Shu propiska degan tushuncha o'z ahamiyatini yo'qotadi kelajakda insha'Allah.

Assalomu alaykum, Xushnudbek yangi qonun kanalizda e‘lon qilingandan so‘ng men Pasportstolga yaqinlarimni ro‘yxatga qo‘yish bo‘yicha murojaat qildim, mas'ul shaxs qonunchilikdagi o‘zgarishlar haqida batafsil ma‘lumot berdi. Hozirda doimiy ro‘yxatga kirish uchun endilikda har bir kishi uchun 16 kv.m hajmdagi joy belgilanganligini aytdi. Bir tomondan yengillik berilgan bo‘lsa ikkinchi tomondan qiyinlashtirib qo‘yishgan. Agar o‘rtacha hisobda sizni uyingiz 60kv.m bo‘lsa, siz 3,5 kishini ro‘yxatga kirita olishingiz mumkin ekan. O‘zbek oilasi bugungi kunda eng kamida 4 yoki 5 nafar oila a‘zolaridan iborat bo‘lsa, yarimi ro‘yxatga olinadi qolganlari yana uy olinganda ro‘yxatga qo‘yiladimi degan savol tug‘iladi. Iltimos bu bo‘yicha ham huquqshunos sifatida batafsil ma‘lumot bersangiz.

Assalomu alaykum, hurmatli ushbu murojaatni o‘quvchi! Men, Xolmuhammedov Muhammadyusuf, Namangan davlat universiteti fizika-matematika fakulteti matematika yo‘nalishi 3-bosqich talabasiman. Iltimos, ushbu xatimni e'tiborsiz qoldirmang. Agar men noto‘g‘ri manzilda bo‘lsam ming bor uzr, kechiring. Ochiqchasi, kimga murojaat qilish kerakligini bilmadim, bilganlarim bilan esa bog‘lana olmadim. Menda bir taklif bor edi, buni muhokama qilib inshaalloh amaliyotga joriy etilsa juda yaxshi bo‘lar edi. Hozirda yoshlar o‘rtasida jinoyatchilik va huquqbuzarliklar, afsuski, ko‘p uchramoqda. Achinarlisi, ularning ba'zilari bu ishni afv qilganlaridan so‘ng ham to‘xtatishmayapti . Davlatimiz rahbari, muhtaram Prezidentimiz, yoshlarga keng imkoniyatlar yaratish va ular o‘rtasida kitobxonlikni rivojlantirish borasida to‘xtovsiz ta'kidlamoqdalar va bu borada salmoqli ishlar olib borilmoqda, bu albatta asta-sekin o‘z samarasini berishiga guvoh bo'lmoqdamiz. Bilib-bilmay jinoyat ko‘chasiga kirib qolgan, adashgan yoshlar ham bizning hamyurtlarimiz, do‘st-birodarlarimiz. Yomon odamni sen yomonsan, desa u bundan ham yomon bo‘ladi. Aksincha, ularni yaxshi gap bilan yaxshi hayotga qaytarish, ota- onasiga, vataniga mehr-oqibatli qilib tarbiyalash lozim. Bunda kitob eng yaxshi yordamchi bo‘la oladi. Taklifim shuki, jinoyatchilik sodir etgan o‘smirlar, yoshlar kerak bo‘lsa kattalarga ham kitob o‘qishni o‘rgatish lozim, albatta, ular buni shunchaki qabul qilishlari ancha qiyin. Buni amalga oshirish uchun ayblanuvchilarga "bonus"lar berish kerak. Masalan, jinoyat sodir etgan shaxs belgilangan kitoblardan o‘zi xohlagan birini o‘qib tugatadi, evaziga esa unga o‘z oilasi va yaqinlari bilan ko‘rishish, ular bilan o‘z uyida ovqatlanish imkoniyati berilsin. Yoki bo‘lmasa, ayblanuvchi o‘qigan kitoblariga proporsional ravishda jazo muddati qisqartirilsa, masalan, bitta ma'lum hajmdagi kitobni o‘qib tugatgani uchun 1 yoki 2 kun va h.k. jazo muddati olib tashlansin. Misol uchun, ayblanuvchiga 3 yil 8 oy muddatga ozodlikdan mahrum etish jazosi berilgan bo‘lsin. Bu o‘rtacha 1320 kun demakdir. Agar bitta kitob uchun 10 kun qisqartirish desak , 132 ta kitob degani. 5 kun desak, 264 ta kitob deganidir. Bu, albatta, ayblanuvchining kitob o‘qishga bo‘lgan ishtiyoqini kuchaytiradi. Albatta, 200, 300 ta kitobni o‘qish, uni eslab qolish oson emas, shuningdek, ayblanuvchi rostdan ham kitoblarni o‘qimoqdami, dunyoqarashi o‘zgaryaptimi, degan savol bor. Bu jarayonni bevosita O‘zbekiston yozuvchilar uyushmasidan tayinlangan xodimlar holis nazoratga olishadi. Ya'ni ayblanuvchi Abdulla Qodiriyning "O‘tgan kunlar" va "Mehrobdan chayon" romanlarini o‘qib tugatadi va bu haqida nazoratchilarga xabar beradi. Yozuvchilar uyushmasidan kelgan xodim kitobning qisqacha ma'nosi va undagi qahramonlar, eng asosiysi, ayblanuvchining xulosasini eshitadi (og‘zaki yoki yozma bo‘lishi mumkin). Shundan so‘ng ayblanuvchi qoniqarli yoki aksincha javob oladi, shundan so‘ng unga "bonus"ni yutgani yoki yana kitobni qaytadan o‘qishi tavsiya etiladi. Tassavvur qiling, 250 ta badiiy kitob o‘qib undan kerakli xulosa chiqargan jinoyatchining ongi tabiiy yuksaladi, dunyoqarashi o‘zgaradi, kelgusida bu yo‘lga aslo kirmaydi. Farzandlari va yaqinlarini ham kitob o‘qishga undaydi. Taklifim shundan iborat edi. Albatta, bu yerdagi raqamlar, "bonus"lar misol tariqasida keltirildi xolos. Shuningdek, qaysi janrdagi kitoblarni o‘qish, jahon adabiyotidan kimlarning asarlarini o‘qish maxsus belgilab beriladi. Iltimos ushbu murojaat kerakli manzilga borishida menga yordam berishingizni so'rayman. Imlo xatolarim uchun ming bor uzr so‘rayman. O‘ylaymanki, taklifim amaliyotga joriy etiladi va ko‘plab jinoyatlarning oldi olinadi, degan umiddaman.

Ваалайкум ассалом. Бизда шундай ёшлар борлигидан хурсандман. Сиз юкорида берган таклифингиз, менимча чет эл (америкада булса керак) амалиетида бор. Кайсидур кинода хам курсатганди. Агар яхши психологлар, тарбиячилар бу ишга кушилса, натижа чикса керак. Ёшлар буюк келажакни куришда чарчаманг.

Айни манашу каби саволларга Хушнудбек жорий йилнинг 15 май санасида қуйидаги ссилкада жойлаган суҳбатини кўриш орқали батафсил жавоб олишингиз мумкин. https://youtu.be/jl3vDORQNvU