Tangani ikki tomoni bor. Bir tarafdan odam ko'p bo'ladi, kasallik yuqishi tezlashadi deymizu, lekin hammamiz ham to'y-hashamga, bozorlarga, xullas odam to'planadigan joyga boryapmiz baribir. Kimdir ishda, o'qishda...we can't avoid the virus, either we are affected or we get accustomed to live with it.

Shu taqdim etilgan qaror to'g'rimi? Men o'z shaxsiy fikrlarimni shu qarorga tayanib yozmoqdaman. Balki, mening fikrlarim inobatga olinmas. Shunchaki, ayrim xalq vakillari nomidan gapirmoqdaman! Eng avvalo inson salomatligi haqida gap ketmoqda. Masofaviy ta'limda davom etgani yaxshi edi. Mamlakatimizga sovuq kunlar kelmoqda... Natijada yanada kasallik avj olmaydimi? "Talabalar karantin qonun-qoidalariga rioya qiladi", deb kim kafolat beradi? Hech kim! Uzoq joylardan kelib, tahsil oluvchi talabalar bor. Kvartirada bir emas, bir qancha insonlar yashashadi. Nima, ular ko'chaga chiqmaydimi? Chiqadi albatta. Darsdan keyin kim qanday ish bilan band? Buni hech kim bilmaydi. Sababi, turli voqealar sodir bo'lishi mumkin. Talaba zerikib, aylanishga chiqadi. Ahir, u ham odam-da. Natijada har xil joydan kelib, bir-biri bilan kecha-yu, kunduzlari kursdoshlar birga bo'ladilar. Koronavirus - shunda ham yuqmaydimi?