Xushnudbek.uz
Бюрократия ҳиди уфуриб турган тартиб

#abituriyent

Кеча хотин-қизларга ажратилган давлат гранти учун қўшимча 940та ўринга даъвогарлик қилиш ҳуқуқини берадиган тавсиянома олиш тартиби ҳақида маълумот бериб ўтгандим. Ушбу маълумотларни Маҳалла ва оилани қўллаб-қувватлаш вазирлигининг бошқарма бошлиғининг АОКАдаги брифингда айтган сўзларидан тайёрлаганман.

Кечаги постга 250 га яқин изоҳ қолдирилди ва аксарият инсонлар тартибдан норози. Уларнинг шикоятида эса жон бор.

Сабаби хотин-қизларга тавсиянома бериш тартибини кўриб, кўз олдимга ҳеч кимга керак бўлмайдиган бир дунё қоғоз, тонналаб маълумотномалар, турли эшиклар тагида сарғайиб турган аёллар келди.

Жумладан, тартиб бўйича бир қанча саволларим бор.

Биринчидан, ҳужжатлар 10 июлгача қабул қилинади дейилган. Лекин номзодларнинг ҳужжатларини туманлар 8 июлгача вилоятга, вилоятлар эса 10 июлгача вазирликка бериши керак экан. Ия, унақада 8-9-10 июль кунлари туманга ҳужжат топширган хотин-қизлар тақдири нима бўлади? Нега муддатларда бунақа бетартибликка йўл қўйилган?

Иккинчидан, ижтимоий ҳимояга муҳтож хотин-қизлардан маълумотнома, объективка нега керак? Нима улар бирор давлат ташкилотига ишга кираётганмидики (қонун бўйича аслида ишга киришда ҳам объективка сўраш мумкин эмас), объективка сўраляпти? Чекка қишлоқдаги содда опа-сингилларимиз объективкани, уни тўлдириш тартибини қаёқдан билсин? Ва уни тўлдириш учун шароит (компьютер, принтер, электр) бор дейсизми? Хўп, имкон бор ҳам дейлик, ўзи бунақа ортиқча ҳужжатдан кимга нима фойда?

Учинчидан, нима учун хотин-қизлардан мактаб, лицей ёки коллеждан маълумотнома талаб қилиняпти? Дипломини кўрсатса ёки нусха берса етмайдими? Мактаб ёки коллежни 10-15 йиллар олдин тугатган опаларимиз ҳам тавсиянома оламан деса, энди архивма-архив сарсон бўлиши керакми? Ёки яқиндагина коллежни тугатган бўлсаю, лекин у коллеж ёпилиб кетган бўлса-чи, унда нима қилади? Ахир юртимиз бўйлаб озмунча коллежлар ёпилмадими?

Ёки энг асосийси ҳозир ёз ойи бўлса, ҳамма таътилга чиқиб кетган, маълумотнома олиш учун мактаб ёки коллеж маъмуриятини қаердан топиб келишади?

У маълумотнома мазмуни қандай бўлади? Нега бу ҳақда бирор жойда батафсил маълумот эълон қилинмади?

Тўртинчидан, ҳозир карантин даври, жуда кўп туман/шаҳарлар қизил ҳудудда. Бундан ташқари қоғоз коронавирус инфекциясини ташувчи энг катта воситалардан бири эканлиги айтилаётган бир пайтда, нима учун бир дунё кераксиз ҳужжатлар талаб қилиняпти? Ахир бу саломатлик учун ҳам хавфлику.

Нега танлов сифатида имконияти борларга онлайн ариза бериш усули яратилмади? Бунинг учун юз миллионлаб маблағ сарфлаб, янги сайт қилиш шартмас, оддий Google Forms орқали ҳам масалани текин ҳал қилса бўлади. Фақат бунинг учун озгина замонавий фикрлаш керак, СССРдан қолиб кетган объективкаю, бюрократияни бир дақиқа унутиб туриш лозим.

Хуллас, саволлар бисёр. Жавоб эса ҳозирча йўқ. Мен ҳали бу тизимнинг коррупцион жиҳатлари ҳақида лом-мим демаяпман. Тавсиянома бериш учун бирорта асос йўқ бўлган минглаб шахслар ҳам тавсиянома олиши эҳтимоли катта. Майли, бунга барибир чек қўя олмайди, бу жамиятимизнинг қон-қонига сингиб кетган «қадрият».

