Xushnudbek.uz
Қаҳрамон ота ҳамда интилувчан қиз ҳақида ҳаётий воқеа

Фейсбукда блогер Aqida Hanum ёзяпти:

«Яшасин меҳрибон оталар!

Тренингни биринчи куни якунланиб, жамоа билан кечки овқатни тановвул қилиб хонамга кирдим. Ҳовли тарафдаги балконга китоб ўқимоқчи бўлиб чиқдим. Шу пайт телефоним жиринглади.

-Лаббай?

-Опажон, ассалому алайкум!

-Ваалайкум ассалом!

-Мани танимадингиз-а???))

-Йўўўқ, узр синглим (

-Ақидапоо, ман Муслимаман!

-Вооой, қизиии! Яхшимисииииз?

Ярим соатча гаплашдик. Бу қиз карантинда рўзғор тарқатиб юрганимизда бизга алоқага чиққандилар. Дадалари ишсиз қолганлар, ўзи ўртаҳол оила. Ота оддий ишчи. Она уй бекаси, уч нафар фарзанднинг каттаси шу қиз, ундан кейин иккита ука бор.Улар ҳали мактабга чиқишади. Йигитларга уларнинг манзилини бергандим, бориб рўзғор ташлаб келишганди.
Мана бир йил ўтиб синглимиз телефон қилибдилар. Хурсандчиликдан йиғлаб ҳам олдилар.

Хуллас, юқорида айтганимдек оила ўртаҳол, ибодатли, ҳалол инсонлар. Адалари ниҳоятда камтар. Фейсбукда бормилар йўқми, сўрамабман.

Хуллас, бу синглимиз 3D дизайнерликка қизиққанлар, табиийки ўқиш пули арзон эмас, 3D ясайдиган дастур ишлатса бўладиган ноутбук ҳам қиммат. Ойилари “қиз болага нима зарил ўқиб, шунча харажат кетказиб. Аданг сани ўқишингга тўлайдиларми, рўзғор қиладиларми? Бу ёқда укаларинг бор” деганлар. Синглимиз энди орзуларим ушалмас экан деб, кўнгиллари чўкиб қолган. Ота қизни маҳзун бўлиб қолганини сезиб, она билан гаплашганлар. Она яна ўша гапни такрорлаган: «Қиз бола ўқиб шаҳар олиб берармиди».
Ота “бу уйда мени айтганим бўлади”, деб шарт уйдан чиқиб кетганлар. Уйда ҳамма саросимада. Қиз онадан таъна-ю дашном эшитган, отангни жаҳлини чиқардинг, деб. Укалар ҳам қўшилган.

Эртаси куни ота одатдагидан кечроқ келиб, қизига эртага тайёр бўлиб тур, бир жойга борамиз деган. Ҳамма ҳайрон ва хавотирда, тинчликмикан деб.

Эртасига барвақт ота ва қиз уйдан чиқиб, автобусда марказга келиб, бир ўқув курсига киришади. Ота бир кун олдин ўша қизи айтган курсларга келиб, гаплашиб кетган экан. Қиз ҳайронлигидан кўзлари катта-катта очилиб тураверган, у ердан чиқиб "Малика"га боришибди, ота катта суммага қизига ноутбук олиб берган. Қиз шунақа қувонганки, ўша ернинг ўзида ҳам кулиб, ҳам йиғлаб «Раҳмат, дадажонииим» дейишдан нарига ўтолмабди, ҳаяжондан.
Уйга қанот қоқиб боришса, она норозироқ турган экан, нимадир пичинг қилган эканлар, ота бир нигоҳ ташлаб, “мен тирик эканман, қизимни ташлаб қўймайман. Қизим ўқийди, катта одам бўлади, бахтиниям беради. Бу мавзу ёпилди” дебдилар.

