Xushnudbek.uz
Талабабай

Талабалар турар жойлари масаласидаги муаммолар ҳақида бир неча йилдан буён гапириб келамиз. Албатта бу тез ечиладиган муаммо эмас. Чунки биз талабаларни ётоқхоналар билан таъминлаш соҳасида жуда қимматли кўп йилларни бой берганмиз. Ҳозир энди кўрпани тортсак ё бошимиз, ё оёғимиз очиқ қолади.

Энди хабар қилинишича, талабабай ишланар эмиш. Ишчи гуруҳлар тузилиб, маҳаллаларда юриларкан.

Ўзи таълимдаги катта муаммолардан бири ўқитувчиларни маҳаллаларга жалб қилиниши, ўзини функциясидан бошқа ишлар юкланишида. Талабаларнинг қаровсиз қолишига ҳам сабаблардан бири шу. Нима бўлса ёки мактаб, ёки коллеж, ёки ОТМ ўқитувчиси уйма-уй юришга жалб қилинади (ҳа, яна банкирлар ҳам бор, улар алоҳида мавзу, майли). Илгари шунақа эди, ҳозир бошқача, деб хаспўшлаш шарт эмас. Ҳозир ҳам жойларда кафедра мудирлари, кураторлар, ўқитувчилар уйма-уй, "маҳаллабай" деб юришибди.

Энди талабабай.

Наҳотки, бошқача нарса қила олмаймиз? Бирор бахтсиз ҳодиса бўлса, ҳаммани ишчи гуруҳлару, уйма-уй юришларга жалб қилиб, иссиғида бир нарсалар қилиб, кейин унутиб юборадиган ишлардан чарчамадикми? Бунақа "ручной" ишга қанча ресурс, қанча куч, қанча вақт кетади?

Хўш, ундан кейинчи? Ишчи гуруҳ бир ой айланиб, ҳамма талаба билан алоҳида суҳбат қилиб, кейин албатта "отчёт" учун расмга тушиб, бу ҳақда акт қилиб, бир дунё бюрократия ва қоғозбозликни дўндириб, кейин тонналаб ҳисоботлар қилиб бўлганимиздан кейин нима бўлади? Талабаларнинг ҳаммаси турар жойли бўлиб қоладими? Ёки ижара бозорида талабалар учун бирор ўзгариш бўладими? Ёки талабалар шундан кейин заҳарланмайдими? Ёки қурилишларда йиқилиб тушмайдими? Кейин нима бўлади, кейин?

Балки ҳозир фожиа бўлгани ва 5 нафар талаба вафот этгани учун бу иш албатта керак, дерсиз, аммо тизим яратилмас экан, бунақа ишчи гуруҳларни ҳар доим уйма-уй юргиза олмаймиз-ку.

Анча йиллар олдин Юридик университетда бир гуруҳга куратор эдим. Биздан ҳам талабанинг уйига бориб, расмга тушиб, акт тузиб бериш талаб этиларди. Борардим, кўрардим, ким билан турибсиз деб сўрардим, бўлди. Ишдан кейин 1-2 кишиникига бориш керак, ўзимда машина йўқ, жамоат транспортида кўп вақт кетади ва ноқулай, таксида юришни ойлигим қопламайди. Староста ёки гуруҳдаги бирор машинаси бор талаба билан юриларди. Хўп, уйига бориб кўрдим ҳам дейлик, кейинчи? Талабанинг шароити ёмонроқ бўлса, бошқа яхшироқ квартира топиб бера оламанми, ёки ёнимдан квартирасига пул бераманми, ёки шундоқ ҳам чумчуқнинг инидай бўлган ётоқхонадан жой топиб бера оламанми? Хуллас, бунақа ишлашдан қанақа фойда борлигини яхшилаб ўйлаб кўриш керак. Ура-ура деб ҳудудларга чиқиб кетдик, маҳаллабай, инсонбай, талабабай қилдик, деган билан охирги манзилни кўришимиз керакку, ахир.

Ҳозирги ишчи гуруҳлар юкламаси бора-бора яна оддий ўқитувчилар елкасига тушиб, бутун шаҳарни ўзининг ёки бирор талабанинг ҳисобидан кезиб чиқиб, талабасининг ижара уйини расмга тушириш талаб этиладиган хўжакўрсин тизимга айланиб кетмаса деб қўрқаман. Ўзи бунақа тизим шундоқ ҳам бор, янада кучаядиганга ўхшаяпти.

Талабалар турар жойларини имкон қадар кўпайтириш (барибир тўлиқ таъминлаб бўлмайди), уйларни ижарага бериш тизимини тартибга солиш, талабалар учун ижара уйлари топишни енгиллаштирадиган механизмлар ҳақида бош қотириш керак. Шунингдек, Бош вазир ўринбосари раҳбарлигидаги кечаги йиғилишда айтилганидек, тарғибот ишларини (аслида бу ҳам таълим дегани) кучайтириш, техника хавфсизлиги бўйича бирламчи кўникма ва билимларни бериш лозим.


