Xushnudbek.uz
Бюрократия ҳиди уфуриб турган тартиб

#abituriyent

Кеча хотин-қизларга ажратилган давлат гранти учун қўшимча 940та ўринга даъвогарлик қилиш ҳуқуқини берадиган тавсиянома олиш тартиби ҳақида маълумот бериб ўтгандим. Ушбу маълумотларни Маҳалла ва оилани қўллаб-қувватлаш вазирлигининг бошқарма бошлиғининг АОКАдаги брифингда айтган сўзларидан тайёрлаганман.

Кечаги постга 250 га яқин изоҳ қолдирилди ва аксарият инсонлар тартибдан норози. Уларнинг шикоятида эса жон бор.

Сабаби хотин-қизларга тавсиянома бериш тартибини кўриб, кўз олдимга ҳеч кимга керак бўлмайдиган бир дунё қоғоз, тонналаб маълумотномалар, турли эшиклар тагида сарғайиб турган аёллар келди.

Жумладан, тартиб бўйича бир қанча саволларим бор.

Биринчидан, ҳужжатлар 10 июлгача қабул қилинади дейилган. Лекин номзодларнинг ҳужжатларини туманлар 8 июлгача вилоятга, вилоятлар эса 10 июлгача вазирликка бериши керак экан. Ия, унақада 8-9-10 июль кунлари туманга ҳужжат топширган хотин-қизлар тақдири нима бўлади? Нега муддатларда бунақа бетартибликка йўл қўйилган?

Иккинчидан, ижтимоий ҳимояга муҳтож хотин-қизлардан маълумотнома, объективка нега керак? Нима улар бирор давлат ташкилотига ишга кираётганмидики (қонун бўйича аслида ишга киришда ҳам объективка сўраш мумкин эмас), объективка сўраляпти? Чекка қишлоқдаги содда опа-сингилларимиз объективкани, уни тўлдириш тартибини қаёқдан билсин? Ва уни тўлдириш учун шароит (компьютер, принтер, электр) бор дейсизми? Хўп, имкон бор ҳам дейлик, ўзи бунақа ортиқча ҳужжатдан кимга нима фойда?

Учинчидан, нима учун хотин-қизлардан мактаб, лицей ёки коллеждан маълумотнома талаб қилиняпти? Дипломини кўрсатса ёки нусха берса етмайдими? Мактаб ёки коллежни 10-15 йиллар олдин тугатган опаларимиз ҳам тавсиянома оламан деса, энди архивма-архив сарсон бўлиши керакми? Ёки яқиндагина коллежни тугатган бўлсаю, лекин у коллеж ёпилиб кетган бўлса-чи, унда нима қилади? Ахир юртимиз бўйлаб озмунча коллежлар ёпилмадими?

Ёки энг асосийси ҳозир ёз ойи бўлса, ҳамма таътилга чиқиб кетган, маълумотнома олиш учун мактаб ёки коллеж маъмуриятини қаердан топиб келишади?

У маълумотнома мазмуни қандай бўлади? Нега бу ҳақда бирор жойда батафсил маълумот эълон қилинмади?

Тўртинчидан, ҳозир карантин даври, жуда кўп туман/шаҳарлар қизил ҳудудда. Бундан ташқари қоғоз коронавирус инфекциясини ташувчи энг катта воситалардан бири эканлиги айтилаётган бир пайтда, нима учун бир дунё кераксиз ҳужжатлар талаб қилиняпти? Ахир бу саломатлик учун ҳам хавфлику.

Нега танлов сифатида имконияти борларга онлайн ариза бериш усули яратилмади? Бунинг учун юз миллионлаб маблағ сарфлаб, янги сайт қилиш шартмас, оддий Google Forms орқали ҳам масалани текин ҳал қилса бўлади. Фақат бунинг учун озгина замонавий фикрлаш керак, СССРдан қолиб кетган объективкаю, бюрократияни бир дақиқа унутиб туриш лозим.

Хуллас, саволлар бисёр. Жавоб эса ҳозирча йўқ. Мен ҳали бу тизимнинг коррупцион жиҳатлари ҳақида лом-мим демаяпман. Тавсиянома бериш учун бирорта асос йўқ бўлган минглаб шахслар ҳам тавсиянома олиши эҳтимоли катта. Майли, бунга барибир чек қўя олмайди, бу жамиятимизнинг қон-қонига сингиб кетган «қадрият».

Лекин ҳеч бўлмаса тавсиянома бериш тартибини сал тартибга келтиришса яхши бўларди.


