Xushnudbek.uz
Электр энергиясининг янгича ҳисоблаш тизимига саволлар кўп

Тадбиркор, блогер ва «Asaxiy» лойиҳаси асосчиларидан бири Фируз Аллаев ўзининг Телеграм каналида электр энергиясига оид янгича ҳисоблаш тизимига оид ўз бошидан ўтказган воқеани сўзлаб берибди. Уни сизларга ҳам илиндим:

«Электр токи борасида янги ҳисоблаш тизими ASCUE ҳақида бугунги кунгача жамоатчилик ва ОАВ кўп гапирди. Лекин, вазиятда қандайдир ўзгариш кузатилмади. Бугун бу муаммога шахсан ўзим гувоҳ бўлдим.

Қарздорсан деб Зангиота туманида яшайдиган дўстимнинг уйида токни масофадан ўчириб қўйишган. Дўстимнинг 4 нафар фарзанди бор, улардан бири ҳали бир ёшга кирмаган гўдак. Бутун уй электр токи асосидаги тизим билан иситилади. Энди -10 даражада совуқ ҳавода вазиятни фараз қилишингиз мумкин.

Қарздор бўлса, ўчирган бўлса дўстимни ўзини айбласа бўларди. Лекин, у олдиндан 5 500 000 сўм тўлов қилиб қўйган. Хато термадим, беш миллион беш юз минг сўм.

Телефон орқали электр тармоқлари маркази билан боғланиш имконсиз. Бирга Зангиота туманига бордик. Пойтахт билан шундоқ чегара туманда пойтахтдаги тизим билан ер билан осмонча фарқ бор. Ўзи Зангиота тумани бўйича ҳокимиятга аҳолида кўп савол йиғилган кўринади.

Бино ичига одам сиғмаганидан ўнлаб одамлар кўчада навбатда туришган, ҳеч ким ҳеч кимни тушунмайди, ҳатто эшитмайди ҳам. Энг қизиқ томони компьютер ҳам қарзни бир марта 23 миллион сўм, бир марта 3 миллион сўм кўрсатди. Шундан сўнг бошқа хонадан ҳужжатларни топиб келишни сўрашди, у хонадагилар ҳам ҳужжатларни беролмаслигини ва ҳозир топишга ҳам вақти йўқлигини айтишди. Раҳбарият сўралганда, раҳбар ҳам жойида йўқ. Бунақа ишлаш, халқни овора қилиш нотўғри эканлигини асабийлашмасдан тушунтиришга ҳаракат қилдик. Ходим бўлса ўзи ҳам шундоқ ишдан кетмоқчи эканлигини айтиб ўтди.

Ниҳоят, узоқ асаббузарликлардан сўнг, сиз бораверинг, кечгача ёқиб қўямиз деган жавобни беришди. Лекин, қўнғироқ қилиб сўрасак, ток ҳали ҳам ёнмаган.

Одатда маиший муаммолар ҳақида ёзмасликка ҳаракат қиламан. Бугун ҳам бу фақат дўстимнинг муаммоси ёки шунчаки вазиятдан ташқари хато бўлса ёзмасдим. ОАВ, ижтимоий тармоқда халқнинг доимий эътирозларини кўриб, бу алоҳида фуқаронинг эмас, аксинча тизимли муаммо эканлиги аниқ ва равшан кўринмоқда. Менимча керакли идоралар ASCUE тизимини ўрганиши, шартномалардан бошлаб ишлатилган пулгача, тизимгача тўлиқ текшириб чиқиши муҳим деб ўйлайман».

Пост тугади.

❓Сизда ҳам шу тизим билан боғлиқ муаммо бўлганми? Изоҳларда аниқ мисоллар билан ёзиб қолдиришингиз мумкин.


