Xushnudbek.uz
Талабабай

Талабалар турар жойлари масаласидаги муаммолар ҳақида бир неча йилдан буён гапириб келамиз. Албатта бу тез ечиладиган муаммо эмас. Чунки биз талабаларни ётоқхоналар билан таъминлаш соҳасида жуда қимматли кўп йилларни бой берганмиз. Ҳозир энди кўрпани тортсак ё бошимиз, ё оёғимиз очиқ қолади.

Энди хабар қилинишича, талабабай ишланар эмиш. Ишчи гуруҳлар тузилиб, маҳаллаларда юриларкан.

Ўзи таълимдаги катта муаммолардан бири ўқитувчиларни маҳаллаларга жалб қилиниши, ўзини функциясидан бошқа ишлар юкланишида. Талабаларнинг қаровсиз қолишига ҳам сабаблардан бири шу. Нима бўлса ёки мактаб, ёки коллеж, ёки ОТМ ўқитувчиси уйма-уй юришга жалб қилинади (ҳа, яна банкирлар ҳам бор, улар алоҳида мавзу, майли). Илгари шунақа эди, ҳозир бошқача, деб хаспўшлаш шарт эмас. Ҳозир ҳам жойларда кафедра мудирлари, кураторлар, ўқитувчилар уйма-уй, "маҳаллабай" деб юришибди.

Энди талабабай.

Наҳотки, бошқача нарса қила олмаймиз? Бирор бахтсиз ҳодиса бўлса, ҳаммани ишчи гуруҳлару, уйма-уй юришларга жалб қилиб, иссиғида бир нарсалар қилиб, кейин унутиб юборадиган ишлардан чарчамадикми? Бунақа "ручной" ишга қанча ресурс, қанча куч, қанча вақт кетади?

Хўш, ундан кейинчи? Ишчи гуруҳ бир ой айланиб, ҳамма талаба билан алоҳида суҳбат қилиб, кейин албатта "отчёт" учун расмга тушиб, бу ҳақда акт қилиб, бир дунё бюрократия ва қоғозбозликни дўндириб, кейин тонналаб ҳисоботлар қилиб бўлганимиздан кейин нима бўлади? Талабаларнинг ҳаммаси турар жойли бўлиб қоладими? Ёки ижара бозорида талабалар учун бирор ўзгариш бўладими? Ёки талабалар шундан кейин заҳарланмайдими? Ёки қурилишларда йиқилиб тушмайдими? Кейин нима бўлади, кейин?

Балки ҳозир фожиа бўлгани ва 5 нафар талаба вафот этгани учун бу иш албатта керак, дерсиз, аммо тизим яратилмас экан, бунақа ишчи гуруҳларни ҳар доим уйма-уй юргиза олмаймиз-ку.

Анча йиллар олдин Юридик университетда бир гуруҳга куратор эдим. Биздан ҳам талабанинг уйига бориб, расмга тушиб, акт тузиб бериш талаб этиларди. Борардим, кўрардим, ким билан турибсиз деб сўрардим, бўлди. Ишдан кейин 1-2 кишиникига бориш керак, ўзимда машина йўқ, жамоат транспортида кўп вақт кетади ва ноқулай, таксида юришни ойлигим қопламайди. Староста ёки гуруҳдаги бирор машинаси бор талаба билан юриларди. Хўп, уйига бориб кўрдим ҳам дейлик, кейинчи? Талабанинг шароити ёмонроқ бўлса, бошқа яхшироқ квартира топиб бера оламанми, ёки ёнимдан квартирасига пул бераманми, ёки шундоқ ҳам чумчуқнинг инидай бўлган ётоқхонадан жой топиб бера оламанми? Хуллас, бунақа ишлашдан қанақа фойда борлигини яхшилаб ўйлаб кўриш керак. Ура-ура деб ҳудудларга чиқиб кетдик, маҳаллабай, инсонбай, талабабай қилдик, деган билан охирги манзилни кўришимиз керакку, ахир.

