Xushnudbek.uz
​❓Супер-контракт нархини қандай ҳисоблайман?

✅ ЖАВОБ: буни билиш учун эринмасдан ушбу постни охиригача ўқишингиз керак. Фақат сарлавҳани ўқиб, дарров изоҳларда “менга мунча балл етмади, қанча тўлайман?” деб коммент ёзиш шарт эмас.

Жуда кўпчилик супер-контракт нархи қанча бўлиши ҳақида савол бермоқда.

Супер-контракт нархи қанча бўлишини исталган инсон ўзи мустақил ҳисоблаб олиши мумкин, бунинг учун етарли барча маълумотлар эълон қилинган. Фақат озгина ҳафсала керак холос.

Шундай бўлса-да, супер-контракт миқдорини қандай ҳисоблаш йўлини яна бир бор тушунтиришга ҳаракат қиламан.

❗️Энг аввало бир нарсани ёдда тутинг, супер-контрактнинг энг аниқ миқдорини фақат ва фақат ўзингиз ҳужжат топширган олий таълим муассасаси орқали билишингиз мумкин. Чунки кўплаб ОТМлар молиявий мустақилликка эришган ва улар эркин нарх белгилай олади, давлат эса шунчаки минимум миқдорини тасдиқлайди холос. Интернетда «менга қанча бўлади, унга қанча бўлади» дегандан кўра, ОТМ билан боғланиб, аниғини билиб олишни маслаҳат бераман.

Энди минимум миқдорлар ҳақида.

❗️1-эслатма: супер-контракт деган тизим кундузги, сиртқи, кечки таълимда ҳам бор;

‼️2-эслатма: имтиёз олган, лекин кира олмаган абитуриентлар учун умумий кириш балига қараб супер-контракт нархи белгиланади, имтиёзлиларнинг ўтиш балига қараб эмас.

Супер-контракт нархи кундузги таълим шаклида стипендиясиз тўлов-контракт миқдоридан ҳисобланади (сиртқи ва кечкида шундоқ ҳам стипендия йўқ). Демак, қуйида илова қилинган жадвалда кўрсатилган контракт суммасини супер-контракт баробарига кўпайтиришингиз керак.

Шунингдек, 3 та тоифадан қайси бирига тааллуқли эканлигингизни ҳам аниқлаб олишингиз керак.

1️⃣ 1-тоифа: кириш чизиғига 4,05 баллгача етмай қолган абитуриентлар

Бунда қуйидаги шкала амал қилади:

➖ 1,05 баллгача етмаган абитуриентлар учун – базавий тўлов-контракт миқдорининг 1,5 баробари;

➖ 1,06 баллдан 2,05 баллгача — 2,0 баробари;

➖ 2,06 баллдан 3,05 баллгача — 2,5 баробари;

➖ 3,06 баллдан 4,05 баллгача — 3,0 баробари.

Масалан, математика йўналишида 1,5 балл етмай қолди дейлик. Бундай вазиятда ўша абитуриент 2 баробар тўлайди. Жадвалга қарасак, математика йўналишида контракт нархи 6.412.610 сўм. Демак, математика йўналишига 1,5 балл етмай қолган абитуриент 12 млн 825 минг сўм супер-контракт тўлайди (2 x 6.412.610).

2️⃣ 2-тоифа: кириш чизиғига 4,05 баллдан ортиқ етмай қолган ва ўзи 56,7 дан кўп балл тўплаганлар

Бундай абитуриентлар супер-контракт учун йўналишига қараб пастдаги жадвалда кўрсатилган оддий контрактнинг минимум 8, 10, 12, 15, 17 ёки 25 баробарини тўлайди.

Қайси йўналишга неча баробар тўланиши мана бу файлда келтирилган:
👉https://t.me/xushnudbek/11522

Масалан, иқтисод йўналишига кириш бали 150 балл бўлди дейлик. Абитуриент 70 балл тўплади. Демак, унга 4 баллдан ортиқ етмай қолган, ўзи ҳам 56,7 баллдан кўпроқ тўплаган. Иқтисод йўналишига минимум супер-контракт 10 баробар этиб белгиланган. Стипендиясиз оддий контракт нархи эса 9.129.930 сўм.

