АЛИФБО ЎЗГАРИШИ КИМГА ФОЙДА? Азизлар, тил - алифбо бўйича кимдир тушуниб, кимдир шунчаки бир нарсалар ёзди. Моҳиятга эътибор қаратадиган бўлсак, алифбодаги икки учта товуш ёки ҳарфга дум қўйилиши, шакли учун қилинган ўзгариш, яъни алифбони ўзгартириш мамлакат учун миллиардлаб, ҳар бир шахс учун миллионлаб қайта харажатни келтириб чиқаради. - Йўқ жойдан ортиқча харажат кимга керак? Ҳар бир даврда халқ, миллат шаъни учун курашувчиларни чалғитувчи, муваффақиятини кўра олмайдиганлар бўлади. Бизни йўлдан урувчиларнинг нағмаларига ишониб чалғимайлик! Газ, сув, светдан қўшимча, нореал ёзилаётган қарздорликлар, унинг ортидан силласи қуриб югураётган сарсонлар камми? Аслида қоидабузарлик бўлмаган, мажбурий қоидабузарликка киритилган йўл қоидаларини бузганлик айби билан келаётган ва тўлаётган жарималар етмаяптими? - Кечқурун ухлаганга жарима солиш керак эмасми, мабодо?! - Бир оилада 5-10 нафар инсон яшаётганлар нима қилади?! Россияда мардикорлик қилиб топган пулига яна турнақатор навбат кутиб, ҳужжат алмаштирадими? - Сиз-чи? Сиз бундан қутилиб қолармидингиз? Уч-тўртта «ақлли»нинг ақлига ўт тушсин, деб дуо қиласизми? Сиз ҳам ўша «дўзах» ўтидай ёнаётган қозонда қайнайсиз-ку, ахир! Ўт кетган уйдан қуруқ чиқармидингиз? Битта «Sh» ёки «Ch»га дум қўйиш, «O‘» билан «G‘»ни ўзгартириш оқибатида бутун Ўзбекистон аҳли пул сарфлаб ҳамма ҳужжатидан тортиб, давлат, корхона-ташкилотлар, тадбиркорлар печат-штампи, паспорт, «права» ҳайдовчилик гувоҳномаси, уй ҳужжатларигача қайта ўзгартириши, мактаб дарсликларини қайта нашр қилиш бу - миллиардлаб маблағни талаб қилади. Буни ким, қаердан, ниманинг ҳисобидан қоплайди? Яна солиқлар ошириладими? Кимнинг «прописка»сида қишлоқ ёки шаҳар сўзи йўқ?! Дилшод, Чори, Чоршанба бу сўзлар учун яқиндагина пул тўлаб алмаштирган паспорт, правангизни яна пул сарфлаб битта ҳарф учун ўзгартирмоқчимисиз? Ўзгартириш сизни отга миндирадими? Ё Ҳажга оборадими? Нима ютуғи бор, шу ҳарфларга дум қўйишнинг? Чунки, амалдаги алифбога ўзгартириш киритилса, янги қарорга кўра, муддат белгиланиб, ҳамма ҳужжатлар ўзгартирилган алифбога мослаштирилади. Бу ҳақда бирмас, қайта-қайта ўйлаб иш қилиш керак, эмасми?! Ўзгарганда нима ютамиз? Ёзиш, қўлланилиши, фойдаланиш ҳозирги алифбодан осонлашадими? Йўқ! Ўша-ўша, эски хаммом, эски тос! Сизу бизга, фойдаланувчига ҳеч қандай қулайлиги йўқ! Алифбо ўзгариши турган-битгани харажат. Давлат ғазнаси ва ҳалқнинг чўнтаги қурийди. Шахс чўнтаги пулга зор, эгаси хор бўлади, холос. Сабаби, Лотин ёзувидаги клавиатурада ўша «дум»ли «Ш» «Ч» ҳарфлари йўқ! Ўша думли «Sh» ёки «Ch» Ҳарфини ёзиш учун тилни «язык»ни алмаштириш функциясига кириб «туркча»ни танлаб, севимли думли ҳарфларингизни ёзгандан кейин, яна лотин алифбосига ўтиб ёзиш, ҳозирги