Xushnudbek.uz
Талабабай

Талабалар турар жойлари масаласидаги муаммолар ҳақида бир неча йилдан буён гапириб келамиз. Албатта бу тез ечиладиган муаммо эмас. Чунки биз талабаларни ётоқхоналар билан таъминлаш соҳасида жуда қимматли кўп йилларни бой берганмиз. Ҳозир энди кўрпани тортсак ё бошимиз, ё оёғимиз очиқ қолади.

Энди хабар қилинишича, талабабай ишланар эмиш. Ишчи гуруҳлар тузилиб, маҳаллаларда юриларкан.

Ўзи таълимдаги катта муаммолардан бири ўқитувчиларни маҳаллаларга жалб қилиниши, ўзини функциясидан бошқа ишлар юкланишида. Талабаларнинг қаровсиз қолишига ҳам сабаблардан бири шу. Нима бўлса ёки мактаб, ёки коллеж, ёки ОТМ ўқитувчиси уйма-уй юришга жалб қилинади (ҳа, яна банкирлар ҳам бор, улар алоҳида мавзу, майли). Илгари шунақа эди, ҳозир бошқача, деб хаспўшлаш шарт эмас. Ҳозир ҳам жойларда кафедра мудирлари, кураторлар, ўқитувчилар уйма-уй, "маҳаллабай" деб юришибди.

Энди талабабай.

Наҳотки, бошқача нарса қила олмаймиз? Бирор бахтсиз ҳодиса бўлса, ҳаммани ишчи гуруҳлару, уйма-уй юришларга жалб қилиб, иссиғида бир нарсалар қилиб, кейин унутиб юборадиган ишлардан чарчамадикми? Бунақа "ручной" ишга қанча ресурс, қанча куч, қанча вақт кетади?

Хўш, ундан кейинчи? Ишчи гуруҳ бир ой айланиб, ҳамма талаба билан алоҳида суҳбат қилиб, кейин албатта "отчёт" учун расмга тушиб, бу ҳақда акт қилиб, бир дунё бюрократия ва қоғозбозликни дўндириб, кейин тонналаб ҳисоботлар қилиб бўлганимиздан кейин нима бўлади? Талабаларнинг ҳаммаси турар жойли бўлиб қоладими? Ёки ижара бозорида талабалар учун бирор ўзгариш бўладими? Ёки талабалар шундан кейин заҳарланмайдими? Ёки қурилишларда йиқилиб тушмайдими? Кейин нима бўлади, кейин?

Балки ҳозир фожиа бўлгани ва 5 нафар талаба вафот этгани учун бу иш албатта керак, дерсиз, аммо тизим яратилмас экан, бунақа ишчи гуруҳларни ҳар доим уйма-уй юргиза олмаймиз-ку.

Анча йиллар олдин Юридик университетда бир гуруҳга куратор эдим. Биздан ҳам талабанинг уйига бориб, расмга тушиб, акт тузиб бериш талаб этиларди. Борардим, кўрардим, ким билан турибсиз деб сўрардим, бўлди. Ишдан кейин 1-2 кишиникига бориш керак, ўзимда машина йўқ, жамоат транспортида кўп вақт кетади ва ноқулай, таксида юришни ойлигим қопламайди. Староста ёки гуруҳдаги бирор машинаси бор талаба билан юриларди. Хўп, уйига бориб кўрдим ҳам дейлик, кейинчи? Талабанинг шароити ёмонроқ бўлса, бошқа яхшироқ квартира топиб бера оламанми, ёки ёнимдан квартирасига пул бераманми, ёки шундоқ ҳам чумчуқнинг инидай бўлган ётоқхонадан жой топиб бера оламанми? Хуллас, бунақа ишлашдан қанақа фойда борлигини яхшилаб ўйлаб кўриш керак. Ура-ура деб ҳудудларга чиқиб кетдик, маҳаллабай, инсонбай, талабабай қилдик, деган билан охирги манзилни кўришимиз керакку, ахир.

Ҳозирги ишчи гуруҳлар юкламаси бора-бора яна оддий ўқитувчилар елкасига тушиб, бутун шаҳарни ўзининг ёки бирор талабанинг ҳисобидан кезиб чиқиб, талабасининг ижара уйини расмга тушириш талаб этиладиган хўжакўрсин тизимга айланиб кетмаса деб қўрқаман. Ўзи бунақа тизим шундоқ ҳам бор, янада кучаядиганга ўхшаяпти.