👆Хулоса: иқтисод йўналиши учун супер-контракт миқдори минимум 91 млн 299 минг сўм (10 х 9.129.930).

❕БУ МУҲИМ: ўтиш балига 4,05 баллдан кўпроқ етмай қолган ва 56,7 баллдан кўп тўплаганларнинг ҳаммасига бир хил нарх бўлади. Яъни 5 балл етмаган ҳам, 50 балл етмаган ҳам бир хил тўлайди. Ўшанчун менга 10 балл етмади, менга 30 балл етмади, қанча бўлади, деб сўрашдан фойда йўқ.

3️⃣ 3-тоифа: 56,7 баллдан кам тўплаганлар

Бундай абитуриентлар ҳам супер-контрактда ўқиши мумкин, фақат камида 2-тоифадагилар тўлайдиган сумманинг 2 баробарини тўлашади. Масалан, абитуриент иқтисод йўналишига топшириб, 40 балл тўплаган, яъни 56,7 баллдан кам. Демак, у камида 182 млн 598 минг сўм тўлаши керак (2 х 91.299.300).

Хуллас, Сиз тўплаган балингиз асосида камида тахминан қанча супер-контракт тўлашингизни бемалол ўзингиз ҳисоблаб кўришингиз мумкин.

ℹ️ Сўзим сўнггида яна қайтараман, аниқ суммани фақат ОТМ орқали била оласиз. Супер-контракт тўлашнинг қолган техник ва ташкилий томонларини ҳам ОТМлардан аниқлаштиринг.


👉 @xushnudbek 👈
edited  

1031 comments

Show 100 more comments
Shokirov Nurmuhammadjon
Manga 4.15 bal yetmadi nechi pul bolarkan
Feruzbek
Assalomu alaykum hammaga men Andijon davlat universitetiga topshirgan edm sirti talimdagilarga òqiw 4 oktabirda ekan men super kontrakka ariza topshirganman lkn hali shartnoma ciqmadi endi bizni òqish ham kecikadimi
Beg'ubor
nohaqlik 5 ball ham 50 ball olgan ham bir xil miqdorda pul to'lashi adolat yo'q
1
Гулмира
Ассалому алайкум Хушнудбек ака.Абитуриент Имтихонда максадли таълим йуналишида иштирок этган булса супер кантракт умумий таълим йуналиши утиш бали билан хисобланади дейилган. Шу хакда маълумот беринг. Умумий таълим йуналиши утиш балини каердан куриш мумкин.
Jahongir
Туризм йуналиши сизни жадвализда курсатилмаганку шунга аниклик киритиб беринг
assadcan
Qaysi axmoq 9k$ dan 18k$ gacha Uzb Univerlariga pul to'lab kirarkan. The whole thing is a joke.
Abduqodir (Farg'ona)
90 100 mlyonlab tolab zor ish qilsa boladi. Xitoydan zor narsalar opkeltirib ishlab chiqarish qilsa boladi
Sherzod
Beg'ubor
nohaqlik 5 ball ham 50 ball olgan ham bir xil miqdorda pul to'lashi adolat yo'q
Ha shu
Sherzod
Shokirov Nurmuhammadjon
Manga 4.15 bal yetmadi nechi pul bolarkan
Barbir 10 baravar to'laysiz yo'nalishga qarab yoki 8
Beg'ubor
Shokirov Nurmuhammadjon
Manga 4.15 bal yetmadi nechi pul bolarkan
yònalishga qarab 8 yoki 10 barovar
Shokirov Nurmuhammadjon
Yurudik
1
Axmedovа D.Sh.
Кириш бали юкори булган йуналишларда бундай холатга тушган абитуриентларни норозиликлари мавжуд.
4.5 балл етмаганхам 84 балл етмаган хам бир хил толарканда
Утиш бали пастрок йуналишга алам килмайди.
2
Қудратов Мухиддин
Eng qizigʻi oʻqishga kirishdan maqsad yurtga kelajak avlodlarga foyda keltirish emas .balki pul topishni Muqobil yoʻli sifatida qaraladi yurtimizda oʻqishga kirsang boʻldi marra seniki 👏👏
1
Sher
Менга 0.02 йетмай колган оддий контракт тулаб укиишим мумкинми
... Husnida Tursunaliyeva
Super kantrakt narxini OTM ozi belgilasa sal ozroq qilib ham belgilab berishi mumkinmi
Будущий Врач
Superkontrakt narxi 1 va 3 OTM uchun bir xil bo'lsa 3 yo'nalishdagisini qanday qilib tanlash mumkin Talabalikka tavsiya etilganman
MR
Zo‘rku bilimi bo‘masayam puli bor oqisa,qanaqa mutahassis chiqadi shunaqaladan.
MR
SHuncha bolla chetta o‘qivotti kontraktti to‘lab usha pullani o‘zimizada opqosa bo‘miydimi,kontraktdan tushgan pullani talimga,o‘qituvchilqni oyligiga va hakazoga eo‘naltirsa bo‘ladiku
👑🔑❤️A❤️🔑👑
Assalomu alaykum Xushnudbek aka meni yunalishim yevro gruh kirish balli 56.7 buldi men esa 53.55 ball yigdim 3.15 ball yetmayabdi men 4.05 lik ball sistema buyicha tulaymanmi? Iltimos javob bering
1
Beg'ubor
atigi o.1 ball uchun 10 barovar tòlash bilmadim nima deyishni
VOHID (ADMINISTRATOR)
😊
Uzurda bitta savolim bor..oqishga onlayn topshirgandek Sirtiga...maxsus sirtqi borligini bilmas ekanmiz..jadvalni kursam kantrakti ancha kam..bu yaxshi..sitajim bor Sirtidan qanday qilib utkazsa bolasi maxsus sirtiga...yoki oqishga xujjat topshirayotganda ish joyidan mehnat naftarchasi kk bolarmidi....
Ўқишни кўчириш (перевод) масаласида