алифбодан нима қулайлиги бор? Ёки ўзбек алифбосига «дум»лиларни қўшиб, халқни ҳам, маънавий ҳам молиявий ғажиб, кейин яна «Ҳ» билан «Х»нинг, «Ч» билан «Ш»нинг фарқига бормайди, деб айюҳаннос соласизми?! «Халқ»қа дум қўяётганлар етмаяптими, сизга? Ё Хитойга ўзингиз учун дум қўйилган клавиатура буюртма қиласизми?! Бир-икки авлод эмас, уч-тўрт авлод саводсиз бўлишига олиб келади бу - тулкининг думидек ликиллаб ўзгараётган алифбо! Ҳозир ҳар қандай важларни, ҳамма баҳоналарни йиғиштириб, ўқиш, ўрганиш, билганини ёшларга ўргатишдан яхши гап йўқ! Алифбомиз йўқ эмас, ҳар жиҳатдан фойдаланса, ўқиса, ёзса арзийдиган тилимиз, алифбомиз бор! Уни ерга ургунча кўкларга кўтарайлик, қадрлайлик! Уни ўзгартириш билан боғлиқ ишларни тўхтатайлик! Бургага аччиқ қилиб, кўрпани ёқишдан нима наф? Кўп миллионлик Ўзбекистон аҳли олдида, арзимаган тушунмовчилик ёки кимларнингдир олифтагарчилиги касрига миллиардлаб харажат турганини, наҳотки, тушунмасангиз?! Яхшигина алифбони титкилагунча, Элу халққа, миллатга, мамлакатга, аҳли башарга мотивация берадиган, фойдаси тегадиган ишларни қилсак бўлмайдими?! Дониёр МИРЗО

Men Shahsan krilldan lotiga to‘liq o‘tishni tarafdoriman lekimn hozirgi namunadagi alifboga albatta.Yangi qabul qilinayogan qonunni ya‘ni 1993-yildagi qonunni qayta kuchga kirgizayotganlar aslida umuman xalq dardi bilan ishi yoq yoki xalqqa va davlatga qastdan zarar keltirib hammaga azob berishni istayapti. Birinchidan Hozirgi namunadagi lotin alifbosi 1995 yilda qabul qjlingan bolib bu kampyuterda yozish uchun qulay sh ch ni hosil qilish oson yangi qonunga esa buni simvoldan izlash kerak bu yana hujhatlarni tuzishda qancha vatni oladi shuni qonun chiqaruvchilar o‘ylaganmi axmoqlar. Ikkinchidan Hozirgi namunadagi ishlatayotganimiz ya‘ni lotin yozuviga asoslangan o‘zbek yozuviga yosh ham qarri ham ko‘nikib bo‘ldi va buni qabul qiganimizga 26 yil bo‘ldi va ko‘pchilik shu alifboga savod chiqarib bo‘ldi yana nima keragi bor qulay narsani yana chgallashtirib. Uchinchidan Qanchadan qancha darsliklar u hujjatlar shu yozuvga o‘tkazilyapti o‘zi maktab darsliklarini yetishtirolmaymizda 6 sinifga o‘tsa o‘qovchi uni kitobini 5- sinfga o‘tgan o‘quvchiga ijaraga beradi. Nima hamma sinf o‘quvchilarini darsligini bir yilda taminlab berolmaydi yu yangi qonunni chiqarishga balo bormi yana davlatda mlard dollor pul ketadi va o‘quvchilar ko‘ r savot bo‘lib qolad. To‘rtinchida har bir millatni o‘zini yozuv alifbosi bo‘lishiga qo‘shilaman lekin yangi tahrirdagi qonun umumam boshqamillat Harfini qabul qilgan Turk alifbosini o‘ziku axmoq kishi ham buni biladi va boshqa millat alifbosini qabul qilmaydi. Qonu chiqaruvchi organda hamma ko‘zi ma‘nan ko‘r to‘nka ahmoqlar yig‘ilganmi nima shuni faximlayolmaydi.