Xushnudbek.uz
Бюрократия ҳиди уфуриб турган тартиб

#abituriyent

Кеча хотин-қизларга ажратилган давлат гранти учун қўшимча 940та ўринга даъвогарлик қилиш ҳуқуқини берадиган тавсиянома олиш тартиби ҳақида маълумот бериб ўтгандим. Ушбу маълумотларни Маҳалла ва оилани қўллаб-қувватлаш вазирлигининг бошқарма бошлиғининг АОКАдаги брифингда айтган сўзларидан тайёрлаганман.

Кечаги постга 250 га яқин изоҳ қолдирилди ва аксарият инсонлар тартибдан норози. Уларнинг шикоятида эса жон бор.

Сабаби хотин-қизларга тавсиянома бериш тартибини кўриб, кўз олдимга ҳеч кимга керак бўлмайдиган бир дунё қоғоз, тонналаб маълумотномалар, турли эшиклар тагида сарғайиб турган аёллар келди.

Жумладан, тартиб бўйича бир қанча саволларим бор.

Биринчидан, ҳужжатлар 10 июлгача қабул қилинади дейилган. Лекин номзодларнинг ҳужжатларини туманлар 8 июлгача вилоятга, вилоятлар эса 10 июлгача вазирликка бериши керак экан. Ия, унақада 8-9-10 июль кунлари туманга ҳужжат топширган хотин-қизлар тақдири нима бўлади? Нега муддатларда бунақа бетартибликка йўл қўйилган?

Иккинчидан, ижтимоий ҳимояга муҳтож хотин-қизлардан маълумотнома, объективка нега керак? Нима улар бирор давлат ташкилотига ишга кираётганмидики (қонун бўйича аслида ишга киришда ҳам объективка сўраш мумкин эмас), объективка сўраляпти? Чекка қишлоқдаги содда опа-сингилларимиз объективкани, уни тўлдириш тартибини қаёқдан билсин? Ва уни тўлдириш учун шароит (компьютер, принтер, электр) бор дейсизми? Хўп, имкон бор ҳам дейлик, ўзи бунақа ортиқча ҳужжатдан кимга нима фойда?

Учинчидан, нима учун хотин-қизлардан мактаб, лицей ёки коллеждан маълумотнома талаб қилиняпти? Дипломини кўрсатса ёки нусха берса етмайдими? Мактаб ёки коллежни 10-15 йиллар олдин тугатган опаларимиз ҳам тавсиянома оламан деса, энди архивма-архив сарсон бўлиши керакми? Ёки яқиндагина коллежни тугатган бўлсаю, лекин у коллеж ёпилиб кетган бўлса-чи, унда нима қилади? Ахир юртимиз бўйлаб озмунча коллежлар ёпилмадими?

Ёки энг асосийси ҳозир ёз ойи бўлса, ҳамма таътилга чиқиб кетган, маълумотнома олиш учун мактаб ёки коллеж маъмуриятини қаердан топиб келишади?

У маълумотнома мазмуни қандай бўлади? Нега бу ҳақда бирор жойда батафсил маълумот эълон қилинмади?

Тўртинчидан, ҳозир карантин даври, жуда кўп туман/шаҳарлар қизил ҳудудда. Бундан ташқари қоғоз коронавирус инфекциясини ташувчи энг катта воситалардан бири эканлиги айтилаётган бир пайтда, нима учун бир дунё кераксиз ҳужжатлар талаб қилиняпти? Ахир бу саломатлик учун ҳам хавфлику.

Нега танлов сифатида имконияти борларга онлайн ариза бериш усули яратилмади? Бунинг учун юз миллионлаб маблағ сарфлаб, янги сайт қилиш шартмас, оддий Google Forms орқали ҳам масалани текин ҳал қилса бўлади. Фақат бунинг учун озгина замонавий фикрлаш керак, СССРдан қолиб кетган объективкаю, бюрократияни бир дақиқа унутиб туриш лозим.

Хуллас, саволлар бисёр. Жавоб эса ҳозирча йўқ. Мен ҳали бу тизимнинг коррупцион жиҳатлари ҳақида лом-мим демаяпман. Тавсиянома бериш учун бирорта асос йўқ бўлган минглаб шахслар ҳам тавсиянома олиши эҳтимоли катта. Майли, бунга барибир чек қўя олмайди, бу жамиятимизнинг қон-қонига сингиб кетган «қадрият».

Лекин ҳеч бўлмаса тавсиянома бериш тартибини сал тартибга келтиришса яхши бўларди.