Ҳозирги ишчи гуруҳлар юкламаси бора-бора яна оддий ўқитувчилар елкасига тушиб, бутун шаҳарни ўзининг ёки бирор талабанинг ҳисобидан кезиб чиқиб, талабасининг ижара уйини расмга тушириш талаб этиладиган хўжакўрсин тизимга айланиб кетмаса деб қўрқаман. Ўзи бунақа тизим шундоқ ҳам бор, янада кучаядиганга ўхшаяпти.

Талабалар турар жойларини имкон қадар кўпайтириш (барибир тўлиқ таъминлаб бўлмайди), уйларни ижарага бериш тизимини тартибга солиш, талабалар учун ижара уйлари топишни енгиллаштирадиган механизмлар ҳақида бош қотириш керак. Шунингдек, Бош вазир ўринбосари раҳбарлигидаги кечаги йиғилишда айтилганидек, тарғибот ишларини (аслида бу ҳам таълим дегани) кучайтириш, техника хавфсизлиги бўйича бирламчи кўникма ва билимларни бериш лозим.


👉 @xushnudbek 👈

396 comments

Show 34 more comments
Жахонгир Шамсиддинов
Studentam odammi aka
Umidjon Raxmonov
Talabalarni ijaraga qo‘yadigan uy egalariga imtiyozlar berish kerak masalan nalogdan svetdan yoki uydagi birorta shaxsni ish staji ketsa xam bo‘ladi keyin uy egalari xam shartnoma qilgisi kelib qoladi bu shunchaki meni fikrim.
4
Ozoda Tojiboyeva
Коллежларни биносини ётокхона қилишсин. Сергелидаги кичкина қурилган уйлар жуда талабабопда. Шошиб, бир йилда тўкилиб тушадиган арзон жой қурманглар. Ана шу уйларга х,ам одамлар мажбурликдан чиқаяпти.
Michael печатает…
Hozirgi kunda biz mana tumanlarda poliklinikalarda birlamchi bo’g’inda ishlaydigan vrach patronaj hamshiralar bn temir daftarga kirgan bemorlarni ko’rib yuribmiz, respublika bo’yicha jalb etilgan... Oliy ta’limda esa talabalar o’zlari o’tirishibdi... Yana dekan degan ayrim vallomatlar bor nega sizlarga dars o’tilmayabdi deb talabalardan so’rab yuribdi, lekin o’zlari bilmaydi vazirlik xodimlar ro’yxatini so’raganda o’zlari yozib bergan xodimlarni...
$$$$$$
Кахрамон Абдуллаев
Контейнердан ётокхона куриб бериш керак.
Shunga qushilaman
1
Dr. Vazirov Umidjon Nodirxon o'g'li
Ётокхона курсин
@Komilov..
Talabalarga ish o'rni yaratilsa yaxshiroq boʻlardi
1
Mavluda (Nazarova) Xudoynazarova
TTJ ni ko'paytirish kerak. Axir shuncha kontrakt puli to'lashadiku talabalar.
1
Boxodir Karimov
Мани бобомни 1942 йил 19 ёшида урушга олиб кетган. Ушанда хеч Ким бу ёш хали Нима килади урушда демаган экан. Хозир 25 га кирган йигитни бу хали ёш деб Бир киши назоратга олиб караб юриш керак.
Janob Ergashev
Kimdir o'lsagina "tepadigalar" qimirlashadi,xalq ko'zi uchun. Boshqa vaqti talabani odam o'rnida ko'rishmaydi. Yotoqxona bilan ta'minlay olmas ekan nega qabul kvotalarini oshirishadi. Kvotaga mos qilib yotoqxonalar soniniyam oshirishsin. Milliardlab to'lanayotgan kantrakt pullari osmonga uchib ketyaptimi yoki yer yorilib uni ostiga kiryaptimi
2
Miraziz Talipov
Яплайиб ешлар агентлиги нима кивоти? Бюджетдан ажратилган пулларга етокхона курсин хар йили. Ана жа бомаса контейнерлардан курса хам булади шароитини килиб зангиота больницадака. Алламжоновга илтимос кворинг яна ока заковати котарганде буниям куллаворалла. Ешлар агентлиги нима иш квоти узи
