Xushnudbek.uz
Талабалик даврининг қадрига етиш ҳақида

Бугун “Humo Arena” мажмуасида бўлиб ўтган Наврўз шодиёналарида қатнашдим. Тадбирнинг ўзи ҳақида гапириб ўтирмайман, ТВда кўрган бўлсангиз керак. Ҳозир бошқа нарса айтмоқчиман.

Байрам концерт дастури вақтида кўпчилик рақсга ҳам тушди, ўйнаганларнинг аксарияти – деярли барчаси талаба-ёшлар эди.

Масалан, бизнинг секторимизда Ўзбекистон давлат санъат ва маданият институти талабалари ўтирган экан (балки бошқа секторларда ҳам шу ОТМ талабалари бўлишгандир, аниқ билмадим) – роса маза қилиб рақс тушишди. Уларнинг соҳаси шу, ашула ва рақс ўша талабаларнинг ҳаётига ҳам айланади келгусида, дерсиз. Лекин бизни пайтимизда Юридик институтдан борган талабалар ҳам роса чангини чиқариб ўйнардик. Айтмоқчиманки, байрам тадбирларида рақс тушиш қайси ОТМда ўқиётгани ёки соҳасига кўп ҳам боғлиқмас, талаба халқи борки, қони қайноқ, шўх-шодон ва ўйинқароқ бўлади.

Бу бир ҳисобдан тўғри ҳам. Фақат ўқиш, ўқиш, ўқиш демасдан (ўзи, ўқияптими ҳозирги талабалар?!), маданий ҳордиқ чиқаришни ҳам билиш керак. Айниқса шунақа тадбирларда турли комплекслардан қутилиб, “одамлар нима дейди, танишларим ТВда кўриб қолишса, кулади-ку” демасдан, газига босиш керак. Талабалик пайти бўлмаса, яна қачон ўйнайсиз? Ҳозир ўзингизни эркин қўймасангиз, орадан 5-10 йиллар ўтгач, худди мен кабиларга ўхшаб, ўзингиздан жиддий қиёфа ясаволиб, номига қарсак чалишдан уёғига ўтолмай қоласиз.

Асли тагини суриштирсангиз, ҳамма Наврўз ва Мустақиллик байрамларида, ёшлар иштирокидаги тадбирларда, ёзги оромгоҳларда ўртани бермай тушган рақсларимизнинг видеоси чиқиб кетса, ҳозирги ТикТокчилар уни олдида ҳолва бўлиб қолади 🤦‍♂️ Шунчаки биз талабалик давримизни, ўйинқароқ ёшлигимизни унутдик холос, ўшанчун кўзимизга бугунги ёш авлод балонинг ўқидай кўринадиган бўлиб қолди.

Ҳурматли талабалар, ёшлар! Шаблонлардан қочинг, комплексларни синдиринг, стереотипларни парчаланг, эркинликка интилинг. Фақат биргина мантиқий одоб-ахлоқ меъёрини унутиб қўймасангиз бўлди, бошқа жиҳатларда ўзингизни сира чекламанг.

Ийманиб яшама, хаёл пинжида... (с)

P.S.: қуйидаги расм бугун ЎзА томонидан эълон қилинган 20 йиллик Наврўз байрамига оид архив суратлардан олинди. 2010 йилдаги ушбу расмнинг асосий планида Юридик институт талабалари – Фотима ва Зуҳра. Биз ўша йили битирувчи курс эдик, тахминан шу атрофда ўтирган бўлишимиз керак. Балки, пастдаги майдонда курсдошларимиз билан рақс тушиб ётгандирмиз ўша пайт, ким билсин 😃

ЎзАдаги бошқа архив фотолар бу ерда: https://uza.uz/uz/collection/1692

Барчага яна бир бор Наврўз муборак бўлсин!