👉 @xushnudbek 👈

396 comments

Show 100 more comments
Abror
Shundoq ham keraksiz imtiyozlar berib yotishibdiku. Ta'limga berish kerak imtiyozni. Aynan talabalarning òqishdan boshqa tashvishi bolmasin. Kvartira kerak arzonroq, ertaga nima yerkanman degan. Istalgan talabaga kredit bera olsin bank va uni qaytarishni muddatini ham òqishini tugatgach qilib belgilasin
FINANCE
Ассалому алайкум ҳаммага. Бошқа вилоятларни билмадим, аммо Тошкент шаҳрида битта талаба ойлик 200 минг сўмга ётоқхонада турса ҳам анча мунча арзон бўлади. Шунчаки, юқоридаги 400 кишилик ётоқхона ўзини қоплаши қийин деган гапга: 400 000×200 000=80 000 000 млн. Энди талаба 10 ой ўқишда бўлишини хисобга олсак: 80 000 000×10=800 000 000 млн сўм. 800 000 000-600 000 000=200 000 000 млн сўм соф фойда.
Агар менда маблағ бўлганида 500 кишига мўлжалланган ётоқхона қурар эдим. Айтганча мен ҳам талабаман🙂
3
Sardor
Abror
Yotoqxona qurish tòliq hal etmaydi masalani. Yana bor imtiyoz kommunal tòlovlardan bòlishi kerak. Talabalar uchun kartochka qilsa ovqatlanish va savdo qilgani uchun arzonlashtirilgan holda. Tadbirkorlarga buning uchun imtiyoz bersa ham bòladi. Balki xatodir lekin taklif
Ota o'g'lidan qarz oladigan hozirgi bu zamonda hatto yuqoridagilari ham bu arzon narsalarga kunmaydi. Hamma emas albatta aksar tizimlardagilar zaxarlangan. Bir narsaga kulgusi keladi odamni ham yig'laging ham keladi bizda doim bir narsa sodir bo'lsa guuuv etib yonadi , tez sunadi va eng achinarlisi hal bo'lmaydi
Jahongir
Shuncha "city" larni qurishga sarflangan pulni ooozginasini yotoqxona qurishga sarflasa menimcha hamma muammo hal bo'lardi
2
Sardor
Jahongir
Shuncha "city" larni qurishga sarflangan pulni ooozginasini yotoqxona qurishga sarflasa menimcha hamma muammo hal bo'lardi
Davlat oldida yotoqxonlar qurishi hech ish emas ahir davlat bu lekin qilmaydi, chunki arzon narsa qilish foydasiz narsa kimga kk, lekin ta'limga qilgan e'tibor eng foydali e'tiborligini bilmaydi oyog'i yerdan uzilganlar
Жалилов Зокир
Вазирни гапига қўшилмайман қандай қилиб 400 ўринлик ётоқхона ўзини оқламаса? Бир талаба учун 1,5 млн сўм олинаётган бўлса? Камига 50 дан 100 гача долларда шапкаси бор. Олий ўқув юртларида сунъий тўсиқлар бор. Масалан биринчи навбатда кичик курс, кам таъминланган ёки бошқа баҳонада ётоқхонага жойлаштирамиз деб коррупцион ҳаракат қилиб пул ундиришади. Мени фарзандим тўрт йилдан бери ётоқхона учун «шапка» бериб жойлашаяпти. Тасаввур қилинг бир йилда 2,5 млн бўлаяпти шунда 400 ўринлик ётоқхона учун бир йилда қанча пул йиғилаяпти 100 млн ми? Энди нега ўзини оқламайди деб гапираяпти. Хусусий секторгами, давлат ҳисобиданми ётоқхона қуриш керак ва хеч қанақанги имтиёзларсиз талабаларни жойлаштириш керак. Кам таъминланган ёки фаол тик токерчиларни рағбатлантиришни бошқа йўлини ўйлаб топиш керак ёки махсус фонд ташкил қилиб стипендия тўлашсин.
Temurbek Javliev
Кимдир улмаса ёки кайсидир сув омбори аганаб кетмасаа хееч у жойларга етибор берилмайди , масалан бизни кишлокка хам коттаконларимиз хееечкачон бориб курмаган . Якинда сайланга кишлок оксоколи хокимиятнинг " хамма ишни факат когозда бажарасан амалда емас" деган гапи туфайли виждони кийналиб 10 кун утар утмас ишдан бушади .
Jahongir
Menda zo'r taklif bor.Xususiy qurilish kompaniyalariga tender orqali yer sotilganda shart qo'yish kerak. Misol uchun qurilayotgan kvartalni aytaylik 5-10% qismini talabalar uchun ajratish kerak va shunga yarasha imtiyoz berish kerak
Jahongir
Imtiyoz ham shart emas,chunki talabalar to'lagan ijara haqqi ham ular uchun doimiy daromad manbaiga aylanadi
11_33
Bu gaplar faqat talababay tizimga tegishli emas,balki baaarcha ........bay tuzimlarga tegishli. Har bir korxona tashkilot hodimi öz mutaxassisligi böyicha ish joyidagi majburiyatlarini bajarishi kerak. Allambalobay ishchi guruhlarga jalb qilishdan bir tiyinlik foyda yöq. Aksincha yetkazilgan moddiy zarar qoladi xolos
