🫥 Ilmga homiylik qiladigan tadbirkorlar koʻpaysin!

Kuni kecha Namanganlik tadbirkorlar homiyligida Matematika (5-6 sinf va 7-8 sinf), Fizika (7-8 sinf) va Kimyo (7-8 sinf) fanlaridan mukofot jamgʻarmasi 90.000.000 soʻmlik olimpiada oʻtkazilishini e’lon qildik.

PARLAK AMBALAJ, MEXMASH va IFODA korxonalari rahbarlari (Namanganlik) oʻz viloyatidagi iqtidorli yoshlarni aniqlash va ragʻbatlantirish niyatida olimpiada oʻtkazish tashabbusi bilan chiqishgan edi.

Bundan tashqari PDP UNIVERSITY asoschisi Odilbek Mirzayev tashabbusi bilan umumiy sovrin jamgʻarmasi 5.5 milliard (!) soʻm boʻlgan 10-11 sinf va akademik litsey oʻquvchilari oʻrtasida matematika fanidan Respublika olimpiadasi tashkil etiladi. Bu haqida batafsil ma’lumot beraman.

Boshqa viloyatlarda ham olimpiadalar tashkil etilishini xohlaymiz, lekin tadbirkorlar yoki hokimlar bizga koʻmak berishi kerak. Bizni emas, gʻoliblarni munosib ragʻbatlantirishi kerak!

🤝 Ushbu xabarni oʻz viloyatingizdagi ilmni qadrlovchi insonlarga yuboring. Ular tashabbus koʻrsatishsa, biz tayyormiz!

P.S: oʻtgan 2 yilga yaqin hokimlar, tadbirkor va oʻquv markazlar rahbarlari bilan koʻplab olimpiadalarni yuqori saviyada oʻtkazdik. Gʻoliblar pul mukofotlari va maishiy texnikalar bilan taqdirlanishdi.