45 فكرة لاستغلال الإجازة! ♥️

1. تتعود تصحى الساعة 5 الفجر.

2. تشوف سلسلة رحلة التغيير لـ د.أحمد عبد المنعم.

3. تشوف سلسلة جلسات مع نفسي لـ د.عبدالرحمن ذاكر الهاشمي.

4. تقرأ 3 كتب (كل شهر كتاب).

5. تطوع مع أي مؤسسة خيرية.

6. علم طفل حاجة تكونلك صدقة جارية زي إنك تعلمه سورة الفاتحة مثلًا.

7. تبدأ تتعلم التخطيط (تشوف سلسلة ملخصات كتب التخطيط لـ أخضر أو سلسلة التخطيط لـ م. علي محمد علي على اليوتيوب).

8. تعمل خطة لل 3 شهور اللي جايين.

9. تتابع قناة TEDx وتشوف مؤتمرات ملهمة في كل المجالات.

10. تخلص مستوى على zamercan English.

11. تنمي مهارة الاستماع في الإنجليزي (اسمع بودكاست انجليزي زي بودكاست 6 minute Englishعلى موقع BBC).

12. تشوف سلسلة ال 21 مبدأ لحياة أكثر إيجابية لـ أسلوب.

13. تشوف سلسلة التعلم الذاتي الفائق لـ علي محمد علي (على يوتيوب).

14. تشوف سلسلة علي وكتاب.

15. تشوف فيديو تعلم كيف تتعلم لـ أحمد أبو زيد.

16. تقرأ سورة البقرة يوميًا (هحط في الكومنتات طريقة لتقسيمها على اليوم).

17. تسمع تفسير سورة البقرة لـ د.أحمد عبد المنعم (عشان وأنت بتقرأ السورة يوميا تكون فاهم كل آية هما 7 فيديوهات فقط على يوتيوب).

18. تشوف كل حلقات بودكاست وعي.

19. تاخد كورسات soft skills من موقع إدراك.

20. تتعلم تعمل CV (في كورس على منصة إدراك عن كتابة السيرة الذاتية).

21. تعمل حساب على Linked in.

22. تقلل سوشيل ميديا ( صحيح هي إجازة بس مش معناها إننا نكمل تضييع وقت على سوشيل ميديا، خليها إجازة مختلفة وكلها إنتاجية).

23. تشوف سلسلة الحياة على كوكب الوهم لـ د.عبد الرحمن ذاكر الهاشمي.

24. تشوف فيلم The Social dilemma.

25. خليك بعقلية مختلفة كل يوم (اقرأ مقال يوميًا على WikiHow أو أراجيك أو إضاءات أو الباحثون السوريون).

26. تشوف سلسلة ما لايسع المسلم جهله (على يوتيوب)

27. تعمل ختمة قرآن.

28. تاخد كورس ICDL (لمستر ممدوح جودة على يوتيوب 23 فيديو).

29. تقرأ عن سيرة الرسول صلى الله عليه وسلم (كتاب الرحيق المختوم).

30. طلاب البناء المنهجي (تذاكروا اللي متذاكرش بضمير في المرحلة اللي فاتت)

31. شوف فيديو لماذا لن تحقق أهداف هذه السنة لـ أحمد أبو زيد.

32. جرب التطوع يوم مع أي جمعية خيرية (هتشوف سعادة الناس بعيونك وهتحس بشعور عظيم).

33. تعمل ساندوتشات في البيت وتنزل توزعها على الناس اللي نايمة على الرصيف في الشارع (لو تقدر تعمل وجبات أكبر في البيت ياريت).

34. جرب تاخد معاك أكل للقطط والكلاب كل ما تنزل (أي أكل في البيت باقي أو عضم أو جبنه مش قصدي دراي فوود يعني "في كل ذات كبد رطبة صدقة").

35. جرب يوم بدون سوشيل ميديا تماما ( جرب شعور إنك بعيد عن العالم الإفتراضي ده وشوف اليوم هيكون طويل وفيه بركة إزاي).

36. فلتر حساباتك على سوشيل ميديا ( من أي محتوى تافه أو سلبي).

37. استبدل الفيسبوك بموقع Quora لمدة يوم وشوف تأثير ده عليك.

38. جمع أصغر الأطفال في عيلتك وحفظهم سورة الفاتحة (صدقة جارية ليك لبعد موتك لأنهم هيقرأوا الفاتحة طول عمرهم).

39. أخرج يوم مع أصحابك.

40. اسمع تفسير سورة الملك من د. أحمد عبد المنعم.

41. اكتب يومك واتكلم باللغة الإنجليزية لمدة يوم كامل ( حتى لو محدش هيفهمك وحتى لو بتقول غلط.

42. تشوف فيديو كيف نستمر بدون تشجيع؟ لـ أحمد أبو زيد ( الفيديو طويل لكنه خلاصة تجربة سنين لو مش هتشوفوه كله تقدروا تختاروا السؤال اللي يهمكم إجابته بس).

43. جرب يوم بدون سكر (إذا كان مشروبات أو أي حاجة من بره) وشوف فيديو نم تحرك كل لـ علي محمد علي.

44. زور عيلتك ولو مبيتجمعوش حاول أنت تجمعهم من تاني.

45. جرب تشتغل في شهور الإجازة، غير الدخل المادي الشغل هيضيفلك تجارب وخبرات جديدة في حياتك.

تنبيه: مش مقصود أبدا إننا نعمل كل ده في الإجازة.. ولكنها مجرد أفكار بناخد منها اللي يناسبنا وبس..
وبس كدا لا تنسونا من صالح دعائكم♥

- حبيبه محمد