Лекин ҳеч бўлмаса тавсиянома бериш тартибини сал тартибга келтиришса яхши бўларди.


👉 @xushnudbek 👈

567 comments

Show 96 more comments
Рахмонова L
Juda yaxshi fikrlarni aytdiz biz xam shu muammolar bn yuribmiz maxalladan malumotnoma olib tumanga bordik lekin tafsiyanoma beradigan opa joyidamas ikki kun qatnadim.ammo xali xamon usha siz aytayotgan yugur yugurlar davom etmoqda qogozvozlik
Дильнозик
Ассалому алайкум сизга саволим бор еди?
Nazarov G'.H.
Бу чолу кампирлар вазирлиги.... СССРдан колган, мияси котиб колганлар вазирлиги. Хушнудбек ёзган коррупцион холатлар хакидаку гапирмасаям булади. Хали янги килгиликлар олдинда. Хар бир яратилган ёки ёзилган конунда узлари учун корруция учун жой колдиришади. Уша тешикдан миллатни конини суришни давом этади. Ман иктисодчиман Юрист эмас, лекин любой конунни ушанака тешикчасини топиб бераман.
2
Aqljon Egamova
Хақийқий билими бор инсон имтиёз изламайди,бир аммаллаб билимсизларниям уқишга киритишни эмас,ўқишга киргандан кейин иқтидорли болаларни танлаб мукаммал билим олиши учун ёрдам бериш к.к.Билимсиз одам ўзига ишонмайди,эртанги кунда юрт манфаатини эмас,бир аммаллаб курсисини асрашни уйлайди
🇺🇿🌱PSIXOLOG~MENTALIST~IT~PROFAYLER~PROFKONSULTANT~GRAFOLOG🌿🇺🇿 🌎🌿RAXIMOV RAVSHAN🌿🌎
Aslida sof tanqid bir yoki ikkita böladi . Shular orasida ijtimoiy hayotni yorituvchi ahamiyatlisi yuqoridagi fikrlariz. Rivojlanish kamchiliksiz kelmasligini isboti . Omad ! xalq dardi bilan yashang . Xushnud aka.
1
Yusupov Shohjahon
FEP
Qaysidir toifa yoki shaxslarga imtiyoz berish bu g'irt axmoqlik va korupsiya ayniqsa bu talimda bo'lsa. Bu imtiyozlar hech qachon oddiy xotin qizlarga berilmaydi. Esingizda bo'lsa fuqorolardan spravkalar so'rash bekor qilingandi shekilli. So'g'dga 500 ta o'rin berilgan emush uyatsizlar. Qanday asosga ko'ra berildi. Chunki Tojik xalqi O'zbeklarga o'xshab jim o'tirmasdan haqqini talab qilgani uchunmi?. Nima O'zbekistonda So'g'ddan boshqa chekka hududlar kammi. Xullas hamma yoq axmoqgarchilik, adolatsizlik, korupsiya, tanish bilishchilik. Bu imtiyozlar oddiy xalq uchunmas issiqda asablaringni buzib spravka yig'ib ovora bo'lmanglar opa singillar. Bu imtiyozlar alla qachon XOROMXO'RLAR o'rtasida taqsimlab bo'lingan.
👍👍👍👍👍👍👍
Juda to'g'ri gaplar. So'x da yashidiganlani shoxi bor ekanda. Nima ham qilardik
1
ISLOMBEK YARATOV
Balki DTM shoshilib qaror chiqargani un bir biriga mos kelmas
Artikova Gulnora
Fikringizga qo' shilaman
Sariboyeva. O. R.
Хушнудбек рахмат сизга бугунги жуда яхши мавзуни кутариб чикибсиз. Тугриси мени узими жияним хам худди шу имтиёзга лойик акам келин ойим оламдан утган жияними мени онам яни энаси устирди хозирда 78 ёшда турмушга берди бир кизли булганида куёв бола буйрак етишмовчилиги туфайли оламдан утди 5 ёшли киши билан энасини олдида кайтиб келди узи 25 га кирган ёш шу имтиёздан фойдаланиб бу йил укишга кирсам яхши буларди деб ният килаятоди, лекин бунча бекорчи когозбозчилини куриб чиндан воз кечдик. Бу шунчаки бемани уйинми хаммаёк онлайн булаётган бир пайтда шу нарсани хам онлайн килса булмайдими. Бу аёллар чиндан каерларга сарсон булишади кимларга ялиниши керак.
