискаси бўлмаган фуқаролар томонидан Тошкентда янги қурилган кўчмас мулк сотиб олинганда мол-мулкнинг олди-сотди шартномаларини тасдиқлаганлик учун шартнома суммасининг 5 фоизи миқдордаги давлат божининг алоҳида ставкаси чиқариб ташланди.

Шунингдек, пропискасиз фуқаролар томонидан сотиб олинган янги уйларни 3 йил ичида сотган ҳолатларда 400 “минималка” (89 млн 200 минг сўм) миқдорида алоҳида давлат божини қўллаш тартиби ҳам бекор қилинди.

❗️Ваниҳоят бу қонун билан Ўзбекистонда 8 йил давомида амалда бўлиб келган Конституцияга зид тизимга, яъни Тошкентда мулк-ҳуқуқининг чекланиши ёки пропискасиз шахсларга мулк олишда оғирроқ шартлар белгиланишига чек қўйилди.

Барчани ушбу ғалаба билан табриклайман. Энди бемалол исталган Ўзбекистон фуқароси Тошкентдан мулк сотиб олиши, сотиши, ҳадя қилиши мумкин. Бунинг учун ортиқча тўлов ёки бошқа қўшимча талаблар шарт эмас.

P.S.: энди фақат Вазирлар Маҳкамаси қароридаги аукцион ва ижрога қаратилган мулкларни олишдаги алоҳида тартибни чиқариб ташлашса, бўлди.


👉 @xushnudbek 👈