#ўқишникўчириш

Кўпчилик бир таълим шаклидан бошқасига ўқишни кўчирса бўладими деб сўрашмоқда. Масалан, кундузгидан кечкига, сиртқидан кундузгига ва ҳ.к.

Ҳа, бир таълим шаклидан бошқасига ўқишни кўчириш мумкин, лекин барча ҳолларда ҳам эмас. Қуйида бирма-бир кўриб чиқамиз.

✅ КУНДУЗГИ таълимдан қуйидагиларга кўчириш рухсат этилади:
• кундузги;
• сиртқи;
• кечки (сменали).

❌ Кундузги таълимдан махсус сиртқи ва қўшма таълим дастурига кўчириб бўлмайди.


✅ СИРТҚИ таълимдан рухсат этилади:
• кундузги;
• сиртқи;
• кечки.

❌ Сиртқи таълимдан махсус сиртқи ва қўшма таълим дастурига кўчириб бўлмайди.


✅ КЕЧКИ таълимдан рухсат этилади:
• кундузги;
• кечки таълим (фақат бир таълим соҳаси доирасида).

❌ Кечки таълимдан сиртқи, махсус сиртқи ва қўшма таълим дастурига кўчириб бўлмайди.


✅ МАХСУС СИРТҚИ таълимдан рухсат этилади:
• кундузги;
• махсус сиртқи;

❌ Махсус сиртқи таълимдан сиртқи, кечки ва қўшма таълим дастурига кўчириб бўлмайди.


❌ ҚЎШМА ТАЪЛИМ ДАСТУРИДАГИЛАР ҳамда МАҚСАДЛИ ҚАБУЛ қилинганлар бошқа таълим йўналиши ёки таълим шаклига, бошқа ОТМга кўчира олмайди.


👉 @xushnudbek 👈
Show next 100 comments