👉 @xushnudbek 👈

656 comments

Show 100 more comments
Fakhriddin Matkarimov 🎩
Manimcha bu xato xisoblagich juda aqlli odamning ishi bulsa kere sigir yilida sog'ishni eng samarali usuli
Qiziq oldingi xisoblagichlar va xozirgisi orasidagi farqni qaysi tashkilot tekshirarkan
Азизбек Нурматжанов
☆☆
Farg'onada xam shu axvol nimaga qo'yishkan ozi shu yangisini xayronman bora bora xalq ezilib qolmoqda yashashni xam qolmayapdi shekkili buyerda Alloh insof bersin xammaga
Oka endi nimadir qilib pul yigish kkku bula insofsizlar
Бегущий в ЛАБИРИНТЕ
Бегущий в ЛАБИРИНТЕ
Ассалому алайкум! Камина Коракалпогистон Республикаси, Нукус шахриданман. 2019-й 19-сентябрь шахримиз кучалари буйлаб электр энергияси хисоблагичларини ёппасига янгисига (эскисини смарт картали хисоблагичга алмаштирганига узоги билан 3-йил булгандиёв) алмаштириб чикишди. Уша янги хисоблагичга алмаштирмасидан 2-3 кун олдин олдиндан 1000(минг) кВт учун тулов килиб куйгандим. Тез-тездан гохида хисоблагичдан, гохида мобил иловалардан хисобимни кузатиб бораман. Февраль ойи урталарига келиб электр энергиясини масофадан узиб ташлашди. Хисобни карасам карздорлик йук, хали 150 кВт бор. Шахар электр тармоклари биносига кунгриок килсам жавоб беришмади. Ноилож бордим. Навбатни айтмай куяй. Амаллаб етиб боргандан кейин компьютердан куришса 15.000 сум атрофида карз. Туланган квитанция ва колдикларни хисоблаб курсатсам, хали камига 1 ойлик фойдаланилмаган кВт хисобимда бор. Англашмовчилик булибди дейишди ва ёкиб куямиз, бораверинг деб мени ишонтириб кайтаришди. Уйга келсам хали хам свет ёнмабди. Эртасига эрталабдан яна бордим. Арзимни айтганимдан сунг яна у ёг-бу ёгни ахтариб, нима булганини тушунмасдан бораверинг ёкиб куямиз дейишди. Кетдим. Орадан 2 кун утар-утмас яна уша ахвол. Бу сафар жахлим чикиб тугри Нукус шахар электр тармоклари бошкармаси директори олдига бордим. У хам арзимни эшитар-эшитмас муаммони хал килилар деб одамларидан бирини чакириб ушанга эргашишимни айтди. У кишига яна бошкаттан тушунтирдим. У хам бошликка бориб нима килардиз, узимизга келсангиз хам хал килиб берардикку дегандек киноя килди. Бир хафтадан бери шу ерда овора буп юрибман деб аччикландим, дарров шаштидан кайтди. У хам компьютерни ковлаб, сизни масалангиз буйича тушунмовчиликлар бор, биз буни МИБга юборамиз ва натижаси булиши билан сизга хабар киламиз, компьютердан карздорлик учун куйилган "ограничение" ни учириб куямиз дейишди. Мурожаатимга качон аник жавоб берасизлар десам 3 иш куни ичида дейишди. Кутдим. 3 кун утиб булди, йук... Орадан яна 2 хафта утгач гина электрон хисоблагичингиз балансида 5000 сум атрофида колди деган хабар келди. Кайдасан электросеть дея тагин бордим. Ха келинг, сизмисиз дея кутиб олишди. МИБдан жавоб уша куни келганмиш. Ха лаббай, нима гап десам куйидагича тушунтиришди: 2019-й сотиб олинган кВт нархлари янги тариф нархлари белгиланганидан сунг узоги билан 3 ойгача амал килар эмуш. 3 ойдан сунг эса колдик кВт лар хам янги тариф, яъни янги сумма буйича хисобланиб, олдиндан туловиз булса хам