Nazarov G'.H.
Yusupov Shohjahon
👍👍👍👍👍👍👍 Juda to'g'ri gaplar. So'x da yashidiganlani shoxi bor ekanda. Nima ham qilardik
Узларини тили кисик жойини шу йул билан окламокчи буляпти мансабдорлар
KAMOLIDDIN AMIRQULOV
Imtiyoz berilgani yaxshiyu lekin. 3 ichida buncha hujjatni qanday yigʻish mumkin. Oʻzi karantinda yoʻl kira narxi osmon boʻlsa buni kim hisobga oladi
Xurshid ,,,,
O'sha kechagi gap.......
Ғ.П
Салом Хушнедбек! Имтиёз бу ўз йўлига.Аммо,лекин "" ичидагилар учун худо берди.Белгиланган евоталарни саралаш баҳонасида сотаяпти.Баъзи бир ташеилотлар эса ажратилган еувоталар учун юналтирилиш лозим бўлган ва бугунги еунда ўша тизимда ишлаб турганлардан яшираётгани мени тажубга солмоқда.Хуш нима қилиш еерае
Nurillo 
Meni fikrimcha imtiyoz berilishi noto'g'ri sababi odamlar shunga o'rganib qolishadi qiynalib dam nimaligi bilmasdan o'qishga tayyorlangandan ko'ra o'zini bechoraga solib olishadi.qolgan abituriyentlar haafaalsi bir bo'lib tayyorlangisi kelmasdan qoladi.qiylanib ozmi ko"pmi qiyinchilk ko'rib tayyorlanglar bilan oddiy odam birdek bo'lib qoladi.odamlarda o'qishga qiziqish qolmaydi .meni firkimcha
Yusupov Shohjahon
Bu aslida yaxshi oylangan imtiyoz. Shuncha xujjatni yigdirib ayollarni qiymamanglar! Bechora ayollar shuncha xujjatni yigib tavsiyanoma ololadimi Hali yoki yoq! Bekor ahmoq bolishadi. Vazirlikka otrgan qorni kottalarni tanishlari hamma joyni band qilishadi. Umid uchun ham joy yoq bu yerda
Mastura°°°
Bitta tanishim kam taʼminlangan deb hujjat toʻgʻirlabdi kam taʼminlangan boʻlmasa ham, haqiqatan hamma joyda korrupsiya. Bundan tashqari hozirgi paytda 11 sinfni bitirgan oʻquvchi oʻqishga kirolmasa qoʻlida na kasb-hunar kolleji diplomi ham yoʻq. Oʻgʻil bolalar biror joyda ustalik, haydovchilik, sartaroshlik qiladi yoki Rossiyaga ketadi. Qizlar turmushga chiqishini kutib oʻtiradi.
Shonazarova_Umida
Assalomu alekum Xushnudbek aka ijodiy imtixonlar nimadan bo‘lishi hali ham aniq bo‘lgani yo‘q. Nizomiyga Tasviriy san'at fakultetiga topshirmoqchiman ijodiy imtixon bo‘lishi aniq lekin qalam tasvirmi chizmachilikmi bu hali ham aniq emas qachon aniq bo‘ladi bu?????
Sadoqat Mansurzoda
Bilasizmi o'tgan yili bir tanishim ijodiy imtihonlarga bormasdan 63ballik mezindan 56ball olgan biz imtihonga borib esa 30ball olganmiz. Keyin u 100ball bilan budjetga o'qishga kirib ketdi chunki harbiyning bolasi emush. Bu ball men olgan balldan 2baravar kam edi
Sarsenbaeva Shaxribanu
Хушнудбек ассалому алайкум. Жуда тугри фикр билдирдингиз, карантин даврида бу югир-югирлар кимга керак. Хаммаси онлайн тарзда мукаммал ишлаб чикилиши керак эди. Бази бир тоифалари хакида аник тулик маьлумот берилмаган.
ZAMON. UZ
FIKRINGIZGA QO'SHILAMAN
Саодат Мирзакаримова
Укитувчиман куп йиллардан бери коллежни битириб укитувчилик килайотган урта махсус дипломли лекин жуда касбий махорати зур укитувчиларни биламан. Ана шу укитувсиларимиз ОТ га кира олмаябдилар . Шундай тажрибали укитувчиларимизни нахотки ОТга сухбат тарикасида кабул килиш мумкин эмасми? Тестни ким уйлаб топган узи?
Show next 100 comments