Xushnudbek.uz
Бюрократия ҳиди уфуриб турган тартиб

#abituriyent

Кеча хотин-қизларга ажратилган давлат гранти учун қўшимча 940та ўринга даъвогарлик қилиш ҳуқуқини берадиган тавсиянома олиш тартиби ҳақида маълумот бериб ўтгандим. Ушбу маълумотларни Маҳалла ва оилани қўллаб-қувватлаш вазирлигининг бошқарма бошлиғининг АОКАдаги брифингда айтган сўзларидан тайёрлаганман.

Кечаги постга 250 га яқин изоҳ қолдирилди ва аксарият инсонлар тартибдан норози. Уларнинг шикоятида эса жон бор.

Сабаби хотин-қизларга тавсиянома бериш тартибини кўриб, кўз олдимга ҳеч кимга керак бўлмайдиган бир дунё қоғоз, тонналаб маълумотномалар, турли эшиклар тагида сарғайиб турган аёллар келди.

Жумладан, тартиб бўйича бир қанча саволларим бор.

Биринчидан, ҳужжатлар 10 июлгача қабул қилинади дейилган. Лекин номзодларнинг ҳужжатларини туманлар 8 июлгача вилоятга, вилоятлар эса 10 июлгача вазирликка бериши керак экан. Ия, унақада 8-9-10 июль кунлари туманга ҳужжат топширган хотин-қизлар тақдири нима бўлади? Нега муддатларда бунақа бетартибликка йўл қўйилган?

Иккинчидан, ижтимоий ҳимояга муҳтож хотин-қизлардан маълумотнома, объективка нега керак? Нима улар бирор давлат ташкилотига ишга кираётганмидики (қонун бўйича аслида ишга киришда ҳам объективка сўраш мумкин эмас), объективка сўраляпти? Чекка қишлоқдаги содда опа-сингилларимиз объективкани, уни тўлдириш тартибини қаёқдан билсин? Ва уни тўлдириш учун шароит (компьютер, принтер, электр) бор дейсизми? Хўп, имкон бор ҳам дейлик, ўзи бунақа ортиқча ҳужжатдан кимга нима фойда?

Учинчидан, нима учун хотин-қизлардан мактаб, лицей ёки коллеждан маълумотнома талаб қилиняпти? Дипломини кўрсатса ёки нусха берса етмайдими? Мактаб ёки коллежни 10-15 йиллар олдин тугатган опаларимиз ҳам тавсиянома оламан деса, энди архивма-архив сарсон бўлиши керакми? Ёки яқиндагина коллежни тугатган бўлсаю, лекин у коллеж ёпилиб кетган бўлса-чи, унда нима қилади? Ахир юртимиз бўйлаб озмунча коллежлар ёпилмадими?

Ёки энг асосийси ҳозир ёз ойи бўлса, ҳамма таътилга чиқиб кетган, маълумотнома олиш учун мактаб ёки коллеж маъмуриятини қаердан топиб келишади?

У маълумотнома мазмуни қандай бўлади? Нега бу ҳақда бирор жойда батафсил маълумот эълон қилинмади?

Тўртинчидан, ҳозир карантин даври, жуда кўп туман/шаҳарлар қизил ҳудудда. Бундан ташқари қоғоз коронавирус инфекциясини ташувчи энг катта воситалардан бири эканлиги айтилаётган бир пайтда, нима учун бир дунё кераксиз ҳужжатлар талаб қилиняпти? Ахир бу саломатлик учун ҳам хавфлику.

Нега танлов сифатида имконияти борларга онлайн ариза бериш усули яратилмади? Бунинг учун юз миллионлаб маблағ сарфлаб, янги сайт қилиш шартмас, оддий Google Forms орқали ҳам масалани текин ҳал қилса бўлади. Фақат бунинг учун озгина замонавий фикрлаш керак, СССРдан қолиб кетган объективкаю, бюрократияни бир дақиқа унутиб туриш лозим.

Хуллас, саволлар бисёр. Жавоб эса ҳозирча йўқ. Мен ҳали бу тизимнинг коррупцион жиҳатлари ҳақида лом-мим демаяпман. Тавсиянома бериш учун бирорта асос йўқ бўлган минглаб шахслар ҳам тавсиянома олиши эҳтимоли катта. Майли, бунга барибир чек қўя олмайди, бу жамиятимизнинг қон-қонига сингиб кетган «қадрият».