Талабалар турар жойларини имкон қадар кўпайтириш (барибир тўлиқ таъминлаб бўлмайди), уйларни ижарага бериш тизимини тартибга солиш, талабалар учун ижара уйлари топишни енгиллаштирадиган механизмлар ҳақида бош қотириш керак. Шунингдек, Бош вазир ўринбосари раҳбарлигидаги кечаги йиғилишда айтилганидек, тарғибот ишларини (аслида бу ҳам таълим дегани) кучайтириш, техника хавфсизлиги бўйича бирламчи кўникма ва билимларни бериш лозим.


👉 @xushnudbek 👈

396 comments

Show 100 more comments
Burkhonov
Kuratorimiz faqat hisobot uchun rasmga tushadi. Bo'ldi hech narsa o'zgarmaydi
4
Umurzoq Omonov
Burkhonov
Kuratorimiz faqat hisobot uchun rasmga tushadi. Bo'ldi hech narsa o'zgarmaydi
to'g'ri
1
Дилрабо Тагаймуратовна. Полванова
Янгича Узбекистон, янгича Дунёкараш тадбирларига университет укитувчиларини олишганди, Дарсларни текин заменасини устига, Энди талабабай юриш, кейин Когозбозликни янада купайгани🤔🤔🤔.
1
𖣔 𝓖𝓤𝓛𝓐𝓢𝓐𝓛 𖣔
To‘ri 5li stipendiya olish un ham ko‘p xarajat qilish kere albatta.
1
Lola Ergasheva
Ассалому алейкум. Талабалар ётоқхоналарини қуриш масаласи кўрилиши керак..Битта талаба квартира ижараси учун 500000 дан бошлаб тўлайди. Ота оналар ва талабалар учун бу тўловни тўлаш имконияти ёки шарт-шароити бўлмаслиги мумкин. Талабаларда пул муаммоси бўлгандан кейин у фақат пул ишлаб қорин тўйдириш ёки квартира тўловини уйлайди. Қизларимиз ҳам турли жойларда ишлашга мажбур бўлишини инобатга олишимиз керак дебўйлайман.
Bintu Axmad
Bizda islohot bo‘lishi uchun insonlarni ongini tozalash kerak...Hozir insonlarni o‘sish emas kimnidir oyog‘idan tortish qiziqtiradi...
Rahimjon Karimov
Man to‘g‘risi bu postni o‘qimadim ham boshidagi 4 qatorni o‘qidim
Talabar turar joyi haqidan bir necha yildan beri gapiramiz degan joyigacha