👉 @xushnudbek 👈

567 comments

Show 13 more comments
Axmet
👍👍👏👏👏👏👏
Бибимариям
Хушнуд сизга гап булиши мумкинмас айни хакикатни езасизде омон булинг
Zilolabonu Xoliqova
Ичимдаги гаплар бизни сарсон қилиб юборишди.
Mr. Holov
Respectable idea
Muxlisa Jumayeva
juda to'g'ri gaplar. Buni qaytadan ko'rib chiqish kerak deb o'ylayman.
Хусайинбой Авазматов
Эски бюрократ, собиқ коммунистлар юқори лавозимларда ўтирар экан, бюрократия ва қоғозбозлик гуллаб яшнайверади.Шу талаб қилинаётган ҳужжатларнинг ярими ҳеч нарсага арзимайдиган кераксиз қоғоз!
2
Bobomurod Rajabov
Lekin sarsongarchilik bulmasa ancha opa singillarimiga yengillik buldi.
1
Feruz Majidov
Mansabdor shaxslar ataylab õquv yili uchun tasdiqlanishi kerak bõlgan normativ hujjatni õzlariga tõgirlavolishadi. Korrupsiyaga õzlari uchun karidor yaratishadi. Odamni jahli chiqadi bu narsalar qachon tugashini kutib...
1
Шахноз Якубовна
Хушнидбек яхшиям сиз ва сизга ухшаган блогерлар бор,гапни лундасини айтасиз,куясиз,яшанг
FEP
Xushnudbek sizdan iltimos kanalizda Covid 19 bo'yicha yangilik berishni bas qiling. Kanaliz Covid 19 yangiliklar kanaliga o'xshab boryabdi.
3
Adkham English
IELTS 5,5 certificate bolsa Namangan Davlat Universitetiga magistraturaga topshirmoqchi edim lingvistikaga shunda ikkinchi til imtihonidan 100 %ball beriladimi?
Zoyir
Вохахахахаха, битта гап айтсам думалаб коласила. Синфдошим мактабимизни директорини кизи, дадасиям бир алам бало жйлада ишлайди ишкиб. Шу группага езипти 4% лик учун югириб юрибман дб. Узи каллада балоям ек. Онасини оркасидан олтин медаль олди. Ундан 10 кара яхши билайдиганла коб. Ээээ хуллас яшасин таниш билиш.
4
Zuhriddin_Hasanov
To‘g‘ri gapni aytdingiz Xushnudbek aka. Hozir ayni karantin paytida shuncha ovoragarchilik, qog‘ozbozlik kerak emas hech kimga!
G‘iyos G'ayratovich
100 % to'g'ri savollar berilipti mutasaddilarga, Xushnudbek tomonidan
Mr. Holov
Adkham English
IELTS 5,5 certificate bolsa Namangan Davlat Universitetiga magistraturaga topshirmoqchi edim lingvistikaga shunda ikkinchi til imtihonidan 100 %ball beriladimi?
Yoʻq, chunki magistratura uchun talab 6
_..........._
Assalomu alaykum Xushnud bek aka sizdan iltimos ,xujjat topshirgan abituriyentlar di fakultetlar kesimida bilib bering
RAXMATULLAYEVA MADINA 마디나헌
Toppa to'g'ri, masalani bizning kollej tag tugi bilan yopilib bo'lgan.Ma'lymotnoma olish uchun. Sarson sargardonchilikka chek qo'yish kerak.Jamiyatimizda siz kabi insonlar ko'payishini istaymiz.
BEXRUZ
Ovvaragarchulik mayli hoz avvora bulishadi lekin Bir Qashqadaryo vilayati uchun 90 tadam kam kvota belgilangan lekin kam taminlangan otasi ham onasu ham vaqtincha ishsiz bulgaan Yoki yolĝiz onalar nogironligi bor oilalar juda kub ular shuncha ovvoragarchilikdan kiyin agar ololmasdan qaytsa yoki bunga korrupsiya aralashadigan bulsa yana ishonch yuqolishu tabiy ularda
4
Feruz Majidov
KO'M-18/3 Turdiboyeva Lobar
Yaxshiyam sizde insonla bor
Paxtakorlaaaar lar lar lar
Yuldashevs
Хушнудбек, жуда 2 тоифали одамсиздааа, откан йили харбийлардан тавсияномасини бекор килишганига канча хурсанд болиб хотин кизларни ижтимоий харакатини махтаб гапиргандиз. Озиз хизмат нималигини билмасез шуда, ози энг шу тавсия номага арзидигон одам бу харбий хизмата хизмат тавсия номасига эришкан одам, а сиз категи 4 та эшика бориб кийналиб коганини гариряпсиз, яхши пахта инсонлар копайсин.
･ﾟ❈ 🎀 𝒩𝒶𝒻𝒾𝓈𝒶 🎀 ❈ﾟ･
Ichimizdagini yozibsz. Bir sizni gaplaringizga tushinaman . Boshqalari nima deb turganini o‘zi ham bilmaydi. Nima qonun nima deyabdi uman tushinmisan. Kollej diplomi bo‘sa bo‘ldida ma‘lumot noma nimaga kerak. Kollejim yopildi. Qayerdan olaman uni.
Show next 100 comments