Лекин ҳеч бўлмаса тавсиянома бериш тартибини сал тартибга келтиришса яхши бўларди.


👉 @xushnudbek 👈

567 comments

Show 43 more comments
Kalibri
Малумотнома нима деган мазмунда булиши хам айтилмаган бекордан битта суз учун хам овора килишадида
Abduaziz Axmedov
Vuxaxaxa o'lb qomman bu tartiblani ewitb... odam digan wunaqayam tupoy boladimi..? Essiz bulaga tolavotgan soliqlarimiz.. Alisher Usmonov etgande tfuuu na tebe...
Habib Xalilov
Tòppa tòģri fikr, kecha ham shunga yaqin fikr bildirgan edim. Nima keragi bor tavsiyanomani? Hozir hokimiyatdagilarni gapini eshitsaiz kulasiz, nima emish, arizani faqat urushda òlgan,qatnashganlani qizini olish kerak ekan. Umuman mantiqsiz gap! Kvotani òzi kimni tanlash mumkinligiga katta sòroq qòyadi. 1000ta hujjatdan bor yòģe 24 ta olinsa, qolganlar òzini butunlay kamsitilgan hisoblanadi, tanlanganlarni kim tekshiradi, e xullas bekor qilish kerak bu tavsiyanomani. Faqat nogironlarnikini qoldirgan ma'qul
Adkham English
Nizomni ko'rsata olasizmi chunki man 5,5 ko'rgan edim yaqinda.
I.U.K.
Zoyir
Вохахахахаха, битта гап айтсам думалаб коласила. Синфдошим мактабимизни директорини кизи, дадасиям бир алам бало жйлада ишлайди ишкиб. Шу группага езипти 4% лик учун югириб юрибман дб. Узи каллада балоям ек. Онасини оркасидан олтин медаль олди. Ундан 10 кара яхши билайдиганла коб. Ээээ хуллас яшасин таниш билиш.
Шунакалар узи укишга кироми ковотганига чикарилган тартибдэ бу. Ёрдамга мухтожлар бу тартибби укишгаям имконияти йок, когозларни йигишгаям вокти йок.
이슬럼전
Assalomu alaykum Xushnudbek aka hafa boʻlmanggu sizni anchadan beri kuzataman abituriyent dan bowqa mavzular yoʻmi yoki abituriyent uz deb oʻzgartirin kanalni nomini oldin yaxwi yangiliklar maʼlumotlar yozardiz
･ﾟ❈ 🎀 𝒩𝒶𝒻𝒾𝓈𝒶 🎀 ❈ﾟ･
Yuldashevs
Хушнудбек, жуда 2 тоифали одамсиздааа, откан йили харбийлардан тавсияномасини бекор килишганига канча хурсанд болиб хотин кизларни ижтимоий харакатини махтаб гапиргандиз. Озиз хизмат нималигини билмасез шуда, ози энг шу тавсия номага арзидигон одам бу харбий хизмата хизмат тавсия номасига эришкан одам, а сиз категи 4 та эшика бориб кийналиб коганини гариряпсиз, яхши пахта инсонлар копайсин.
Ular maqtamayabdi. Ular etdi hamma imtiyozni yo‘qotish kerak deb. Ln mayli imtiyozlar bor ekan korrupsiya qilmanglar dedi. Bu eshigan u eshigga hammasi korrupsiya.
𝓴𝓸𝓶𝓲𝓵𝓳𝓸𝓷
😂😂😂qadriyatga aylangan bu albbatta rost😬
X.Mallabayev
Shu qaror chiqanida o'qib hursand bo'lgandim. Singlimni qo'llab quvatlashlari mumkin ekan deb o'ylagandim lekin tartibi chiqqanidan kegin bunga ishonmadim. Shuncha qog'oz??? Bu adolatli bo'lmedi 940 o'rindan adolatli olsa 40 tasi tavsiyanomasini oladi qolganlari pulga oladi
1
Саид Раманов
Озингиз гапирганингиздай булар факат коґозда колиб кетади. Гапирганингизни 0.09% хам фойдаси йок. Улар карорга у́згартириш киритишмайди. Хар йил окиш учун карорлар чикади. Бир-биридан "ґалати"
Yuldashevs
･ﾟ❈ 🎀 𝒩𝒶𝒻𝒾𝓈𝒶 🎀 ❈ﾟ･
