Xushnudbek.uz
Тестсиз ўтаётган 1 август!

Ваҳ-ваҳ-ваҳ... Бундан бир неча йил олдин ушбу кунда бутун Ўзбекистон «қайнар» эди.

Барча мобил операторлар бир хил ёлғон баҳона, яъни «техник профилактика ишлари» туфайли мобил интернетни ўчиришарди. Аммо нима учун ўчганини ёш бола ҳам биларди. Лекин улар бизни аҳмоқ қилишарди гўё... Мобил интернетнинг бир неча соат ишламаслиги ортидан бизнесга бир неча миллионлаб зарар етарди, аммо масъуллар бошқачароқ замонавий йўлни қидириб кўрмас, худди ҳеч нарсани билмагандай ўша ибтидоий йўлдан боришарди...

Ҳамма имтиҳонга шошган, юз минглаб тақдирлар шу 2-3 соат ичида ҳал бўларди. Ўзбекистон келажаги шу 3 соатлик қум соат ичига қамаб қўйилган эди гўё...

Минглаб инсонлар шу биргина кунни кутишар, шу биргина кун ортидан юз минглаб доллар (балки бир неча миллион доллардир, ким билсин) ишлаб олишарди...

Эҳҳееее, яна қанчадан-қанча хотиралар билан қолди, бу 1 августдан.

Бугун эса 1 август — оддий кун. Август ойининг биринчи санаси холос. Мана кетма-кет 2 йилдирки 1 августда ҳатто тест синовлари ҳам бўлаётгани йўқ. Ҳамма хотиржам. Ҳеч нарса ўчмаган (мабодо ой охирида абонент тўловини қилмаган бўлсангиз, ўчгандир балки). Ҳаммаси бип-бинойидай ишлаб турибди.

Айтмоқчиманки, ўзгаришлар ўз қўлимизда. Фақат оззззгина хоҳиш ва оззззгина сиёсий ирода бўлса етарли. Бошқа соҳаларга ҳам мана шу оззззгина хоҳишдан оззззгина беришса, гуллаб кетарди кўп нарса.

Сизда ушбу кун билан боғлиқ қандай хотиралар қолган?

Келинг, яна бир бор 1 август - тест синовлари билан боғлиқ балки ширин, балки аччиқ, балки қувноқ, балки қайғули хотираларни ёдга оламиз.

Изоҳларда фикрларингизни кутаман.


