“Ўқишни хориждан Ўзбекистонга кўчириш имтиҳонларига янгилик киритилишига қаршимиз...” “Олий ва ўрта махсус таълим вазири Абдуқодир Тошқуловнинг ёшлар билан учрашувда хорижий давлатлардан ўқишни кўчириш масаласида бўладиган ўзгаришлар ҳақида айтган гапи уйимизга гўё атом бомбаси каби тушди. Гап шундаки, мен Қирғизистонда тиббиёт йўналишида 1-курсда ўқийман. Мен бу ерга ҳавасга ёки билимсизликдан келиб қолмаганман. Ота-онам ҳам қиз бола бошим билан мусофир юртда ўқишимга осонликча рози бўлмаган. Иложсизликдан, ўзимиздаги супер контракт пулини тўлай олмаганим сабаб, яна бир йилни йўқотмаслик учун ўзга юртга ўқишга топширишга мажбур бўлдим. Шу соҳага қизиққаним учун неча йиллардан буён тинимсиз тайёргарлик кўраман. Тиббиёт коллежига ўз кучим билан кирганман. Тиббиёт олийгоҳига кириш учун 1-йили 125,8 балл, 2-йили 158 балл тўпладим. Аммо кира олмадим. Ҳақиқат, адолат, шаффофлик ҳақида гапирдилар. Адолатсизлик ва ноҳақлик қурбони бўлиб келаётган мен каби ёшларга бу сўзлар эриш туюлади. Тегишли мутасаддилар томонидан тест жараёнида назорат кучайтирилганида, мен ҳам тест жараёнининг дастлабки кунларида эмас, 15-20 кунларида тестга кирганимда, чиқиб кетган саволлардан оқилона фойдалаганимда, ўз ватанимда ўқиётган бўлармидим! Ёки 2-сабаб грантларнинг туманлар кесимида ажратилганидир. Фақат бошқа чекка туманлардан бўлгани учунгина 127-139 балл тўплаган ёшлар грант асосида ўқишга кирди. Аммо мен 158 балл билан ҳатто контарактга ҳам илаша олмадим! Ўқишимни Ўзбекистонга имтиҳон асосида 56,7 балл ёки максимал баллнинг 30 фоизини тўплаган ҳолда кўчирмоқчи эдим. Аммо куни кеча олий таълим вазири А.Тошқуловнинг “перевод” масаласида янгилик бўлишини маълум қилди. Вазирга саволим бор эди: ушбу таклиф лойиҳаси сифатида киритилган янгилик қачон кучга киради? Агар бу йилдан амалиётга жорий этилса, нима учун имтиҳонларга жуда оз муддат қолганида айтиляпти? Нима учун ўқув йилнинг бошида бу ҳақда огоҳлантириш берилмади? Биз “перевод”га 2 ойгина қолганида бу қарор чиқишига қаршимиз! Биз қолган қисқа вақт ичида университет имтиҳонларини топширамизми ёки ўтиш балини олиш учун тайёргарлик кўрамизми? Тўғри, коррупцияни йўқотиш тўғрисидаги фикрларингизни қўллаб-қувватлаймиз, аммо суперконтракт ҳақида янгиликларга эътирозимиз бор. Агар суперконтракт тўлаш имконимиз бўлганида, биринчи йилдан тўлаб ўқиган бўлар эдик. 70-80 балл тўплаб 160-170-300 миллион сўмгача супер контакт тўлаганларнинг ўқимоқда... Хуллас, А.Тошқуловнинг хориждан ўқишни кўчириш имтиҳонларига янгилик киритиш, яъни абитурентлар ўтиш балини тўплай олмаган тақдирда суперконтракт тўлаб ўқиш ҳақидаги фикрига қаршимиз! Бу йилги хориждан ўқишни кўчириш имтиҳонларини амалдаги тизим, яъни 56,7 балл ёки максимал балнинг 30% ини тòплаш тартиби бўйича амалга оширилишини сўраймиз”.

Bizda svet yoq korolmayabmiz ex essiz pulini tolasang ham svet bolmasa