ишлатилмаган колдиклар учун хам янги тарифни суммасини хисобимиздан ечиб колар экан. Бу буйича эса канакангидир карор хам бор эмиш. Уша карорни курсатишини сурасам, курсата олишмади. Тушунмаганлар учун соддарок килсам: Масалан 2019-йил март ойида 1 кВт = 250 сум булса, октябрь ойидан бошлаб янги сумма жорий килиниб 1 кВт 300 сум этиб белгиланади. Лекин мен Сентябрь ойида хали 1 кВт 250 сум пайтида олдиндан тулов килганман. Лекин ушани 3 ойгина 250 сумдан фойдаландим, кейин эса колдиклар учун нарх узгариб фойз кушилди ва яна хар бир кВт учун устига 50 сумдан шилиб колишди )) Ажойиб-а! Худди ОТМларнинг контракти ва ДжиЭмнинг мошинангиз навбати якинлашиб, келадиган пайти устига яна нарх кушилгани каби )) Эринмасдан укиб чикканлариз учун ташаккур!
Шу масала буйича Хушнудбек, бир илтимосимиз бор эди. Менимча халкка хам фойдали маълумот булади. Шу тугрими, олдиндан тулов килинган-у лекин янги тариф чикканидан сунг фойдаланилмаган кВт колдиклари учун хам фойз тулашимиз керакми? Ва бу буйича хукуматнинг конун дойрасида кандайдир карорлари борми? Шу масалани урганиб, тугри-нотугрилигини аниклаб берсангиз. Жавоб учун оодиндан рахмат!
ELBEK SHODIBOYEV
Men 2020 yil sentyabr oyida endi yangi qurilgan uyga yangi elektr hisoblagich ornatish uchun elektrosetga bordim ularga menga yangi elektr hisoblagich ornatib berishini soradim ular menga avval eski eletr hisoblagichni qoyasiz keyin yangisini qoyamiz deb aytishdi. Nega birdan yangi elektr hisoblagich qoyavering desam buni iloji yoq deyishdi eski elektr hisoblagich 100 ming soʻmga sotib olish kerak keyin yangisi qoyilar ekan. Qanday mantiqsizlik aa Xop unixam sotib oldik. Lekin uyga elektr hisoblagichni ornatishga kelishdi va eski hisoblagichni qoymasdan birdan yangisini qoyib ketti. Bu eski elektr hisoblagichni qoyilmiydimi desam yoq bu uyizda turaversin deyishdi. Qizziq aa ?? 😃 Bundan ham yomoni agar elektr hisoblagichni puli tugasa, avval plastik kartaizdan pul tashlab keyin elektrasetga tel qilib pul otqazdim yoqing deb aytsaiz keyin yoqadi pul tashlagandan yomavermas ekanda bu. Agar puli tugab qolsa elektr hisoblagichni juma kuni ochib qolsa shanba yakwanba toksiz otirasiz
wWw
Пластик карточка вактида 300кв ишларди.Янги счетчикда 600 кв.1ойда.Одамга ухшаб яшаш учун яъни Кир ювиш машинаси, холодильник,духовка,пилесось ,кондиционер ишлатсангиз оддий одамнинг Бир ойлик иш хаки электр учун кетади.Бу аник.Пул ташласангиз тез ёнмайди.Баъзида ЭТК га шахсан боришга мажбур буламан.Асаблар чарчади.Охири шу счётчикни ечиб олиб лотокка отиб юбораман.
Begzod Turopov
Assalomu aleykum Hushnudbek g‘aroyib muammoni ko‘taribsiz. G‘aroyibligi Bizni Jizzax shaxriga 2019 yil Boshlarida hisoblagichni online deganidan o‘rnatishdi. Man eski chyotchikdan qarzlarimni yopib yangisiga 50000 oldindan to‘lov qigandim. boshida 3 oylar chamasi pul tugasa uchib pul solsa yonardi. iyun oylarida o‘chdiyu yonmadi. ShETK borib uchrasam 200000 ming qarz bo‘lganimni aytishdi. Eng qizig‘i bu hisoblagich qarzga o‘tmasligi kerakligini aytsam hech kim javob berolmadi. Undanam qizig‘i eski hisoblagichimni ombordan izlashim bo‘ldi. 3 soatla izlab topolmadim.shaxrimizda 50 ming honadon bo‘lsa endi ularni ichidan o‘zimniki izlash ehhe... Bu tizim qarzdorlikni tugatish uchun yangilangan deb hato o‘ylagan ekanmiz. Chunki tartibsizlik va chalkashliklar kimlarningdir katta ''foyda'' olishiga zamin bo‘ladida afsus...! afsuski u halq emas,o‘g‘ri ham kamomad qiladiganlar ham tizimdagilar.