👉 @xushnudbek 👈
edited  

1071 comments

Show 100 more comments
Javohir bek
Testga tayyorgarlik kurib shpargalkalardi oyoq kiyim ichiga joylab, telefonlardi rumolchaga berkitib, exeeeee qimagan ishimiz qomagan shu kunda. Kechasi bilan uxlame test uqib chiqardik usha kunlari
vaновоv
Keling o'tib ketgan 1-avgustlar xotirasi uchun 1 soniya sukut saqlaymiz🤣🤣
1
Hamdamova Maxsuma Bahodirjon qizi
Men Ollohga shukr 2013 yili birinchi yiliyoq grandga kirganman 180 bal bn Ollohga behisob shukronalar bolsin shu yilda iks degan balo togri chiqmagan deyishadi.Mana bu yil magistrni ham tamomladim .
Khusnuddinovna
Javohir bek
Testga tayyorgarlik kurib shpargalkalardi oyoq kiyim ichiga joylab, telefonlardi rumolchaga berkitib, exeeeee qimagan ishimiz qomagan shu kunda. Kechasi bilan uxlame test uqib chiqardik usha kunlari
😄😄😄bir tarafdan shunisi bilan qiziq ham bolgan
Hamdamova Maxsuma Bahodirjon qizi
Bizham kichkina kitobchalarni rossa joylagandik
Muhammad Yusuf Yusupov
Madinaxon
Men 2 yildan beri imtixon topshiraman lekin ikkinchi yili ham o'qishga kirolmadim,lekin ancha mehnat qilganman qancha qiynalganimni o'zim bilan,o'tgan yili 3 ball yetmadi super kontrakt qilsam bo'lardi dadam hop dedi lekin o'zim hohlamadim,"hammasi yaxshilikka bo'ladi bunda ham bir hikmat bolsa kerak dedm,balkim meni bundan ha yaxshisi kutayotgandir dedim,bu yil tayorlanmsda topshiryabman balkim avval qiynalib o'qignimnu samarasiga ishonayotgandirman lekin bu notogri fikrligini bilaman,end hamasi hudodan bu yil ham barch abituryentlar qatori menga ham talaba bo'lish nasib qilsin illohim,hammaga omad
Ilohim omadizni bersin, ozgina qaytarish qilib turing tushadigan fanlarizni har holda tayyorlash boladi uzini. Koryabsiz bu yerda yozvotganlani hammasi 4-5 yilda oqishga kirganla, hattoki uzim ham 5 yilda kirganman. Ozgina harakat bolish kerak, shunda Alloh ham omadizni beradi.
Hilola Rasulova
3 йил имтихон топширганман лекин укиш насиб этмади.2-йил соддалигим(бир кизни тарихини 36та килиб ишлаб берганман у менга она тилини ишлаб бераман деган лекин хато булган мен титулни буяб булиб курганман оххх у пайтдаги алам чикиб тополмаганман укизни Чустдан эди палакат) ун контрактга илашиб грантга 4 балл етмаган
Sarvarovna
2018 yil 0.3 ball tibbiyot oliygohiga grandga yetmagan va uqimadim va uqish men uchun armon buldi afsus.. bazida alam qip ketadi
D. Shomurodovna
Men kirgan yili 2018-yildan boshlab adolat hukm surishni boshlagandi,lekin 1-2 yildan buyon tizim sustlashyapti .O'sha yili deyarli faqat bilimi va omadi kuchlilargina kirgandi va shu jumladan men ham.....
Adolat-bardavom bo'lishini istradim!
Мафтуна Магрубовна
Ман 1 август 2003 йил грант асосида талаба булган булсаям,2009 йил 1августда оила курганман
Hilola Rasulova
Хали хали укигим келади лекин келаси йили кизим топшириши керак ота онамни шу пайтгача тинч куймасдим контрактга булсада укитмагансизлар деб энди эса узим болаларимни кандай укитволаман деб уйлаб коламан
Komandos_67
Assalamu-alaykum Xushnud aka bu test tizmi shunday edi meni ham o‘sha eski tizim davrida abiturient edim juda ko‘p nohaqliklar ko‘rdm avval testda yo zarina bo‘lsin yoki zoring bo‘lsin dib aytishardi,bu juda hunuk holat edi yillar davomida abiturient bo‘lish yoshlik umrning o‘tish maqsadan cho‘chishlar diysizmi qishloq chiqqan abiturientlarni hehkim nazar pisand qilmasdi test kuni kelsa shosha pisha testga bugun taqdirim hal bo‘ladi dib hadik tortib testga kirardim hozir kunga kelib esa hamma imkoniyatlar bor hujjatlari topshirishdan tortib javoblarni raqamlashtirishdi hammasi hozirgi yoshlarga berilgan ulkan imkoniyatlar darak.
1
Hilola Rasulova
Sarvarovna
2018 yil 0.3 ball tibbiyot oliygohiga grandga yetmagan va uqimadim va uqish men uchun armon buldi afsus.. bazida alam qip ketadi
