Xushnudbek.uz
Йиғлаб борсам, ҳўнграб чиқди

Журналист ва блогер Азиза Қурбонова ўзининг Телеграм каналида бир пост қолдирди. Уни тўлиқлигича сизларга ҳавола қилмоқчиман:

«Сирдарё вилоятида хизмат сафаридамиз. Аёлларни эшитяпмиз. Синиққан табассум ортида юз туяга юк бўлгулик дардлар, изтироблар... Ҳаммаси ҳам ҳамма гапни ҳам микрофонга айтгиси келмайди. Қулоғимга айтолганлари бир даҳшат...

Турмуш ўртоғидан айрилган, яшаш қийинчиликларида жизғинаги чиқаётган аёл "ёлғизлик энг ёмони, ҳар ўтган бир туртади" дейди.

Турмуш ўртоғи билан амаллаб рўзғор тебратаётган, ҳаёт аравасини тортаётган аёл эса битта гул орзусида 40 га чиқяпти.

Ўзи етим ўсган, сўнг гул ёшида ичувчи эрдан бева қолган, 3 кунда 1 гектар ерни ағдарадиган эркакка айланиб кетган аёлнинг яна икки қизи бева-ю ажрашиб кетганини эшитиб, нима дейишни билмайсан. 60 га чиқди бу аёл, қачон энди ўзи учун яшайди, қачон бахтни ҳис қилади, қачон иссиқ уйда яшайди, қачон дастурхони тўлади, қачон яхши жойда даволанади...

-Нима оляпсизлар, камерами- деб олдимизга келишади аёллар қора пластмасса оёқ кийимида лойга ботганча.

-Сизларни олгани келдик.

-Вой, қишлоқ аёллари хунук экан дейишмасин, бер буёққа калишимни, дейди аёл. Мишиғи оқиб турган ўғлининг оёғидаги калишни ўзининг "платмасса бўтик" ига алмаштиради, калиш эса платмасса оёқ кийимидан-да хафароқ кўринади...

Ўзим сиқилган, ўзим эзилган, мен муаммо деб билган гаплар, ҳолатлар бугун кўрганларим олдида нақадар уят, нақадар ношукрлик, нақадар аҳмоқлик...

Кимда ҳамма нарса бор, кимда эса ҳеч нарса...

Кечиринг».

Пост тугади


👉 @xushnudbek 👈

265 comments

Show 100 more comments
♠
widget
Òtgan ketgan turtmaslik uchun turmush qurush kerak. Beva erkaklar kamligini va chimildiq ko'rmagan yigitlar beva ayolga uylanish ehtimoli kamligini inobatga olsak, Alloh ruxsat bergan, Alloh halol qilgan ko'p xotinlik ya'ni 4 tagacha ayolga uylanish huquqini yuridik jihatdan ruxsat berish kerak. Oxirida savol ! Alloh ruxsat bergan narsani cheklaydigan, jinoyat darajasiga olib chiqadiganlarni kim deyish mumkin?
4ta xotin faqat eplaganlar uchun ☝️
Khoshimov
Rahmatli qiziqchimiz Ergash Karimov ijodiga mansub bir miniatyura esga keldi shu gaplarni o'qib, unda bir gap aytiladiku fermer yigit tomonidan: "Hamma senga o'xshab shaarlik bo'b ketaversa paxtani kim ekadi?"
dilya.turanova
😭😭😭😭😭
Make a Wish
Barchaga assalomu alaykum azizlar.

