គណៈកម្មាធិការរួមតំបន់ព្រំដែន កម្ពុជា–ថៃ (GBC) នឹងបើកកិច្ចប្រជុំនៅថ្ងៃនេះ វេលាម៉ោង ៤ ល្ងាច នៅខេត្តចាន់ថាបូរី ប្រទេសថៃ។ តាមសំណើរបស់ភាគីថៃ កិច្ចប្រជុំនេះនឹងប្រព្រឹត្តទៅចាប់ពីថ្ងៃទី ២៤ ដល់ថ្ងៃទី ២៧ ខែធ្នូ ដោយចាប់ផ្តើមពីកិច្ចប្រជុំថ្នាក់លេខាធិការដ្ឋានជាមុនសិន ហើយបន្ទាប់ពីកិច្ចប្រជុំថ្នាក់លេខាធិការដ្ឋានមានវឌ្ឍនភាពវិជ្ជមាន ទើបរៀបចំកិច្ចប្រជុំថ្នាក់រដ្ឋមន្ត្រីនៅថ្ងៃទី ២៧ ខែធ្នូ។

ភាគីថៃបានបញ្ជាក់ឡើងវិញអំពីលក្ខខណ្ឌសំខាន់ ៣ ចំណុច សម្រាប់កិច្ចចរចាលើកនេះ៖
១. កម្ពុជាត្រូវប្រកាសបទឈប់បាញ់ជាមុនសិន មុនពេលចាប់ផ្តើមកិច្ចចរចា;
២. បទឈប់បាញ់របស់កម្ពុជាត្រូវមានភាពពិតប្រាកដ មានភាពចីរភាព និងអាចទទួលការត្រួតពិនិត្យបាន;
៣. កម្ពុជាត្រូវសហការជាមួយថៃដោយស្មោះត្រង់ ក្នុងការអនុវត្តការដោះមីន។

ភាគីថៃបានបញ្ជាក់ថា ប្រសិនបើកិច្ចប្រជុំថ្នាក់លេខាធិការដ្ឋានមិនមានវឌ្ឍនភាពល្អ កិច្ចប្រជុំ GBC លើកនេះអាចនឹងបញ្ចប់មុនកាលកំណត់។