Xushnudbek.uz
​UZIMEI тизими бепул бўладими ёхуд ўз қарорини 1 йилдан буён ижро қилолмаётган Парламент ҳақида

Бундан роппа-роса 1 йил аввал «Mening fikrim» порталида IMEI кодларни рўйхатга олишда тўлов ундиришни бекор қилиш бўйича петиция эълон қилинган эди. Мазкур петиция бор-йўғи 3 соат ичида керакли овоз (10 минг)ни тўплаганди. Бугунга келиб бу овозлар сони қарийб 25 мингга яқинлашди.

Жамоавий мурожаатнинг сўров қисмида аниқ ва тиниқ қилиб «IMEI кодлaрини рўйхaтгa олишда тўловларни бекор қилинишини сўрaймaн» деб ёзиб қўйилган.

Олий Мажлис Қонунчилик палатаси Кенгаши ва Олий Мажлиси Сенати Кенгашининг қўшма қарори билан тасдиқланган низом талабига кўра, Парламент ва Ҳукумат номига йўлланган мурожаат камида ўн мингта қўллаб-қувватловчи овозни олганда у белгиланган тартибда кўриб чиқилиши ҳамда мурожаатни кўриб чиқиш натижалари бўйича қабул қилинган қарор модератор томонидан 60 кундан ошмаган муддат ичида «Mening fikrim» веб-порталига жойлаштирилиши лозим.

‼️Аммо, орадан 365 кун ўтган бўлсада, мурожаат ҳамон “Кўриб чиқиш жараёнида” турибди.

Бу қандай Парламент бўлдики, айнан ўзи тасдиқлаган, юридик кучи бўйича қонунга тенг ҳужжатнинг ижросини таъминлай олмаса?!

Нега минглаб фуқароларнинг ҳақли эътирозларига сабаб бўлаётган, халқ учун эмас фақат маълум идораларнинг манфаатлари учунгина амал қилиб турган бу тартибни бекор қилиш чоралари кўрилмади?

Эртага тушунмовчилик бўлмаслиги учун аниқлаштираман: гап IMEI тизимини бутунлай бекор қилиш ҳақида кетмаяпти, чунки бу тизим орқали қора бозорга анча чек қўйилди (100% бўлмаса ҳам), расмий сотув кўпайди ва ўз-ўзидан давлат бюджетига жуда катта миқдорда солиқлар тушишни бошлади. Шу сабабли бу тизим қолиши тарафдориман, фақат рўйхатдан ўтказиш БЕПУЛ, мантиқий ва ортиқча бюрократиясиз бўлсин.

❓Энди Сизларга савол, ҳурматли СЕНАТОР ва ДЕПУТАТЛАР: чегарачи, божхоначи ва солиқчилар ўз ишини эплолмаётгани учун, яъни ноқонуний телефонлар кириб келишини олдини олишолмаётгани учун ўйлаб топилган UZIMEI тизими нега халққа пуллик бўлиши керак? Нега?! Ҳукумат ҳам бюджетга юз миллиардлаб солиқ туширсин, ҳам халқдан юз миллиардлаб тўлов (бу ҳам солиқ аслида) ундирсинми? Яхши бузоқ иккита сигирни эмади, деганими бу? Сизнингча, шу адолатданми?

Кўзбўямачилик учун очилган «Mening fikrim» порталининг нима кераги бор унда? Барибир Парламент у ердаги масалаларни ҳал қилишни эплолмаётган бўлса?

Хуллас, ўтган йили масъулларга қарата айтган гапларимни яна қайтараман:

«Агар Сизга жамоатчилик фикри қизиқ бўлса, унда тўловларни бекор қиласиз. Агар Сизга жамоатчилик фикри мутлақо қизиқ бўлмаса, унда билганингизни қилаверинг!»


👉 @xushnudbek 👈

415 comments

Show 11 more comments
Abbosbek 3334
Qachon halqni tinglashgan bular
Ulug'bek To'lqinov
Yashang
Sardor YODGOROV
Лекин чет элдан кириб келаётганларда халигача муаммо буляпти экан. Телефон жунатганлар хам руйхатдан ута олишмаяпти экан
Адхамжон Юлдашев
Шунча гапни натижаси бўлармикин!
無炉土_カモロヴ(Мурод)
Toģrisi Jonga tegdi.Shunga oxshash meljovcha ishlar boshqa davlatlarda ham bularmikin.Bizni davlat Xalqini pulini shilishdan boshqa yerga òtamaydi qoil.Yollar ochilsin suramizn chetga
2
R. M.
Ундан бошка, хокимларни сайлаш петицияси хам шу ахволда. Исбот устига исбот. Нонсенс, ривожланган мамлакатлар халк истагига караб карор чикарсалар, бизда эса тескари валломатлар чикарган карорга карар халк амал килиши керак. Парадокс.
1
Azizbek Rasulov
Zo‘r bo‘lar edi
Сухроб Муминов
Хушнудбек ака уларга муносиб жавоб учун сиз Каби инсонлардан яхши Бир коллегия тузиб мухолифат булиши керак
1
N.A.K
Qonun inson va xalq uchun ishlashi kerak.
Sherali Bozorov
Ассаломуалайкум, Хушнудбек отезга рахмат, барака топин. Булар халқни қийнаб юборишди. Сиз билан қандей боғлансам бўлади. Бир иккита ижтимоий масалалар бўйича саволларим бор эди. 90 515-49-94 ёки 91 565-49-94 тел рақамларим.
Замира
Тугри гапни айтгансиз.Шунча халкнинг овози,эътирози инобатга олинмайдими? Халкнинг суровини ижобий хал килмаса Парламент нимага керак!?
1
JASURBEK UMIRZAKOV
Gaplaringizga 100% qoshilaman
𝓜𝓾𝓼𝓽𝓪𝓯𝓸🕊
Aka uje biz oʻrganib qoldik....men surish kerak tarafdori boʻlish fikrini yana ham mustahkamlagan qarorga katta rahmat! Oʻzbekiston qulashda davom etmoqda... tugadi))
1
Joniqulov Sarvar_🐊
Oʻziga yukalatilgan bitta ishni eplab qilolishmaydi,nima degan gap bu
Farhod
тўғри гапирдиз
T M
Axmoqona narsalar man telefon Uzb dan sotib olgandim 1 ta sim ishlamayapti uzimiedan o'tkazish k.k ekan pochtaga borsam siz 6 oy ichida jegarani kesib o'tmagansiz shu sababli o'tkaza olmaymiz deydi.Endi bir telni uzimie dan o'tkazish u.n chetga chiqib kelish kerakmi pulimga bo'sa ham o'tkazsin nima keragi bor chet pet qilib.
2
SHUHRAT BEK
Oʻshanaqalarga saylov oʻtkazilayotganda umuman hech kim ovoz bermasligi kerak. Noloyiq ular bu joyiga, xalq saylaydi xalq manfaatini koʻzlayman deb waqllaydi lekin natijada erishib chi...voradi oxiri. Eee bulaga bir tiyin gapirganni, bilgan boʻ..ini yesin bowqa gap kemadi
1
Сабуржан Садуллаевич
Сенат раиси ишни жуда яхши бошлагандию….ёки қоғоздамикин
1
Sobir Qurbonniyozov
Ular rais toshbaqani uchiradi oddiy xalq yeraveradi hech narsa bulmaganday ular xalq uchun emas xalq ular uchun uzlari hohlaganday qilishadi
Naimova
Tugri
1
Ramziddin Samarqand
"Qorni to'qning, qorni och bilan nima ishi bor" degan mashoyixlarimiz
Show next 100 comments