Sizlardan bir iltimosim bor Xushnudbek akani telegram kontaktini topishimga yordam berib yuborizlar men topolmayapman bir-nechta savolim bor edi.
Kim topsa iltimos @Kurbanov_12_05 shu telegram kontaktimga tashlab yuborizlar.
widget
Shohista
Kim aytdi sizga Bobur ko'p xotinlilikni yomonlamagan deb.Bobur aynan ko'p xotinlilikni yoqlamagan.Farzandlari o'rtasidagi sovuqchilikda ham,o'zi va ukasining o'rtasidagi salbiy munosabatda ham ko'p xotinlilikni sababchi deb bilgan.Agar imkoni bo'lganida Bobur ,albatta,bu odatni ta'qiqlardi.Ammi bir marta dminsonlar e'tiqodi bilan hisoblashmasligi unga qimmatga tushgani uchun inday olmagan. Atoqli adibimiz O'tkir Hoshimov ham "Sharqning tanazzuli ko'p xotinlilikda" deb aytgandi.
4 ta xotinni nikohiga olish halolmi yoki xarom?
Gulnora To'raboyeva
Хой биродарлар фикрларингизни укиб хам хурсанд булдим , купрок хафа булдим, айникса "" кишлокдаги бу холатга илмсизлик,билимсизлик ва ОЛЛОХГА ибодатнинг камлиги" - дейилган гаплар.... уларни сиз хеч качон тушинмайсиз, танаси бошка дард билмас, уларни орасида сизу бизданда ОЛЛОХга якинроклари бор...
MUROD
Eh oʻzbegim, oʻzbegim😞😞😞
/
Gulnora opani gaplariga qo'shilaman
☘
Gulbahor Rahmonova
Аёллар муаммоси кўтарилганда ҳозирги даврда ёлғиз аёл деб берилаётган ёрдамлар, уй жойлар хақиқий эгасига бериляптими, деган савол туғилади. Беникоҳ фарзанд орттириб олиб ёлғиз онаман, деб ҳокимиятга,маҳаллага, поликлиникага ва бошқа жойларга жанжал кўтариб ўз "ҳуқуқини" уялмай талаб қилаётган аҳлоқсиз аёллар ҳам кўп. Юртга фойдаси тегмайдиган худди ўзидай фарзандни тарбиялаб қолдирадиган бу кабиларга нега ёрдам бериш керак?! Ундан кўра бир нечта фарзандларни ўқитиб юрт корига ярайдиган қб етиштирган, лекин оиладаги етишмовчилигини сабр бн енгиб яшаётган, дардини айтишнии ор деб биладиган аёлларга ("ёлғиз аёл" бўлиши шартми? ) "яхши фарзандлари учун" , келажакда юртга зарари эмас фойдаси тегадиган авлод тарбиялагани учун рағбатлантириш ҳақида ўйлаб кўриш керакмиккан???
Fikringiz juda to'g'ri
☬༺Nurdullayevna Xurshida༻☬
Juda haqiqatni yozibsiz, rahmat.
Azizlar bunga faqat oʻzimiz aybdor chunki farzandlarimizni ma'umotli qilgandan tezroq toʻy qilishni ma'qul koʻramiz.
Oqibat bunday avval ishli qilib, oliy ma'lumotli qilish kerakligini bilib ularni juvonmarg qilishadi qishloqlarda
.
Барча ëлгиз аëллари узларидан утганни узлари билишади. Осмон олис ер каттик, дардингни айтсанг устингдан кулишади.
Эгамов Бахтиёр
Қачонгача ҳамма муаммога ўзимиз айбдор деб яшаймиз, қачонгача ислоҳотлар ичида яшаймиз, қачонгача яхши кунларни кутиб яшаймиз, қачонгача энг оддий нарсалар: уй-жой, машина, озиқ-овқат муаммосини кўтарамиз. Буларнинг бари илмсизлик, ўқимаганлик., тушунмаслик эмас, балки АНДИША. Андишанинг охири ҳам бордир. Ахирҳамма яхши яшаши учун ҳамма шароит ва ресурслар, илмий потенциал бор-ку. Ривожланишни хохламайдиганлар орамизда жуда кўп.
1
🤘Aʜʀᴏrbek✨ Sadoqat❤
Har bir kun uchun Alhamdulillah
DaLer✓®🛃
Otamdan qolgan dalalar Toģay Murod