Manimcha xavotirga o‘rin yo‘q yana bir necha yil gapiraveramiz
2
Bintu Axmad
Qaysidir ko‘rsatuvda bizda kontrakt kam deb kerilishadi...Ammo olingan bilim bunga arzimaydi...Bundan tashqari ota-onalarni daromadi ham shunga yarashada..
2
Eshho'jaev Abrorho'ja
Qaychon miyabay ishlanadi?
2
Ирода Бахадировна
Белгиланган квотадан ташкари суперконтрактларни олманг олий таьлим вазири. Миллионлаб суперчилани оласизлар шунинг учун жой тополмай кийналишади бечора талабалар. Чунки талабалар уйлари квотага мослаб курилган. 59 бал олган болаям укияпти отм да. 59 бал дегани ноль деганию. Мани танийман уша талабани.
Еки стипендияни купайтириш керак. Бир ойлик харажатини кутарсин талабани. Суперчилага стипендия берилмасин талаб килиш керак шуни. 200 миллиионлаб пул тулаган оилага стипендия шартмас манимча.
Уларга берилаетган стипендияни шароити огир студенттларга беришса улар яхшигина шароитда яшашади.
3
Доктор М
Assalomu alaykum. Haqiqatdan ham har bir ishni qilishdan oldin, uning natijasi bilan qiziqaylik. Shunda qo'yilgan maqsadimizga yetishamiz. Barcha talabalarga to'liq yotoqxona bilan ta'minlash iloji bo'lmas ekan, kvartira masalasini ko'raylik. Albatta uning sifatlari birinchi navbatda xavfsizlikga javob beruvchi qulay va arzon bo'lsin. Bu masalalar bilan har bir talaba ta'lim oladigan maskan ta'monidan amalga oshirilsa, va xavfsizligi bilan shug'ullansa va bu o'z navbatida har oyda jiddiy nazorat ostida kuzatilib borilsa, bugungi kundagidek noxush holatlar bo'lmaydi deb o'ylayman.
1
Айка Айка
Куратор нима килсин бошка ухам оддий инсон унинг хам оиласи бор "бир укитувчи танишим айтганди бора бора гурухимдаги талабаларни уйимга олиб келиб болларимга кураторингнинг уйига бориб яша демасак буларди" дер. Чет элларда укиетганларга рахмат ойига фалон доллар тулап яшайди хатто хал ахволини сурайдиган кураторхам йук узи учун укийди
1
Begmatov Begmurot
Айка Айка
Куратор нима килсин бошка ухам оддий инсон унинг хам оиласи бор "бир укитувчи танишим айтганди бора бора гурухимдаги талабаларни уйимга олиб келиб болларимга кураторингнинг уйига бориб яша демасак буларди" дер. Чет элларда укиетганларга рахмат ойига фалон доллар тулап яшайди хатто хал ахволини сурайдиган кураторхам йук узи учун укийди
Haqsiz ayib kotalarda endi ketini yopish uchin murabiylarga yopishyapti ehhhhhhhhhhh bu kotalar kotalar erta Haqni oldiga borganda Neee deysizlar padeshkelaram bo'medi pulilaram yordam berolmidikuuuu😔😔😔😔
Jahongir Qahramonov
Baxtsiz hodisalar uchun sabab aslida oʻqituvchilarda ham universitet maʼmuriyatida ham emas. Koʻproq texnik xavfsizlik bilimlarining yetishmasligi sababidan. Universitet bu borada faqatgina qoʻshimcha taʼlim berish orqaligina yordam beroladi. Oʻqituvchini mahallabay yurishga undash majburiy mehnatni bir turi
2
Mohichehra Namozova
Assalomu aleykum. Men ham õqituvchiman. Bugun biz ham kafedramiz õqituvchilari bilan talabalar turar joylariga bordik, sharoitlari bilan tanishdik. Uyma uy yuribmiz, vaqtimiz, kuchimiz sarf bõldi. Eng yomoni borib kõrganimiz bilan yordam qilolmaymiz Xushnudbek aka aytganlaridek. Muammoga rasm, akt yechim bõlolmaydi.
2
Ksy
Yashang yaxshi fikrlar bildiribsiz, Xushnudbek hozirgi kunda Med institutlardagi holat bo’yicha munosabat bildirsangiz yaxshi bo’lardi, ya’ni bugungi kunda med institut magistratura bosqichining muayyan yo’nalishlari tugatilib, boshqa mutaxassislik bo’yicha o’qish davom ettirilish arafasida. bu nima degani masalan talaba 1-bosqich reanimatolog yonalishi bo’yicha magistraturada oqiyotgan bolsa endi mazkur yonalish tugatilib o’rniga laboratoriya yo’nalishi boyicha mutaxassis tayyorlash yonalishi ochilmoqda. Reanimatolog bolaman deb oqishga kirgan magistrantlarning ta’lim olish huquqiga zid ravishda mazkur yo’nalish tugatilmoqda. Ushbu holat boyicha ham munosabat bildirsangiz, albatta mazkur holatga tushib boshi qotib qolgan talabalar uchun umid paydo bolar edi deb oylayman. @Xushnudbek
Diyor Qodirjon oʻgʻli
Odam boʻmadik....
Abdulmutallib G'ulomov
Talabalarning xozirda oyiga 35-70$ AQSh dollaridan ijarada turganliklari barchaga ma'lum. Shundan kelib chiqib, talabalarga o'ziga yarasha sharoit yaratib, narxlar belgilab, yotoqxonalar tashlik etish kerak. Talabalik guvohnomasi bormi yotoqxonada turish imkoni bo'lsin. Agarda talabalar yo'q vaqtga to'g'ri kelsa ( ta'til, bayramlar, yoz...) o'sha joylar mehmonxona xizmatiga aylantirilsa mablag' taraflama ham foyda bo'ladi.

Ilmga kiritilgan sarmoya kelajakka kiritilgan sarmoya deyishadi va O'zbekistonning kelajagi buyuk davlat to'g'rimi. Tayinli bir turar joyi bo'lmagan o'qishni qoyillatadigan talaba bo'lmasa kerak.
1
_Хуршида_
Яхши фикрлар билдирибдила.
🅜🅘🅡🅙🅐🅛🅞🅛
Hushnudbek aka siz aytayotgan taklif takliligicha qoladigan taklif. CHunki bunda ham bir mano ko‘rmayabman o‘ziz aytgandek ,,has po‘shlash " bo‘lopdi.
UCHQUN TURSUNMURODOV
bu narsalar yaqin 5 yillar ichida ham yuz bermasa kerak
Show next 100 comments