Toyota асосчиси фойдаланган “Бешта нима учун” қоидаси ("5 WHY" rule)
“Бешта нима учун” қоидаси – пул сарфлашга оид қарорларингиз тўғрилигини текширишнинг осон ва самарали йўли. Бу қоидадан Toyota компанияси асосчиси Сакичи Тойода доим фойдаланган. Ислом молияси бўйича мутахассис
Хондамир Нусратхўжаев ўзининг Телеграм каналида (
@chiroylimoliya) бу қоида қандай ишлашини оддий мисол билан тушунтириб берган. Фойдали маълумот бўлгани учун Сизга ҳам улашяпман.
"Бешта нима учун" қоидаси ўзи нима?
Мана бу қоида. Масалан, сиз мўйнали пальто истайсиз.
Ўзингизга савол берасиз:
Мен нима учун мўйнали пальто истайман?
Бу
биринчи "нима учун" саволи.
Жавоб: чунки мен ҳаммани ҳайратда қолдирмоқчиман.
Яхши,
иккинчи "нима учун": нима учун ҳаммани ҳайратда қолдирмоқчисиз?
Жавоб: менга эътибор қаратишларини истайман.
Учинчи "нима учун": нима учун инсонларнинг эътиборини тортмоқчисиз?
Жавоб: чунки ўзимга ишончсизликни ҳис қиламан.
Тўртинчи "нима учун":
нима учун ўзингизга ишончсизликни ҳис қиласиз?
Жавоб: чунки ҳаётда ўз имкониятларимни намоён эта олмаганман деб ҳисоблайман, бир жойда қолиб кетганман.
Бешинчи "нима учун":
нима учун ҳаётда ўз имкониятларимни намоён эта олмаганман деб ўйлайсиз?
Жавоб: чунки ўзимга ёқмайдиган иш билан машғулман.
Энди айтингчи, мўйнали пальтонинг бунга дахли борми?
Сакити Тойода бир қарашда кўринмайдиган асл сабаб, бешинчи "нима учун" ортида эканлигини ўргатади.
Бешинчи марта айтилган "чунки" сўзи яширинган асл сабабни юзага чиқаради. Айтиш жоиз бўлса, "чунки" сўзи бу сизнинг аслингиздир.
Бу йўл аслида қалбингизда яширинган, ўзингиз ҳам тан олишдан қўрқадиган ҳақиқатларни текшириш, сизнинг ҳақиқий истакларингизни билиш ва кераксизларидан воз кечишга ёрдам берадиган жуда самарали усулдир.
Ўзингиздаги "Бешта нима учун"дан мисол келитира оласизми?
Пост тугади.
P.S.: ростдан ҳам қизиқ ва фойдали усулга ўхшайди. Бирор каттароқ нарса харид қилишдан аввал қўллаб кўрсангиз, зарар қилмайди.
👉 @xushnudbek 👈
Javob uchun oldindan rahmat 🤝😎
Men bugungi 5 ta nima uchunimni shu sahovatpesha insonlar misolida yozmoqchiman.
Men sahovatpesha insonlarni xalqqa tanitgim keldi!
Nima uchun xalqqa tanitgim keldi?
Chunki shunday insonlar ko'payishini hohlayman.
Nima uchun hohlayman?
Agar shunday insonlar yanada ko'payganda insonlar ulardan o'rnak olardi.
Nima uchun o'rnak olardi?
Bu hayotda faqat savob amallarimiz qolishini tushunib yetardi.
Nima uchun tushunib yetardi?
Chunki imkoni boru lekin savob qilishga shoshilmaydi.
Nima uchun shoshilmaydi?
Chunki hali vaqt bor deb o'ylaydi.
Balki mening nima uchunlarim mavzuga to'g'ri kelmayotgandek tuyulayotgandir. Chunki bu yerda inson o'zini qnglab yetishi kerak. Lekin men ham hali vaqt bor deb o'ylayotgan bandalar orasidaman.