Мендай булибсиз хали хали армоним бор
PhD Azamat
1-avgust kuni qizim tug'ilgan, ilk farzandim. Men testda nazoratchi bo'lib, yangilikni eng oxirda eshitganman (telefon ishlatulmas edi).
Ex, qanday kunlar edi... afsusdaman!
QURBONOV OYBEK
2013 yili birinchi topshirishimdanoq 158,1 ball bilan birinchi òrin kontraktga òqishga kirganman. Essiz 0.4 ball yetmagan byudjetga kirishimga....🤨🤨
Др.Медик :)
Sarvarovna
2018 yil 0.3 ball tibbiyot oliygohiga grandga yetmagan va uqimadim va uqish men uchun armon buldi afsus.. bazida alam qip ketadi
Kimlardir kantraktga shunga ham kirolmiydi
Marjona
Haqiqatdan eslashga arzigulik va xar xil kulgili xolatlar bular edi. Birovni urniga birov kirgan kimdr variant ob chiqqan yana kimdr variantlarini derazadan otgan 😂😂😂 ularni ISB lar quvlagan ulwlawgan . Xullas juda esda qolarli va kulgili xolatlar . Taksilarni 1000 sumlik yuli xam 10000 bulardi 😂😂😂
Doniyor Hasanov
2014-yil 1-AVGUST. Imtihonga kirdim. Guruh nazoratchisi "hamma keldimi?" "Yo‘q" dedi bir bola. "Yaxshi. Bitta gigant raqobatchi tashqarida qolibdi"-o‘yladim. Imtihon boshlandi. 3 soat... Ishlashni boshladim. Vaqt juda tez o‘tardi. Kimlarningdir varianti olib chiqib ketilgan, yana kimlardir telefonda ishlatyapti. Vaqt oxirlab nazoratchi topshirishni talab qilardi. Men topshirdim va nazoratchi qolgan 5 ta abituriyentdan javoblar varaqasini qabul qilmasligini aytdi. Yana bir xursand bo‘ldim( 2tasining savollari olib chiqib ketilgan, 3 tasi to‘liq telda ishlatgandi. Hammasi javoblarni kutayotgandi. "Shu 3 soatda barcha jihatlarga e'tiborli bo‘lishga majbur edik") Javoblar chiqdi. Kontraktga kirdim. Lekin, nazoratchi aytganini qilmabdi. Qabul qilgan ekan. Ulardan biri men bilan bir guruhda 4 yil o‘qidi.
SALAMAT SABIROVNA
Assalomu alaykum ha o'sha 1- avgust kuni ko'pchilik uchun yaxshi xotira qoldirgan bo'lsa kerak shaxsan menda bu 1- avgust 2014 - yil shirin xotira qoldirgan 1- avgustda test topshirib 16- avgustgacha test natijasi chiqishini intiq bo'lib kutganman va talaba bo'lganman. Test jarayoni haqqoniy va shaffof bo'lgan, o'z kuchim bilan bir nimaga erisha olganimdan xozirgacha o'z-o'zimdan faxrlanaman. Biz bir oddiy fuqaro qo'limizdan shu kelgan xolos.
Matluba Qobilova
Bizning oilamiz uchun ham 1-avgust va 14-avgust qoʻrqinchli tushga aylangan edi. Chunki opam 7yil davomida oʻqishga topshirib kira olmasdi. Men esa grant asosida talaba boʻlgandim. Afsus opamning magʻlubiyati fonida xursand boʻlolmadik. Allohga shukurki baribir opam talaba boʻldi. Hozir yaxshi joyda ishlaydi. Oʻsha paytda taslim boʻlmay qayta-qayta oʻqishga topshirishga undagan ota-onamga ming rahmat!!! Hozir qizlari oliy ma'lumotli!!! U kunlar oʻtib ketdi!!! Yillar oʻtib birinchi avgust kuni bizning uyda toʻy boʻldi!!!! Oila qurganimga 7yil boʻldi!!!😊
3
U.Abdullayeva
1993 йил мактабни битириб тест топширганман. Унгача имтиҳонлар ёзма ва оғзаки бўларди. Ўша йили тестнинг иккинчи йили бўлиб, 1-блок табиий фанлар биология физика кимёдан 108 та савол, 2-блок математика ва 3-блок она тили ва адабиётдан 48 тадан савол эди. Агар тест бўлмаганда эҳтимол ўқишга киролмасдим, чунки минг яхши ўқиганим билан отам оддий ўқитувчи эдилар ва орқамда танкам йўқ эди. Университетга кириш учун битта машинанинг пулини сарфлаш керак дейишарди. Тестлар роса осон эди ва мени курсдошларим ҳаммалари оддий ўқитувчию шифокорларнинг фарзандлари бўлишган. Ҳозир уларнинг деярли барчалари олий ва биринчи тоифали ўқитувчилар, олимпиадаларда шогирдларимиз беллашишади. Ўзим ўз кучим билан ўқишга кирганим учун (1 август куни дадам касалхонада эдилар, орқамдан ҳеч ким бормаган) ҳар хил қинғирликлар билан олийгоҳга кираётганларни ва уларга шароит яратиб бераётганларни хоин деб ҳисоблайман
1
Show next 100 comments