​​⚡ДТМ тилга кирди: Имтиҳонлар онлайн бўлмайди!

Бугунги брифингда айтилган хабарлар ортидан давлат тест маркази ўз расмий баёнотини эълон қилди:

" Бугунги матбуот анжуманидан сўнг турли манбаларда давлат олий таълим муассасаларининг бакалавриат таълим йўналишларига кириш имтиҳонлари онлайн бўлиши мумкинлиги ҳақида хабарлар тарқалди.

Шуни эслатиб ўтиш жоизки, Ўзбекистон Республикаси Президентининг 2019-йил 14-майдаги ПҚ-4319-сон қарорига мувофиқ олий таълим муассасаларининг бакалавриат таълим йўналишларига мос тест синови топшириладиган фанлар мажмуаси, баҳолаш мезонлари, тест топшириқлари сони ҳамда тест синовларини ўтказишнинг аниқ муддатлари Ўзбекистон Республикаси таълим муассасаларига ўқишга қабул қилиш бўйича Давлат комиссияси томонидан белгиланади.

Ҳозирги кунда Давлат тест маркази томонидан тест синовларини ҳар йилги шаклда, катта сиғимли биноларда, санитария-гигиена талабларига риоя этилган ҳолда ўтказиш бўйича тайёргарлик ишлари олиб борилмоқда.

Шуни маълум қиламизки, давлат олий таълим муассасаларининг бакалавриат таълим йўналишларига кириш имтиҳонларини ўтказиш тартиби ўзгармаган."

Баёнот тугади!

ДТМ азалдан "гапига жавоб берадиган" ташкилотлардан бири. Қилинмайди дедими, демак қилинмайди! Тўғрими?

Сафимизга қўшилинг:
👉 @davlattestmarkazi 👈