"Viloyat hokimi olimpiadasi"ning 2-turi Urganch tumanida oʻtkazildi!

Ikkinchi mavsum o‘tkazilayotgan olimpiadaning ikkinchi turi 3-may kuni Urganch tumanida matematika (5-6 sinf va 7-8 sinf) va kimyo (7-8 sinf) fanlaridan o‘tkazildi. Viloyatimizning 305 nafar iqtidorli oʻquvchilari g‘oliblik uchun murosasiz kurash olib borishdi.

💰G‘olib o‘quvchilar mos ravishda 5, 4, 3 million so‘m pul mablag‘lari bilan taqdirlandi.

Umumiy natijalar bilan ➡️ ushbu ⬅️ havola orqali tanishingiz mumkin.

Eslatib oʻtamiz, ushbu olimpiada Xorazm viloyati hokimi Jo‘rabek Raximov qo‘llovi bilan tashkil etilgan bo‘lib, birinchi mavsum g‘oliblari shaxsan viloyat hokimi tomonidan qimmatbaho sovg‘a - noutbuklar bilan taqdirlandi.

Keyingi tur 17-may kuni Yangibozor tumanida matematika va biologiya fanlaridan o‘tkazilishi rejalashtirilgan.