Jasurbek Kurbonboyev
eng qizig'i 1 oyda 1500 kv ishladi sho'chik avallari 600 da o'tmasdi qishda xayronsan ishtatishimiz usha maishiy texnikalar eng qizig'i hisobda pul bo'la turib 2 ming qarz bor deb o'chdi bugun 3213028 Xorazm
Fakhriddin Matkarimov 🎩
Manda yangi taklif bor nafas olganda burunga o'rnatiladigan schotchik har nafas olganiyizga pul tulaysiz qale
Sodikjon Mamasoliev
Assalomu alaykum! Yuqoridagi holat ancha muhokamaga sabab bo’libdi. Tizimni yaxshi yo’lga qo’yish uchun avvalo tarmoqni raqamli, innovatsion boshqaruv tizimidagi texnologiyalariga e’tiborni kuchaytirish kerak. Hammaga ma’lum hozirgi qonunchiligimiz bo’yicha davlat tashkilotlari o’zlariga kerak bo’lgan har qanday texnologiyani kim oshdi (kamayib boruvchi ) savdosidan olishlari kerak. Yangi innovatsion texnologiyaga byurtma bersangiz sifatsiz texnologiya taklifi bilan uddaburon tadbirkorlar savdoda yutib chiqishmoqda. Natijada xitoyning bir tiyinga arzimaydigan kompyutorlari sizning xizmatingizda. Bu holatda xizmat ko’rsatuvchi ham iste’molchi ham sarsan sargardon. Qo’ying shu davlat tashkilotlariga manopolya bo’lsa ham uzlariga mos va hos brenddagi texnologiyalarni olaverishsin deb xech kim aytmaydi. Sohta olib sotarni qachongacha boy qilib yuraverarkin bu Davlatimiz bilmadim. Ma’lumot o’rnida Men elaktr tarmoqlarida ishlamayman. Faqat barcha byudjet tashkilotlarni qiynalayotgan holatni keltirdim.
Nurmuhammad
Bugun ham shunday holat kuzatildi. Men Tashkent, Olmazorda turaman. Tuman elektr tarmoqlariga 1,5 soat vaqt ketdi davlat ishonchli telefonini olishlariga. Tel qilsa chaqiradi yoki olib bosib qo'yishadi.
Axir biz davlat telefon raqamlariga qilyapmizku. Оплата qilinganidan keyin shuncha vaqt olishdi. Agarda hodimlar bunchalik ishga mas'uliyatsizlik bilan qarashsa, yangi tizimdan nima foyda?
E'tibor uchun rahmat.
nodir
Buxoro viloyati Qorako'l tumanidanman tizim o'rnatilgandaniga 1 yilcha bo'ldi lekin yangi hisoblagich bo'yicha umuman muanmo yo'q 1 yoki 2 kun avval to'lov qilish haqida ogohlantirish keladi
丂卄乇尺乙ㄖᗪ
Биз свет бор йўқлигини ҳам билмаймиз
Jakshi
Chiroqchi tumanida kuniga 18 soat svet yonmaydi. Kechqurun 23:00da yoqib, ertalabga yaqin 05:00larda o'chiradi. Barcha to'lovlarni to'laganmiz. Kechga ovqatlanish vaqtida qorong'uda o'tiramiz. Kunduzi yoqsin hech bo'lmasa. Ehhhhh..... zato osmonimz musaffoo
Murod Parmonov
Gaz muommosi ham muhim qishni kunida. Oktabrda berilgan Arízaga haligacha Lekin gaz ulab berishgani yo'q. Termez shahrida yashayman.
Tok rosa o'ynayapti, avtomatlar chidash bermayapti ko'p narsalar ulansa.

