Xushnudbek.uz
​UZIMEI тизими бепул бўладими ёхуд ўз қарорини 1 йилдан буён ижро қилолмаётган Парламент ҳақида

Бундан роппа-роса 1 йил аввал «Mening fikrim» порталида IMEI кодларни рўйхатга олишда тўлов ундиришни бекор қилиш бўйича петиция эълон қилинган эди. Мазкур петиция бор-йўғи 3 соат ичида керакли овоз (10 минг)ни тўплаганди. Бугунга келиб бу овозлар сони қарийб 25 мингга яқинлашди.

Жамоавий мурожаатнинг сўров қисмида аниқ ва тиниқ қилиб «IMEI кодлaрини рўйхaтгa олишда тўловларни бекор қилинишини сўрaймaн» деб ёзиб қўйилган.

Олий Мажлис Қонунчилик палатаси Кенгаши ва Олий Мажлиси Сенати Кенгашининг қўшма қарори билан тасдиқланган низом талабига кўра, Парламент ва Ҳукумат номига йўлланган мурожаат камида ўн мингта қўллаб-қувватловчи овозни олганда у белгиланган тартибда кўриб чиқилиши ҳамда мурожаатни кўриб чиқиш натижалари бўйича қабул қилинган қарор модератор томонидан 60 кундан ошмаган муддат ичида «Mening fikrim» веб-порталига жойлаштирилиши лозим.

‼️Аммо, орадан 365 кун ўтган бўлсада, мурожаат ҳамон “Кўриб чиқиш жараёнида” турибди.

Бу қандай Парламент бўлдики, айнан ўзи тасдиқлаган, юридик кучи бўйича қонунга тенг ҳужжатнинг ижросини таъминлай олмаса?!

Нега минглаб фуқароларнинг ҳақли эътирозларига сабаб бўлаётган, халқ учун эмас фақат маълум идораларнинг манфаатлари учунгина амал қилиб турган бу тартибни бекор қилиш чоралари кўрилмади?

Эртага тушунмовчилик бўлмаслиги учун аниқлаштираман: гап IMEI тизимини бутунлай бекор қилиш ҳақида кетмаяпти, чунки бу тизим орқали қора бозорга анча чек қўйилди (100% бўлмаса ҳам), расмий сотув кўпайди ва ўз-ўзидан давлат бюджетига жуда катта миқдорда солиқлар тушишни бошлади. Шу сабабли бу тизим қолиши тарафдориман, фақат рўйхатдан ўтказиш БЕПУЛ, мантиқий ва ортиқча бюрократиясиз бўлсин.

❓Энди Сизларга савол, ҳурматли СЕНАТОР ва ДЕПУТАТЛАР: чегарачи, божхоначи ва солиқчилар ўз ишини эплолмаётгани учун, яъни ноқонуний телефонлар кириб келишини олдини олишолмаётгани учун ўйлаб топилган UZIMEI тизими нега халққа пуллик бўлиши керак? Нега?! Ҳукумат ҳам бюджетга юз миллиардлаб солиқ туширсин, ҳам халқдан юз миллиардлаб тўлов (бу ҳам солиқ аслида) ундирсинми? Яхши бузоқ иккита сигирни эмади, деганими бу? Сизнингча, шу адолатданми?

Кўзбўямачилик учун очилган «Mening fikrim» порталининг нима кераги бор унда? Барибир Парламент у ердаги масалаларни ҳал қилишни эплолмаётган бўлса?

Хуллас, ўтган йили масъулларга қарата айтган гапларимни яна қайтараман:

«Агар Сизга жамоатчилик фикри қизиқ бўлса, унда тўловларни бекор қиласиз. Агар Сизга жамоатчилик фикри мутлақо қизиқ бўлмаса, унда билганингизни қилаверинг!»