Эртасидан қиз ўқишларини бошлаган, мана шунча вақт ўтибди, иш ҳам топилган. “Опа, заказларам тушяпти, биринчи ойлигимни дадажонимга ва ойижонимга бердим. Дадам йиғлаворай дедилар, “оппоқ қизим, сен билан фахрланаман” деб пешонамдан ўпиб қўйдилар. Ўшанда менга ноутбук ва ўқишимга пул топиб бериш учун 2 сменада ишлашга бошлиқлари билан келишиб олган эканлар.
“Опа, энди машинага ҳаракат қилмоқчиман, дадажоним ўқимаганлар, оддий ишчилар, мени орқамда шунча туриб бердилар энди мен уларни хурсанд қилмоқчиман, февральда туғилган кунлари, пул йиғишни бошладим, ҳозирча 1875 $ йиғдим” дедилар.

Рости жуда қувондим.

Қизларига қаҳрамон бўлган, қизларига қанот берган, қизларига меҳрибон бўлган оталар, жонингиз соғ бўлсин!

Ўзингиздек яхши куёвлар учрасин қизларингизга.

Мард, ҳалол, меҳрибон ва ҳақиқий эркаклар ана шундай бўладилар! Сизларни жудаям ҳурмат қиламиз, ишонинг».

Пост тугади.

P.S.: ушбу постга ўзимдан бирор изоҳ қўшмоқчи эдим, лекин нима дейишни билмадим. Яхшиси хулосани каналимиз муштарийларига қолдираман.