Gaz yo'q muommosi ham. Export qiguncha xalqqa berilsa bo'maydimi? Rossiya gaz olishni bekor qildi Xitoy kamaytirdi degan yangiliklar chiquvdi. Ko'chamizda xonadonlar birikib pul yig'ishtirib gaz turbasini kattaroq tarmoqqa izlash u n pul yig'ishtirib yuripmiz.Gor gaz tomonidan bir pul yig'ishtirib gaz turbasini kattaroq tarmoqqa ulatishimiz salida o'zlarini ishi ekanligi hayoliga ham kelgani yo'q. Gaz yo'qligi sanab ko'p tok o'chyapti menimcha.
Qisqasini aytgancha ahvol chatok sovuqqa 1 tasini o'lib ketdi degan xabarga ishonmagandim 1 kechada o'lib ketish hech gapmas -5-10 gradiusda.
Imkoniz boricha shu muommolar ni hal qilishga yordam qiling. Alloh omadizni va sog'ligizni bersin.
🌸
Buxoro shaxridan man bizadayam aynan wu muammo ☹️☹️☹️ harkuni 10 ming so'm tashlaymiz . To'lovingiz 1 kunlik qoldi deydi kuniga 10ming uradi menimcha cilicdan pul tawlaymiz wotida 100 ming turadi ln uchiradi sms kelib nima balo bu
ELBEK SHODIBOYEV
Endi yana boshqa elektr hisoblagich chiqaradi bu bomiydi ekan kop hisoblarkan deb yana yangisini chiqaradi bechora xalq yana bowqa sotib oladi wunaqa ovoragarchilik
✵ ู໊ ู໊ ู໊💪 ꪜᤢσᤢℜᤢzᤢลᤢҜᤢσᤢꪀᤢ💪 ู໊ ู໊ ู໊✵
Assalomu alaykum Xushnudbek aka biz Qashqadaryo viloyati G‘uzor tumanida turamiz sho‘rtan gaz zavodi bizdan 5 km uzoqda gaz yuq umuman nechchi yildan beri svet kuninga 2 3 soat yonadi bazi kunlar yonmaydiham bu muamolar 2050 yillar hal buladimi
Саидхонов
Bizning uyga o'rnatilgan xisoblagich 1 oyda 1 marta pul xisoblar ekan. Har oy ortacha 150 ming ishlatar edik, bu safar -650 ming bo'lguncha hech qanday habar kelmagan. Telefon qilsak 230 ming qarzingiz bor dedi, tumanga borsak 450 ming qarzsiz dedi, viloyatga borsak 650 ming qarzsiz dedi. Online xisoblagich 1 oyda bir marta online bularmish. Hayf sanlani matoqlaringga.
丂卄乇尺乙ㄖᗪ
ELBEK SHODIBOYEV
Endi yana boshqa elektr hisoblagich chiqaradi bu bomiydi ekan kop hisoblarkan deb yana yangisini chiqaradi bechora xalq yana bowqa sotib oladi wunaqa ovoragarchilik
Уларни ҳам бола чақаси бор,уларни халқ ўйламаса оч қолибкетади
ZILOLA ZZZ
Светни нархи киммат янги хисоблагич бир ойда жуда куп ишлаяпти нима килишга одам хайрон.
ㅤㅤ𝙊. 𝘼𝙝𝙢𝙚𝙙𝙤𝙫
Assalomu alaykum Akalar
Ko‘pchilikda ko‘p hisoblayotganini bir sababini bilaman agar uyingizda zazemlenya(yerlatgich) bilan uyingizga kirib kelgan nol simni bitta qilib ulab qo‘ygan bo‘lsangiz yoki uyni montaj qilishganda shunday ulangan bo‘lsa yangi hisoblagich ichtemol qilgan elektrenergiyasini ikki barobar ko‘p hisoblarkan (buni shaxsan sinab ko‘rmadim shu sohaga qiziqqanim uchun yutube da ko‘rdim) shu bois uydizdagi zazemlenya va nol ni alohida-alohida qilib montaj qilib qo‘yinglar.
Show next 100 comments