رسالة وصلتنا اليوم من صدك تفتح النفس 😍
شكرا لله تعالى على هذه النعمة 🙏
الله يثبتكم ويزيد في ايمانكم 👇

السلام عليكم
طبعاً هي مو مشكلة بس حبيت انقل تجربتي للمتابعين ♥️

كلنا غارقين بالذنوب وكلنا عاصين وممعصومين من الخطأ بس اكو الي يتوب واكو الي يصر ع الخطأ ومعصية الخالق

تدرون اني چنت مذنبة مو شلون مچان؟
تدرون وصل بية الكفر اگول لاختي "اذا تردين تنجحين لتصلين؟"
چنت اسمع اغاني وهو يصيح الله اكبر..💔
دخلت بقناة الطريقة الى التوبة ب2015 وچانت هي اول قناة دينيه ادخلها بس طبعاً وره مااستحوذ عليه الشيطان ونفسي الامارة بالسوء عرفت قيمتها ☹️


چنت اذا اسوي شي مباشرةً اروح للكادر احچيلهم چانوا يتقبلوني بكل رحابة صدر وميملون مني ميگولون هايه يوميه تجينا مراح تتوب 😅وبالعكس چنت كلما اروحلهم كلما كلامهم ياخذ گلبي ♥️كانو نبي يحاجيني وينصحني مو انسان عادي...

المهم ب 2018 قبل محرم بيوم قررت ترك الاغاني نهائياً وفعلاً كدرت اسويها الحمد لله ♥️

بعدها بفترررة كلششش طويله گدرت اعوف كلشي محرم تقريباً اخر مرة جانت برجب هذا..مااتذكر بس اني چنت دائما اگول مااكدر افارك الذنوب اكثر من 10 ايام وطبعاً هالكلام چان اكبر غلط لان خليت عقلي الباطن يستجيب هالشي وكل 10 ايام اذنب بعدها من شفت نفسي لهسه الحمد لله راضيه عليها ولو بقمدار قليل بس كلشي جنت اسوي عفته...والفضل طبعاً كله للطريق الى التوبة

هي من اسمها وعاش الى سماها طريق ♥️شويه شويه.. منگدر نعوف كل الذنوب بيوم واحد اكيد بس نكدر صحح غلطنا ونتلاحگ لروحنا ونگعد من الغفوه الي احنا بيها

اني چنت البس كله فساتين قصيرة وبناطير وهسه صرت البس عبايه الحمد لله ♥️

واكيد بدون شك همين افكر اذنب بس مااسويها بعد ولا من الممكن ارجع اسويها ان شاء الله...تدرون ليش؟لان حلاوة القرب من رب العالمين تجنن ♥️متتخيلون الراحه الي تعشيها بعد متتقرب منه تصير كل امور الدنيا متهمك وهمك الوحيد رضا خالقك ♥️

البارحه اكو بنت گالت اني چنت انسانة عاصيه واكو رجل مؤمن تقدملي ومتردده لان اني مذنبة

تدرين الله شكد يحبج لان وهبلج هالانسان؟يوميه اني ادعي رب العالمين يرزقني بانسان مؤمن ويخافه بالرغم اني مثلج عاصيه...تعرفين ليش؟حتى هو يعيني وميخليني اذنب ونتقرب سويه لرب العالمين ويزيدني ثقه بخالقي 💙



بالاخير اگول لكل انسان مدمن ع المعاصي والذنوب لتخلون حجتكم بالشيطان مثلي...ترى الشيطاان ضعيييف حيييل وماعنده أي سلطه علينا...الي يخلينا نذنب هي نفسنا الامارة بالسوء...
ماكو شي اسمه ادمان اكو شي اسمه عقل وانت تعرف تتصرف بي..

اصحوا من هالغفله الي اني جنت بيها وانتوا 💔



#قناة_الطريق_الى_التوبة
كل الشكر الكم ولمجهودكم وان شاء الله ميضيع عند رب العالمين وصاحب الزمان ♥️🕊️