Ziyodulla Subkhanov
Hayronman talabalar turar joyidan foyda keladiku aslida. Adashmasam talabalar turar joyi 180 ming har oyga . 400 kishilik turar joy har oyi 72 million oladi yiliga esa 720 million oshib borsa 3 yo 4 yilda qurilish harajatlari qoplanadi . kelajagimiz yoshlarni qo'lida deb yoshlarni o'z qo'limiz bilan ko'chaga chiqarvoramiz . U qanday yashaydi boshqalarga ahamiyatsiz muhimi darsga vaqtida kelsin deyishadi.
1
Baxromjon
Муаммолар кўп. Кураторлик учун пул тўланмаяпти. уйига бориб шароитини ўрган, расмга туш авжига чиқди ундан ташқари ҳар 2 кунда жадвал тўлдир, телефон қил, ахборот соатини ўт ва ҳ.к... Қўшимча контракт пулларидан ётоқхоналар қуришга оғринишди. ҳар доимгидек мажлислар билан ҳал қилишга уринишяпти.
Nargiza Sharipova
Ergashev Elmurodjon
Toʻgʻri talabalar uchun turar joylar qurish kerak va bu arzon boʻlishi kerak. Bundan tashqari bugun bir talaba qurilish maydonida vafot etibdi. Ohirati obod boʻlsin. Shu bola ham yoʻqchilikdan shu ishda ishlashga majbur boʻlgan. Bu esa talabalarga toʻlanayotgan stipendiya miqdori kamligini koʻrsatadi. Agar talabaga davlat yetarli miqdorda stipendiya toʻlasa, talaba ishlamasdan oʻqiydi. Bu masalani ham koʻrish kerak.
To'g'ri. Hozirda "uch" bahoda yopsa ham, "4" bahoda yopsa ham, bir xil stipendiya. A'lo bahoda yopsa ham, u darajada yuqori stipendiya berilmaydi.Vaholanki, talaba ish izlashga majbur.
1
Тўлқин Рахматуллаев
Контейнердан ётоқхоналар қуриш керак.
✯Mr. Kuziev✯
Xushnud aka sizga rahmat bugun OTMni qiynayotgan yana bir muxim masalani ko'tardingiz... Bu gaplar manzilga yetib borishini va tez orada zarur chora tadbirlar (OTM xodimlari va talabalar foydasiga) ko'rilishini umid qilib qolamiz...
Janob Ergashev
Mavluda (Nazarova) Xudoynazarova
TTJ ni ko'paytirish kerak. Axir shuncha kontrakt puli to'lashadiku talabalar.
Bu pullarga kun ko'rayotgan " kam taminlanganlar" borku,.davlat ularni qayerdan pul topib boqadi, talabani kantraktiga yotoqxona qursa
Yorqinjon
Baraka toping, to'g'ri aytyapsiz. Botib ketyapti bu Oliy ta'lim tizimi. Aslida siz aytgan gaplarni tushunish uchun juda katta aql yo farosat ham kerak emas, sal o'ylab ko'rilsa bo'ldi.
1
Jahongir
Nimaga, nima uchun degan savollarga aniq-tiniq javoblar borku. Nimaga yana kovlangan chuqurni yanayam chuqurroq kovlash shartmi. Tushunmadim odamlar ustidan kulishmi bu, huddiki shu bilan muammo hal bo‘ladigandek.
zuzu
Бизда бирон нарсага уруниш учун, аввалига албатта бирон ким улиши керак.
707
Tog’ri Xushnud aka Xamma talabani joylashtirip bolmaydi lekin lekin talabalarga turar joy tpishda va ularni narxini oshiaslik uchun qanaqadur mexanizm oylap chiwilishi kere Ertaga shu talabalar oqishni tamomlasa shu davlat uchun ishlediku shu davlat rivojlanishida oz xissalarini qoshadiku nma uchun talabalrga etibor kamaygan
Show next 100 comments