👉 @xushnudbek 👈

415 comments

Show 100 more comments
Kurbanbayev Sarvar
Rahmat aka. Kanalingizni muntazam kuzatib boraman. Siz har doim biz tomon, yani xalq tomondasiz. Doim biz(xalq) tarafdan gapirasiz. Biz ham har doim siz bilan. Ilohim, sizga o'xshagan chin haqiqatni qo'rqmasan, dangal gapira oladigan xalq fidoyilari ko'payaversin. Anashunda biz yoshlarni kelajakka bo'lgan ishonchimiz yanada ortadi.
1
Salohiddin Asatov
Parlament yo‘q demaydi lekin amalda bajarmaydi xalqni qiynashdan nima foyda ham telefon sotvoladi ham unga soliq to‘laydi
1
U Z B
Kurbanoff
Aka saylovga nomzodizni qoying siz ham. Biz sizga ovoz beramiz Qunduz amakini yolgon vadalaridan zerikdi xalq
Xushnud aka shu fikrga qo'shilaman. Birorta partiya bilan aloqalarni iliqlashtiring. Hali 35 yoshga kirmadiz, ammo keyingi saylovga zamin hozirlang.
Feruz Ablakulov
Телефон усточилар 2 дақиқада телефонни IMEI кодини ўзгартириб беришяпти. IMEI чилар бир тийинсилар. Одамларни ўзлари ўрганиб олишяпти IMEI кодни ўзгартиришни.
Muzaffarjon
👎👎👎👎
1
Muzaffarjon
Bizda qonun ishlemeydi uzi
2
Izzatillo Sulaymonov
To'gri fikr bepul bo'lishi kerak
@H.
Parlamentning ishi oxirgi paytda xalq manfaati uchun emas balki qanaqadir amaldor yoki mansabdor shaxslar manfaatiga xizmat qilayabdi!
ИЛҲОМ
Ассалому-алайкум! яхшимисиз? Албатта IMEL кодникиритиш пуллик бўлишига қаршиман! Четдан Ўзбекистон Республикасига киришидан рўйхатдан ўтказдириш керак
1
Naim Qobilov
Қойил
Av@zb€|{
Assalomu aleykum. Albatta Uzimei tizimi xalq manfaatlarini ko‘zlaydi. Ammo odamlar uchun zararlari ham bor! Demak, tizim islohotga muhtoj! Agar hamma narsa Xushnudbek akaga bog‘liq bo‘lganda edi, u kishi butun bir tizimni qo‘porib tashlab, huddi metsenat loyihasi kabi xalq uchun foydaliroq tizimni "mana.." deb hadya qilar edilar. Xushnudbek aka keyingi faoliyatingizda omad va zafarlar tilayman!
Zavqiddin Ismatov
Assalomu aleykum barcha yurtdoshlar Xushnudbek aka gaplarizni barchasiga qo'shilaman Nega endi bojhona nazoratidagilarni uquvsizligi uchun butun O'zbekiston halqi javobgar bo'lish o'zimizni pulinizga olayayotgan narsa uchun nega davlatga pul to'lashimiz kerak
1
Лола
Бир паспортга телефоннинг битта imei кодини 45 мингга рўйхатдан ўтказиб,яна 1 хафтадан сўнг 45минг топиб иккинчи кодини рўйхатдан ўтказиш учун бошқа паспорт бўлиши керак экан. Бу шартлари ҳам нотўғри
1
Shuxrat Iskandarov
Олдин хам йуколган телефон ларни IMEI оркали топарди. Хозир йуколган телефонингни IMEI га пулини туласанг хам топиб бермайди. Узимни телефонимни угирлашди. 3 ойдан бери топилмайди. 1минутда аникласа булади. Шу IMEI кодни терса тел. Ишлаяпти ёки йук. 21 асрда яшаетганимизни билмаса керак IMEI ни уйлаб топган генийлар.
1
ᴀᴅᴍɪʀᴀʟ 🇺🇿
Bo`lar eknu Alloh oz panoxidan asrasin Xushnud aka juda dolzarb mavzuni kotardingiz
Митти Фариштам
IMEI kod tizimini osonlashtirish kerak juda sarson bo'lib kettik
ஜ۩۩ஜ Asadbekஜ۩۩ஜ |
Ha rostanham bepul qilish kk juda sarson bòlip kettik imeidan òtkazolmay
Ulug'bek Mahmudov
Ajoyib!!!
Manzura Yòldoshboy qizi
Assalomu aleykum. Juda kerakli mavzuni kòtaribsiz. Shu paytgacha IMEI kodisiz xam telefon ishlatib yurganidik. Bepul qilishsa yaxshi bòlaridi.
1
$$
Xaromila xalq puliga tiqilib o'lsin hammasi
$XОтабек Туйчиев
Бу кетишда хамма нарса пуллик бўлади! Хатто нафас олиш хам пуллик бўлади Ўзбекистонда!
Show next 100 comments