👉 @xushnudbek 👈
edited  

281 comments

Show 100 more comments
дилдоранурмуродова
Mehribon Suyangan togimiz Dadalarimiz har doim soģ bo'lishsin
Mirzaali Qarshibayev
👍👍👍
.......
Faqad dadalar emas bizlarni orqamizdagi togʻimiz "togʻalar akalar "ham tirgak bizga .Ilohim doim baxtimizga sogʻ boʻlishsin.
Jahongir
Baxtimizga ota onalarimiz sog‘ omon bo‘lsin judatasirli hikoya o‘qib ko‘zimga yow oldim to‘g‘risi
Gulnoza Makhmudova
Yaxwi otaning onaning farzandi albatta yaxwi buladi. Wunaqa mehribon gamxur dadajonlarimiz omon buliwsin. Ota onalarimizning umrlari uzun bulsin. Baxtimizga sog omon bulsinlar. Uqiganning qadrini kontrakt tulab uqitgan ota onalar biliwadi. Maniyam dadajonim 4ta farzandni kontraktda uqitdila. Bizagayam wunaqa qaytariw nasib qilsin. Hikoyani uqib dadam kuz oldimga keldila
Sarvinoz Asqaraliyeva
Agar otalar qizlariga ishonch berisha olsa,qizlar hamma hamma narsani uddalaydi.Qiz bola kelajagida otalar eng katta ahamiyatli inson
Yuldoshova Dilrabo
👍🏼👍🏼👍🏼👏👏👏👏👏
Niyozova Feruzabonu
Robbim shunaqa otalarni ko‘paytirsin ularni umrini ziyoda qilsin men ham shuni orzu qilaman qaniydi ota-onam ajrashmagan bo‘lganida meni ham balkim shunday otam bo‘larmidi
Шоира
Бахтимизга ота оналарими сог саломат булишсин узок умр куришсин илойим
Niyozova Feruzabonu
Yana shuni ta‘kidlardimki ota yo‘qligini bildirmagan onajonlarimizga ming tashakkur. Ular ham doimo sog‘ omon bo‘olishsin. Hammamiz ota-ona qadriga yetaylik
2
Nasiba Baxtiyorovna
Kòzimga yosh keldi. Shunday otalar va ularga loyiq mana shunday qizlar kòpayaversin
1
Нигора Абдурахманова
Шундай оталар сог булсин. Сафлари купаяверсин. Узи доим оталар купрок кизларни тарафдори булади.
Kartal🇺🇿🇺🇿🇺🇿
Ota onaning oʻrnini xech bir inson bosa olmaydi, farzand ularga qancha qilsa lar ham kam
ISLOM ALIQULOV
Assalom alaykum Xushnudbek aka yurtimizda bunday Otalar va Onalar kup va bunday Ota Onalar kupaysin
_OyDinOy RaJaBoVa_LilLy
O'qib ko'zga yosh olmaslikning iloji yo'q. MashAllah ko'z tegmasin. In Shaa Allah shunday oilaparvar otalar safi ko'paysin. In Shaa Allah ilmli, ziyoli qizlarimiz bundanda yuqori cho'qqilarni zabt etishda davom etishsin.
_OyDinOy RaJaBoVa_LilLy
Niyozova Feruzabonu
Yana shuni ta‘kidlardimki ota yo‘qligini bildirmagan onajonlarimizga ming tashakkur. Ular ham doimo sog‘ omon bo‘olishsin. Hammamiz ota-ona qadriga yetaylik
In Shaa Allah aytganingiz kelsin
Омон Эрниёзов
Илохим мехрибон оталаримиз сог булишсин. Хар бир оталар фарзандларини рохатини куриб юрсинлар. Яхши оталарнинг фарзандлари хам тарбияли инсон булади деб уйлайман. Умрингиз барокатли ва узок булсин илохим отажоним.
Dilmurod Juraev
Alloh kenglik bersin. Qizlarini qalblaridagi orzulariga yetishtirsin. Muqaddas Xaj ziyoratlariga ota onalari bilan birga borish nasib etsin
SALOMAT MURODOVA
Rosti oramizda shunday padari buzukvorlarimiz ko‘p.Doimo baxtimizga sog‘ omon bo‘lishsin👏👏👏
3
Dilbar
Payĝambarimizning oldilariga bir kishi maslahat so'rab kelibdi. O'ĝlim ham qizim ham o'qib ilmli bo'ladigan yoshda. Faqat meni buttasini o'qitishga yetadigan molim bor degan ekanlar. Qaysi biriga sarflay deganlarida. Payĝambarimiz qizingizni o'qiting degan ekanlar. Sababi qizlar nafaqat o'zlari, kelajak avlodlarni ham tarbiya qiladi degan ekanlar. Shu hadisni eshitib, mening ham dadam va ukalarim haqiqiy Payĝambarimizning ummatlari bo'lganidan baxtliman. Sababi ukalarim o'zlari o'qimasdan meni eng katta o'qishda o'qityapti. Dadam ham qiz bola, birovning hasmi, unaqa harajat qilgandan foyda yo'q demasdan, ko'nglimga qarab o'qitdilar. 8 yil o'qishga topshirganman. Har yili yiqilib kelardim. Rossa yiĝlardim, menga qo'shilib onam, opa singillarim ham qo'shilib yiĝlashar edi. Vanihoyat taqdirga tam berib o'qishdan umid uzib turmushga chiqib fotixa tuy bulayotgan kuni o'qishga kirganim xabari keldi. Peshana taqdir fotixani buzib, o'qishga bir umrlik orzuim tomonga ketdim ilm izlab. Allohga shukur, ilm olgan inson dunyoni taniydi, insonlarni taniydi, kelajak avlodlarga o'rnak bo'ladi ekan. 29 yoshdaman, 3 kursni tamomladim. Hali ham turmushga chiqmadim. Va Alloh bergan ne'matlariga Alhamdulillah aytib besh vaqt nomozlarimda shukrona aytaman. Dadajonim va ukalarim ko'chadagi kaltafahm insonlarning qizingizni qari qiz qilib olib o'tiribsiz degan gaplariga hech qachon parvo qilmaganligi uchun. Qizlarning baxtiga hamisha toĝdek OTAlar, AKA-UKAlar va tog'alar omon bo'lishsin. Qizlarni oila erkaklari qo'rib, motivatsiya berib tursa albatta kelajak avlod ham shunday matonatli, orzu sari har qanday to'siqlardan o'ta oladigan halol soha jonkuyarlarini tarbiyalaymiz insha'Allah
6
hoshimoff
Yashaaaaaaaaaaassiiiiiiiin otaaaaaalaaaaaaar, yashaaaaaasiiiiiiiin qizlaaaaaaar...👏👏Alloh rozi bo‘sin shunaqa otalardan qizlardan🤲 Yashaaaaasin AqidaOpaaa, Yashaaaaasin Aliiiiiiiimooooooofff ... 🙃
Show next 100 comments