👉 @xushnudbek 👈

567 comments

Show 82 more comments
Nabijon Nizomiddinov
Qog'ozbozlik tugasa bizning ko'p yillik qog'ozbozlik qadriyatimiz qayerda qoladi. Qog'ozbozlik qadriyatimizni yo'qotsak "Chirigan G'arbga" o'xshab qolamizku. "Chirigan g'arb" yaxshi yonadigan gugurtni kashf qilib qo'ygan biz o'sha gugurtni ishlatmaymiz biz o'zimizni gugurtimizni kashf qilishga harakat qilamiz. Yaratayotgan gugurtimiz esa na chaqnaydi na yonib ketadi. Yuqoridagi vaziyat huddi shunga o'xshaydi. Baribir ham umid qilishda davom etamiz
Shavkat Qarshiboyev
Bu gaplar hammasi tugri yugur yugur u hamma hujjatlarni tuplagan taqdirida ham hech qanday kafolat yuq imtiyoz berishiga nima ekan sizdan ham Imkoniyat yuqlar bor yani qushtirnoq ichidagi bularni Imkoniyati yuqori buladi ayniqsa markazda joylashganlarniki hammasini topsa va kerakli odamlarni topib Hal ham qilsa hech gap emas har doimgidek qishloqga hech narsa qolmaydi
🍁🍁🍁🍁
Xozirgi karantin vaqtida bu ortiqcha vaqt oladi. Kollejni boshqa shaxar tumanda tugatgan boʻlsa borib olish qiyin.
FEP
Qaysidir toifa yoki shaxslarga imtiyoz berish bu g'irt axmoqlik va korupsiya ayniqsa bu talimda bo'lsa. Bu imtiyozlar hech qachon oddiy xotin qizlarga berilmaydi. Esingizda bo'lsa fuqorolardan spravkalar so'rash bekor qilingandi shekilli. So'g'dga 500 ta o'rin berilgan emush uyatsizlar. Qanday asosga ko'ra berildi. Chunki Tojik xalqi O'zbeklarga o'xshab jim o'tirmasdan haqqini talab qilgani uchunmi?. Nima O'zbekistonda So'g'ddan boshqa chekka hududlar kammi. Xullas hamma yoq axmoqgarchilik, adolatsizlik, korupsiya, tanish bilishchilik. Bu imtiyozlar oddiy xalq uchunmas issiqda asablaringni buzib spravka yig'ib ovora bo'lmanglar opa singillar. Bu imtiyozlar alla qachon XOROMXO'RLAR o'rtasida taqsimlab bo'lingan.
2
Umidjon
Qaynisingillarimni otasi yaqinda olamdan o'tgan. Otasi yo'qligini isbotlash uchunham bir dunyo hujjat qilish kerak ekanda...
Саодат Мирзакаримова
Хушнудбек салом. Ишларизга омад. Хакикат адолат йулида хеч чарчаманг. Чалкашликлар ва ноаникликлар деярли хар сохада бор. Бирор бир ишни амалга ошираман десангиз албатта турли тусикларга учрамай иложиз йук. Мантиксиз курсатмаларга качон чек куйилади хайронмиз
Anvarbek Turdialiyev
Imtiyoz berilishi ko‘rsatilgan qatlam shundoq ham bazada bor bo‘lsa nimaga buncha hujjat kerak.
ℋ𝓸𝓶𝓲𝓮_²³
Qaror chiqqanda xursand buludim chunki bu bizni oilaga yordami tegadi db. Ln bu qogozbozligu yugur yugurlarni korb olgim ham kelmay qoldi. Toppa togri aytilyabdi korrupsiya hammasi ehtiyojmandlar yuguradida kazo kazolarni farzandlari oz muddatda "muhtoj" bb qoladi. Qani adolat bunaqa undan kora imtiyozberilmagni ma'qul edi. Me uqigan litsey yopilib ketgan utgan yili qayodan olamiz malumotnomani.
ISLOMBEK YARATOV
Sadoqat Mansurzoda
Konstitutsiya bo'yicha barcha fuqorolar tili, millati,irqi, kelib chiqishidan qat'i nazar qonun oldida tengdir deyilmaganmidi. Yoki konstitutsiyaga xech kim amal qilmaydimi.
Konstitutsiya bu vaqtda esdan chiqib qoladi. Axir barcha qarorlar bosh qonunimizga toʻgʻri kelishi kerakmasi?!
🌠U&U
Бу имтиёз ҳам таниш билиш ва шунга ўхшаш ишларга бағишланади. Агар бу вазирлик шаффоф ишлаганда республикада хотин-қизларнинг аҳволи тўғрисида базаси шу вақтгача тайёрлаган бўлар эди. Улар кўрсатган муддатда ҳеч нимага улгириб бўлмайди. Шундоқ кўриниб турибдику. Шунча маблағ сарфлаб одамларни сарсон қилиш ва оворагарчилик бизнинг вазирликларимизга хос хусусият. Шунга бир бўлган воқеа мисол. Кам таъминланган оилага чорва мол беришга кредит ажратилганда бир кам таъминланган оила гаровга МАЛИБУСИНИ қўйибди. Мана сизга........
