Тестсиз ўтган 1 август
Тест тизимига тўлиқ ўтилганига 25 йил бўлган бўлса, шу давр ичида ҳар йили 1 август куни Ўзбекистон нақ "қайнар" эди!
Тўғри охирги 2 йилда 1 август аҳамияти бироз тушди, сабаби тестлар 1 кунда эмас, 15 кунда бўладиган бўлди. Аммо барибир асосийси шу кунда тест бўларди.
Бу ярамас пандемия бутун дунёни остин-устун қилиб ташлади. Барча қадриятлар, одатлар, қонун-қоидалар ўзгариб кетди. Ва мана 25 йилда илк маротаба 1 август куни тест синовлари ўтказилмади.
Ўтган йили 1 август куни канал муштарийлари билан биргаликда тест жараёнларига оид хотираларимизни эслагандик:
t.me/xushnudbek/2786
[1 йил ичида 100 мингдан ошиқ янги обуначилар қўшилганини ҳисобга олиб,] Келинг, яна бир бор 1 август - тест синовлари билан боғлиқ балки ширин, балки аччиқ, балки қувноқ, балки қайғули хотираларни ёдга оламиз.
Изоҳларда фикрларингизни кутаман.
👉 @xushnudbek 👈
Тест тизимига тўлиқ ўтилганига 25 йил бўлган бўлса, шу давр ичида ҳар йили 1 август куни Ўзбекистон нақ "қайнар" эди!
Тўғри охирги 2 йилда 1 август аҳамияти бироз тушди, сабаби тестлар 1 кунда эмас, 15 кунда бўладиган бўлди. Аммо барибир асосийси шу кунда тест бўларди.
Бу ярамас пандемия бутун дунёни остин-устун қилиб ташлади. Барча қадриятлар, одатлар, қонун-қоидалар ўзгариб кетди. Ва мана 25 йилда илк маротаба 1 август куни тест синовлари ўтказилмади.
Ўтган йили 1 август куни канал муштарийлари билан биргаликда тест жараёнларига оид хотираларимизни эслагандик:
t.me/xushnudbek/2786
[1 йил ичида 100 мингдан ошиқ янги обуначилар қўшилганини ҳисобга олиб,] Келинг, яна бир бор 1 август - тест синовлари билан боғлиқ балки ширин, балки аччиқ, балки қувноқ, балки қайғули хотираларни ёдга оламиз.
Изоҳларда фикрларингизни кутаман.
👉 @xushnudbek 👈
1748 comments
Log in to comment
Ҳа, бугун 1-август бўлишига қарамасдан пойтахт кўчалари бум-бўш, худди кинолардаги ташлаб кетилган шаҳарга ўхшайди.
Лекин 4-5 йил олдин 1-август бунақа эмас эди. Бу кунга алоҳида тайёргарлик кўрилар эди. Таксистлар йўлкира нархини беш-олти баробарга ошириб олишар эди.
Йил бўйи биров иши ҳам бўлмаган этикдўзнинг иши юришиб кетар эди, унинг вазифаси шиппакнинг ичига имкон борича усталик ва бутун санъатини ишга солиб ўта моҳирона телефонни жойлаштириш эди. Одамлар сал қолса этикдўзнинг қабулига ёзилиш учун навбатга туришар эди.
Зангиотада чала муллалар ва лўлиларнинг иши-ку, имтиҳондан бир ҳафта олдин бошланиб кетар эди.
- Ҳа, қаёққа кетяпсан?
- Зангиотага бориб бир дуо олиб келайлик.
- Ўқиш-чи?
- Ўқиш тўхтаб туради, Зангиота руҳларини шод қилмасак, ўқишга киролмас эканмиз. 😂😂
Тиламчи лўлиларнинг ҳам дуоларида ўзгаришлар бўлар эди, “Энг катта ўқишларга кириб кетинг, имтиҳонда саволлар осон тушсин, кўзингизни юмиб ишлаб чиқинг” шунга ўхшаш 😂
Милиция амакилар ҳам айнан шу куни ишни қилиб қолишар эди, ҳатто милицияларгача х-вариант сотишар эди, улар ҳам эрталабдан ўлжа излаб кўчага чиққан йиртқичдек ҳаракат қилишар эди.
Кимдир бункерга кириб кетган, кимдир х-вариант излаган, ота-оналар, бобо-момолар абитуриентлардан кўра кўпроқ ҳаракат қилишар эди.
Кимдир эса ўша чекка бир қишлоғидан фақат билимигагина ишониб келган ва ўша х-вариантчиларни кўзига кўрсатиб қўяр эди.
Ишқилиб 1-август университет фаррошигача пул қиладиган кун эди. Коррупция миқёсини тасаввур қиляпсизми? Лўлигача “левий” қиладиган тизим йўқ бўлди.
Тўлиқ йўқ бўлди деб айта олмайман, чунки ҳали ДТМ ва Давлат қабул комиссиясининг бошида ўзгаришни хоҳламайдиган, ҳар қандай янгиликни ўзларига душман деб биладиган “динозавр”лар бор экан, бу тизим ҳали ҳам кимларгадир катта даромад манбаи бўлиб қолаверади.
Бугун 1-август - ҳеч қандай кун. Уйда ўтир. Пандемия. Карантин. 😂
@tentakminds #examkun
2010-yil. O'zMU (O'zb.filol.) ga topshirganman. Bir kechada testlar tarqab ketgani va testlar shu kechaning o'zidayoq yangilanib (imkoni yo'q-u, ammo ishonganmiz), oddiy printerda chop qilingan test kitobchalarda testni yechganmiz. "Shaffoflik"ning hidi...
O'shanda 158,8 ball bilan yiqilganman.
2011-yil. TDPU ga topshirganman. Nimadir bo'ldi-yu, test bir kunga kechiktirildi. Yana "shaffoflik"...
170,5 ball bilan yana yiqildim.
Va nihoyat, 2012-yil. Har holda tizim yangilangan edi. Yana TDPU. Testlar shunchalik murakkab ediki (ayniqsa, ona tili, 28 ta chiqqan; tarix-ku "o'yinchoq" edi - Lafasovdan 10 tacha savol, jami 32 ta urganman) na qog'oz olib kirganlar, na telefon olib kirganlar yecha olardi. Allohning bizga o'xshagan yiqilib-yiqilib yurgan bandalariga gal kelgandi.
168,5 ball - GRANT. (E'tibor qiling, bir yil oldin olgan ballimdan 2 ball kam olib, o'sha joyning o'ziga grantga kirdim. Bu haqiqat tiklanganiga ishora edi).
Bir esladim-da.
(мен амалий имтихонларни назарда тутмадим)...