Ular maqtamayabdi. Ular etdi hamma imtiyozni yo‘qotish kerak deb. Ln mayli imtiyozlar bor ekan korrupsiya qilmanglar dedi. Bu eshigan u eshigga hammasi korrupsiya.
Сиз йозганими яна бир марта окин, икки юзламачилигини билас
Adkham English
Magistratura boyicha talab va nizomlar haqida ma'lumot bera olasizmi?
Dina
E rahmat. Hammasini to'g'ri aytgansiz. Ovaragarchilikku o'z yo'liga lekin korrupsiya qilishadida, hamma narsaga imkoniyati yetadigan insonlayam tavsiyanomaga ega bo'lishadi. Imkoniyat berish yaxshi, biroq oliy ta'limga bilim bilan kiriladi va keyin o'sha bilimmi oshiriladi. Maktabni va kollejlarni amal-taqal qilib bitkazgan opa-singillarimiz ertaga jamiyatimizda yetuk kadr bo'la olishadimi?! Yoki farzandlarimizni shundaylar qo'liga topshirib yana imtiyoz beramizmi?!
2
ХМА
Айтмокчи, шу езилганларни Хушнудбек укирмикин еки шунча коммент кепти деб куя коладимикин?
Русланбек Садуллаев
Конституцияда курсатилгану хаммани тенг хукуклилиги, нимага яна алохида шахслар гурухи пайдо буляпти, керакмас узи хеч канака имтиёзлар бериш, узи улар вактидаям укимаган, укимийдиям, кайтанга коррупцияни кучига куч кушади, хамма бир тест топширсин, билимига караб утсин имтихонлардан...
1
Абат Сеидуллаев
Imtiyoz bor joyda korrupsiya bo'ladi. Qog'ozbozlik aslida korrupsiyaga yo'l ochish uchun o'ylap topilgan.
Zuhriddin_Hasanov
이슬럼전
Assalomu alaykum Xushnudbek aka hafa boʻlmanggu sizni anchadan beri kuzataman abituriyent dan bowqa mavzular yoʻmi yoki abituriyent uz deb oʻzgartirin kanalni nomini oldin yaxwi yangiliklar maʼlumotlar yozardiz
O‘zlari ham vaqtida abiturient bo‘lib o‘quv yurtiga kirganlar. Bu eng dolzarb mavzulardan biri. Yurtimizni kelajagi mana shu yetuk kadrlarimizga bog‘liq ekan nega ular haqida gapirmasinlar
....
Eng muxim uqishga kirgazish emas, ish bilan taminlanishi kerak lekin qayerga degan savol!!! Oddiy misol Chiroqchini o'zida qanchadan qancha oila shunday axvolda qishloqlarida, dashtlarida afsus...
SAYYORA QAHRAMONOVNA
Assalomu aleykum Xushnudbek , sizzi hamma postlarizzi kuzatib boraman rahmat sizga! Sizga mavzudan tashqari savolim bor, man magistrman 2 -kursga o'tdim, o'z kuchim bn grandga kirdim,magistraturada maqsad ilmiy ish qilish,lekin judda kop qogozbozchiliklar,sarsonliklarni ko'rdim shular kerekmikin? Dissertatsiya vaqt kam! To'ri harakat qilgan imkon topadi lekin kopchilik magistrlarni oilasi,farzandi,ishlash joyi bor shular hisobga olinmaydi! Yana bir gap,grand asosida o'qiyotganlar uchun agar 3ta faniz 3 bahoga yopilsa 6oy stipendiyasiz qoladi yana bir ma'lumot oraliq,joriylardan 5,4 olib yurasiz yakuniyda omadiz kemasdan yoki test tuzilishida xatoliklar tufayli 3 oldiz bo'ldi sessiya 3 ga yopiladi qizig'a
1
RAXMATULLAYEVA MADINA 마디나헌
Xushnudbek qarorga ko'p farzandli onalarga ham berilishi kerak deb o'ylayman
Oybek Sirojov
мени назаримда имтиезларни бу тартибда бериш нотугри. имтиезларни укишга кабул килингандан кейин грантлар асосида бериш максадга мувофик. бундай тмзим талим сифатига хам корупсияга хам тасир килади
Show next 100 comments