1
Dilrabo
АССАЛОМУ АЛАЙКУМ! ОТМ ларда КАЙСИ ФАНДАН ИМТИХОН БУЛИШИНИ КАЕРДАН БИЛСАК БУЛАДИ? ОЛДИНДАН КАТТА РАХМАТ!
Нигора Мухторова
Тугриси шу тартиб элон килинганида укияпману кулишимниям, йиглашимниям билмадим. Каеринидир тушунмадимми диб яна кайта укидим. Шунча гап, шунча дод войдан кн уйлаб топилган тартиб! Президентимиз нима диб имтиез, имконият беряптию ижрочилар нима килаяпти? Аслида хамма балоям шунда. Салла диса каллани олади булар. Барибир шу ахмокона тартиб камида 2 йил турадииии.
Moviy g'uncham
Haqiqatdan 4 kun qogozlarni ustidan yugurdik lekin shundayam balga qarab beriwadi deyiwdi. Uqiwga waroiti yuq yoki togli hududadilar bu qarorlardan umid qilmasak ham bularkanda
Shoira Hamidova
Bunday imtiyozlar sholining orqasidan suv ichadigan kurmaklar uchun, menimcha. Bir-ikki sholi nomiga bunday imtiyozdan foydalanadi, qolgan oʻrinlar kurmaklar uchun xizmat qiladi. Agar adashayotgan boʻlsam faqatgina xursand boʻlardim va adashgan boʻlishni juda istayman...
Рахмонова L
Juda yaxshi fikrlarni aytdiz biz xam shu muammolar bn yuribmiz maxalladan malumotnoma olib tumanga bordik lekin tafsiyanoma beradigan opa joyidamas ikki kun qatnadim.ammo xali xamon usha siz aytayotgan yugur yugurlar davom etmoqda qogozvozlik
Дильнозик
Ассалому алайкум сизга саволим бор еди?
Nazarov G'.H.
Бу чолу кампирлар вазирлиги.... СССРдан колган, мияси котиб колганлар вазирлиги. Хушнудбек ёзган коррупцион холатлар хакидаку гапирмасаям булади. Хали янги килгиликлар олдинда. Хар бир яратилган ёки ёзилган конунда узлари учун корруция учун жой колдиришади. Уша тешикдан миллатни конини суришни давом этади. Ман иктисодчиман Юрист эмас, лекин любой конунни ушанака тешикчасини топиб бераман.
2
Aqljon Egamova
Хақийқий билими бор инсон имтиёз изламайди,бир аммаллаб билимсизларниям уқишга киритишни эмас,ўқишга киргандан кейин иқтидорли болаларни танлаб мукаммал билим олиши учун ёрдам бериш к.к.Билимсиз одам ўзига ишонмайди,эртанги кунда юрт манфаатини эмас,бир аммаллаб курсисини асрашни уйлайди
🇺🇿🌱PSIXOLOG~MENTALIST~IT~PROFAYLER~PROFKONSULTANT~GRAFOLOG🌿🇺🇿 🌎🌿RAXIMOV RAVSHAN🌿🌎
Aslida sof tanqid bir yoki ikkita böladi . Shular orasida ijtimoiy hayotni yorituvchi ahamiyatlisi yuqoridagi fikrlariz. Rivojlanish kamchiliksiz kelmasligini isboti . Omad ! xalq dardi bilan yashang . Xushnud aka.
1
Yusupov Shohjahon
FEP
Qaysidir toifa yoki shaxslarga imtiyoz berish bu g'irt axmoqlik va korupsiya ayniqsa bu talimda bo'lsa. Bu imtiyozlar hech qachon oddiy xotin qizlarga berilmaydi. Esingizda bo'lsa fuqorolardan spravkalar so'rash bekor qilingandi shekilli. So'g'dga 500 ta o'rin berilgan emush uyatsizlar. Qanday asosga ko'ra berildi. Chunki Tojik xalqi O'zbeklarga o'xshab jim o'tirmasdan haqqini talab qilgani uchunmi?. Nima O'zbekistonda So'g'ddan boshqa chekka hududlar kammi. Xullas hamma yoq axmoqgarchilik, adolatsizlik, korupsiya, tanish bilishchilik. Bu imtiyozlar oddiy xalq uchunmas issiqda asablaringni buzib spravka yig'ib ovora bo'lmanglar opa singillar. Bu imtiyozlar alla qachon XOROMXO'RLAR o'rtasida taqsimlab bo'lingan.
👍👍👍👍👍👍👍
Juda to'g'ri gaplar. So'x da yashidiganlani shoxi bor ekanda. Nima ham qilardik
1
ISLOMBEK YARATOV
Balki DTM shoshilib qaror chiqargani un bir biriga mos kelmas
Show next 100 comments