👉 @xushnudbek 👈
edited  

305 comments

Show 100 more comments
Bekmurod Olimov
Bayramlarda qatnashib oʻyin kulgu qilish albatta yaxshi, lekin aksariyat talabalar birkun bayramga qatnashib ikki kun ishlashiga toʻgʻri keladi.
2
Madina
Shu 4 yilni qanday uqib tugatiw har birimizni uzimizga bog'liq. Bir gaplari juda maqul keldi "Faqat me'yordan owmaslik kerak" Judda tori har bir narsaning õz meyori bõladi muhimi haddan owmasligimiz. Xullas Oltin davrimizni 40 50yildan keyin ham xuddi kechagidek unutilmas zavqli xotiralar bilan eslash barchamizga nasib qilsin. Barcha talabalarning õqiwlariga omad. Bayramingiz muborak bõlsin🤗🤗🤗🤗
ВДВ
Maskasi qani bu talabalarni
M.Salimova
Albatta,men ham ko'rib o'zimning talabalik davrimni rosa sog'inganimni his qildim!
Anvarbek Turdialiyev
Kursdoshlar bilan o‘tgan har bir soniya bu katta tarix bo‘lsa kerak hammada
1
Мирзохид Саттаров ☆☆🇺🇿
Яшаш керак талабалик даври кайтиб келмайди ойнаб кулиш керак талабалик олтин даврим давронларнинг зорисан деб бекорга айтишмаган газини босиш ойнаб кулиш керак СаМВМИ талабаси Мирзохид Саттаров
Umrbek Masharipov
Exxxxx o‘shanda qachon tugar ekan deb yurardik mana tugaganigayam 9 yil bo‘libdi. Talabalik oltindanda qimmat davr ekan.
Ulugʻbek
"oʻzi oʻqiyaptimi hozirgi talabalar" degan fikrizga qoʻshila olmayman. Oʻqiyotganlari juda koʻp boʻlmasligi mumkun lekin bu yoʻq degani emas.
ILYOSBEK
To‘g‘ri gazini bosish kerak
Maxmudova Mohira
Mazza mazza Xushnud aka sizga mazzada. Qayerda qanday jiddiy tadbir bolsa siz hozir-u nozir.
Inoyatova N.A
Тўппа тўғри! Ёшлик бир пастда ўтиб кетади,йиллар ўтиб юрагингиздаги олов сўнмаслиги мумкин,аммо танангиз сизга бўйсунмай қўяр экан! Ёшлик энг мазза давр бўлар экан,қадрига етинг!
3
☆ШОХРУХ☆
Хамма мазза кибди. Ишлайдиганлага кийин айникса дам олиш кунисиз утса.
FOTIMA SATTOROVA
Tug'ri, biz ham qachooon bitiramiz o'qishni deganmiz. Aslida, eng zur davrlar ekan o'sha paytlar. O'yin kulgu ham g'am tashvishsiz edi qandaydir, hozirgi hayot tashvishlarini oldida.
1
FOTIMA SATTOROVA
Bayram shukuhi zurda baribir. Har yili doim tinch, sog'- salomat nishonlaylik ilohim
1
Э.В.Р.
Ha talabalik ‘‘oltin davr‘‘ edi
Asadov. A. A
Shuni uchun aytishadida har narsaning o‘z vaqtida qadriga etish kerak deb
Fatima N.
Eng yaxshi davrimiz edi talabalik davri, Xushnud aka etibor uchun katta raxmat
1
DILAFRO‘Z👩‍🎓
Assalomu alaykum. Bayram muborak hammaga! Xushnud aka haq gapni aytibdilar.👍👍 Talabalik haqiqatdan ham oltin davrdir. Faqat bu davrdan ham unumli foydalanish kerak! Ya‘ni ko‘proq o‘qib, bilimimizni boyitadigan palla hozir. Allohga shukurki, 2020-yilda talabalik baxtiga yetdim. Va men ishonaman, oldindagi talabalik yillarim menga cheksiz quvonch va unutilmas lahzalar tuhfa etadi.😊
2
Djabborova
Bekorga aytishmidi "talabalik oltin davr" deb o'qish sessiya qiyinchiligi uz navbatida lekin madaniy xordiq, kursdoshlar ahilligi tadbirlar qiyinchilikni esdan ham chiqarardik
2
Шохрух
Yana bir bor Navroz bayrami xammaga muborak bulsin
1
Dilobar
Juda tugri gaplarni yozgansiz👍👍👍 Qayta qayta uqidim,yaxshi xotiralarni eslatadigan gaplar bulibdi, RAHMAT, ishlarizga OMAD
Show next 100 comments