📢 نصيحة للكل | موقع تفريغ مجاني من جوجل 🎙

السلام عليكم ورحمة الله

عايز أشاركم أداة بجد مفيدة جداً لو بتتعاملوا مع تسجيلات المحاضرات أو أي صوت عايزين تحولوه لنص مكتوب

━━━━━━━━━━━━━━━
🔗 الموقع: Google AI Studio
https://aistudio.google.com/prompts/new_chat
━━━━━━━━━━━━━━━

🤔 إيه هو الموقع ده؟

ده Playground رسمي من جوجل بيخليك تشتغل مع نماذج الذكاء الاصطناعي بتاعتهم مباشرة وبالمجان. وأحسن استخدام ليه بالنسبالنا كطلاب هو تفريغ التسجيلات الصوتية بجودة عالية.

━━━━━━━━━━━━━━━
📋 خطوات الاستخدام خطوة بخطوة:

1️⃣ افتح الموقع من اللاب أو الكمبيوتر
(مش بيشتغل على الموبايل)

2️⃣ هتلاقي على يمين الشاشة قائمة إعدادات، اختار منها نموذج اسمه:
Gemini 3.1 Pro Preview

3️⃣ في نفس القائمة دي، فيه إعداد اسمه Thinking Level، خليه على High

4️⃣ دوس على أيقونة رفع الملفات (زرار الـ + الصغير اللي في صورة أسفل الشاشة) وارفع التسجيل بتاعك

5️⃣ في خانة الـ Prompt (مكان الكتابة) اكتب الأمر الخاص بالتفريغ اللي هبعته في رسالة تانية

6️⃣ دوس Run وانتظر

━━━━━━━━━━━━━━━
⚠️ ملاحظات مهمة عشان تاخد أفضل نتيجة:

✅ الامر اللي في الملف ده للتسجيلات الصوتية بس، مش للملفات النصية أو الـ PDF

✅ أقصى وقت للتسجيل الواحد ساعة لساعة ونص كمان. لو التسجيل أطول من كده، قسمه لجزئين أو 3 قبل ما ترفعه

✅ لو ظهرت لك رسالة إن الليميت خلص، مش لازم تستنى. بس غير حساب جوجل وادخل بحساب تاني

━━━━━━━━━━━━━━━
💡 ليه الموقع ده تحديداً؟

لأن نموذج جوجل الجديد ده عنده ليميت يومي كبير مقارنة بالبدائل، والجودة في التفريغ كويسة جداً، وكل ده مجاناً بدون اشتراك

━━━━━━━━━━━━━━━
#تفريغ