9-May Xotira va qadrlash kuni.

9-may karantinning 55-kuni

Bu kunda bizning tinch kunlarimiz uchun vatani uchun kurashgan insonlar xotirlanadi.Frontdami yoki front orti baribir hizmatlarini chin dildan bajargan ota bobolarimiz uchun bir kunni belgilab ularga bag'ishlangan bir kunning borligi ham juda yaxshi. Buni bayram qilib nishonlamasakda ularni hotirlash uchun sabab bu kun. 👍👍

Ачинарли,кувончли галаба куни

9-май Иккинчи жаҳон урушида фашистлар Германияси устидан Совет Иттифоқи ғалаба қозонган кун сифатида нишонланади. Совет Иттифоқи ғалабаси, деб бежиз айтмадим. Чунки 9-май Ғалаба куни сифатида фақат Совет Иттифоқида ва унга ҳамкор саноқли давлатларда нишонланган ва ҳануз нишонлаб келинмоқда.
Урушда Германияга қарши курашган бошқа мамлакатларда, масалан, АҚШ ёки Европада бу кун байрам қилинмайди; уруш тугаган кун сифатида ҳам ёдга олинмайди. Аслида Европа ҳудудларининг фашистлардан озод қилиниши 1945-йил бошининг турли саналарига тўғри келади. 8-май фашистлар
Германияси расман таслим бўлган кун. Шунинг эртасини советлар байрам қилиб олган. Аслида эса II Жаҳон уруши 1945-йил 2-сентябрьгача давом этган.
Хуллас, 9-май байрами собиқ Совет Иттифоқи ҳудудидаги давлатларда, хусусан, Ўзбекистонда совет маданиятидан қолган мерос сифатида ҳануз яшаб келмоқда.
Советлар даврида бу кун "Улуғ ватан урушида қозонилган ғалаба" деб аталди. Мустақилликдан сўнг "Хотира ва қадрлаш куни"га айланди. Сўнгги 2-3 йилда яна "Ғалаба куни" сифатида эсга олинмоқда. Бугун ўтказилаётган тадбирлар советлар давридаги парад ва байрамлардан кўп ҳам фарқ қилмайди. 
Тарих - ўчмас из. Иккинчи жаҳон урушида ҳалок бўлганлар, албатта, хотирланади ва хотирланиши керак. Аммо унинг советлар мафкураси асосида, улар белгилаб берган кунда ва улар ёзиб кетган тарих бўйича нишонланиши ғалати.
Биз 9-майни фашистлар устидан қозонилган ғалаба куни муносабати билан фақат советча тадбирлар ўтказиш воситаси эмас, балки инсоният тарихидаги энг улкан фожиа - Иккинчи Жаҳон урушида Ўзбекистон халқининг иштирокини қайта танқидий-таҳлилий кўриб чиқиш имконияти сифатида кўришимиз керак.
Беҳисоб жонини ва молини қурбон қилган халқимизнинг бу урушдаги иштироки ўз вақтида ҳақиқий ва тўла эътироф қилинганми? Сталиннинг мақсади фақат ватанни ва унинг халқини душмандан сақлаб қолиш бўлганми ёки ўз империяси ҳудуди чегараларини янада кенгайтиришми? 
Сталин ғалабаси советлар бошқарувидаги мустамлака халқлар учун, ўзбек халқи учун қанчага тушди? Урушда қурбонлар сонини камайтириш имконияти бормиди? Асир тушгани учун узоқ йиллар сургун ва қатағонга учраган ватандошларимиз тарихини ким ўрганади? Сотқинликда гумонланиб ёппасига Ўзбекистонга ва бошқа ҳудудларга сургун қилинган қрим-татарлар ва яна бошқа халқлар тақдириничи?
Рамзлар мамлакати
Болтиқ давлатлари совет тузумини қоралаб чиқди
Тарихчиларимиз мана шу мавзуларни ўрганишлари керак. 9-май тадбирлар куни эмас, тарихни ўрганиш ва ўргатиш санаси бўлсин. Шу куни мана шу мавзуларда суҳбатлар, мақолалар, бадиий ва ҳужжатли филмлар тақдим қилинсин; совет даврини улуғловчи материаллар эмас. Ҳам ёш, ҳам кекса авлод 9-май мамлакат тарихида, миллий онгда қандай ўрин тутишини билсин. Урушга оид манзарани фақат оқ ва қорага бўямасдан, унга холис ва батафсил баҳо бериш даври келди.
9-май ғалаба куни эмас, байрам ҳам эмас, балки ота-боболаримиз бошдан ўтказган машъум кунларни хотирлаш ва мотам тутиш кунидир.
азон.уз

Jen'is ku'ni

Bugun Shanba dam olish kuni

Яна битта дам олиш куни

Bu sanani ya'ni 9-may Aslida G'alaba kuni sifatida nishonlash kerak va Urushda qatnashgan ota bobolarimizdan xabar olib ularni tabriklash lozimdir.

Пусть остаётся днём победы Хушнудбек ака.

Xotira va qadrlash kuni.

Факат хотира, ґалабани байрам килиш хато, бу бизни урушмасиди, бизни ґалабаяммас.
Нега русоар Марказий Осиёни босиб олган даврдаги, у́збек хонларини парчалаган даврла эсланмаябди ?

Bu kunni bayram xisoblamagan do'stlarimiz emas

Gʻalaba kuni
Xalqimiz bu urushda qon toʻkkan axir
Biz kim tomonda tursak ham lek fashizmni yoʻq qilishga oʻz hissamizni qoʻshganmiz

Ko'pchilik shu kunda qabristonlarni ziyorat qiladi. Urushda vafot etmagan qarindoshlarini yilda bir shu kunda qabr boshiga borib qur'on tilovat qiladigan kishilarni bilaman. Agar shu kun ham kalendarda belgilanmaganda bilmadim marhumlarni qachon etarkanmiz.

Бу галаба факат рус халкиники эмас. Унда бизнинг ота боболаримизнинг хам мехнати сингган,кони тукилган. Бу кунни номини узгартиришдан олдин уруш катнашчиларидан фикрларини сураш керак эди. 100% ишонаманки улар бунга улсаям рози булмасди.

G'alaba so'zidan ko'ra xotira kuni ko'proq to'g'ri keladi.

Yutqazib qo'ya qolavergani yaxshimidi

Ассалом 9-май ман учун утганлани хамда уруш катнашчиларини хотирлаш куни.

Galaba kuni. Ozmi kopmi, yaxshimi yomonmi baribir ajdodlarimiz urushda qatnashgan. Ularni ham bu galabada hissasi bor. Albatta ularni xotirlash bizning burchimiz.