Davronbek
Shahar joylarda 2 xonali kvartirani 20 yilga kirditka beriladi 180 mlndan 240 mlngacha bolgan narhda shuni agat instutni ozi boshlangich tolovsiz olsa 1 mln dan tushadi hozirgi kunda talabalar ham 1 mlndan turibdi shu uylani talabalarga bersa 20 yilda qutiladi kiriditdan keyinchalik bu uyla instut oziga yani talabalar turar joyi sifatida qolaveradi
Anestesiolog.
Тугри фикр. Хамма когоздан чарчади.
Mukhriddin Jabborov
Davronbek
Shahar joylarda 2 xonali kvartirani 20 yilga kirditka beriladi 180 mlndan 240 mlngacha bolgan narhda shuni agat instutni ozi boshlangich tolovsiz olsa 1 mln dan tushadi hozirgi kunda talabalar ham 1 mlndan turibdi shu uylani talabalarga bersa 20 yilda qutiladi kiriditdan keyinchalik bu uyla instut oziga yani talabalar turar joyi sifatida qolaveradi
Ajoib fikr
1
★♠Jack♠★
Talabalar uchun imtiyozlar juda ham kam. Eng katta muammo yotoqxona muammosi. Talabalar 11 yanvardan boshlangan ananaviy oʻqish boshlanganida oddiy Qarshi shahrida 10-15 kunlab uyidan qatnashganini koʻrdim. Ayrim talabalar 7-8 km dan piyoda kelishadi.Chunki oʻqiydigan joylarining yaqinidan kvartira yoʻq. Cityda milliard soʻmlik daraxt ekkuncha shuning 10 foizini talabalar yotoqxonasi qurishga sarflansa talabalarga anchagina yaxshi boʻlardi
Qalandarov Bekzod
Qoğozbozlik va karrupsiya 100% tugadi degan kuni qõchqorim õzini sõyib yuborishga vaʼda berdi.
Umarbek Qalandarov
Yuqoridagi postda aytilgan gaplar to`g`ri lekin ishning ikkinchi tarafi bor yani biz talabalarga bilim berishinimaz kerak ularning yashash sharoitini ota onasi xal qilsin. agarda yaxshi sharoit bilan talaba bilimli bo'lib qolsa bizlardan qachadan qancha daxolar chiqardi Xozirgi vazir aytgan gap bor edi "Zaminaviy binolarda daxolar chiqsa Qani Beruniy va Xorazmiylar"
Sh
Yoshlar ittifoqiga ajratiladigan pullarni hammasini yotoq xonalarga, sity qurushga ajratilgan pullarni bir qismini yotoq xonalarga, universitet hisobidan, budjetdan, futbol uchun ajratilyotga pullardan TTJlar qurulsa b6ladi.
Sh
Talaba, mahalla bay, eeeee b6lmagan narsa b6lar juda past fikirlash, natijasi y6q y6l bu. Bizga aniq tizim kerak kankerit, 6qituvchi uz ustida ishlab dars bersinmi, yo kuchaga chiqib talababay, mahalla, litsiy texnikum, yurish ğirt axmoqlik, bu hammasi qoğozbozlokni keltrib chiqaradi ku. Xamma uzini ishini qilish kerak. Texnikumda xam litsiyda ham 6qituvchilar bor, ular ham oylik olyapdi vazifasini bajarsin, tizim qilish kerak tamom.
Jaloliddin Adhamov
Tog'ri mahallabay ham sektorlar ham umuman ish ko'rsarishmayapti har yili keladi nima muammo deyishadi imzo qo'ydirishadi bo'ldi natija yoq.Bechora bankirlar ham hozir huddi wunday yuriwibdi bankda odam yoq... Bular wuncaki yuzaki qaralish sektorlar ozini ozi aldayapti.
Alhamdulillah
★♠Jack♠★
Talabalar uchun imtiyozlar juda ham kam. Eng katta muammo yotoqxona muammosi. Talabalar 11 yanvardan boshlangan ananaviy oʻqish boshlanganida oddiy Qarshi shahrida 10-15 kunlab uyidan qatnashganini koʻrdim. Ayrim talabalar 7-8 km dan piyoda kelishadi.Chunki oʻqiydigan joylarining yaqinidan kvartira yoʻq. Cityda milliard soʻmlik daraxt ekkuncha shuning 10 foizini talabalar yotoqxonasi qurishga sarflansa talabalarga anchagina yaxshi boʻlardi
Vach chach
Alhamdulillah
Tugri BU bilan xal qilib bulmaydi keyin Man xam yotoqxonada turgan an iqtisodiyot universitetinikiga. Naq korrupsiyani uyasi. Kamiga isqirt ona. Otam yangi ulgan. Remont qoldirib. Oylab och yurganman. Hoy baraka topgurlar nima qilsangiz qiling. Talabani stipendiya sizni qaytarish. Ushanda eb ichish uziga etadi. Kvartirasini ota onasi eplaydi.
Show next 24 comments